১. পচ্চুপ্পন্নৰারো

(ক) অনুলোমং

৪৩৫. (ক) যো চক্খুন্দ্রিযং পরিজানাতি সো সোতিন্দ্রিযং পরিজানাতীতি? আমন্তা.

(খ) যো ৰা পন সোতিন্দ্রিযং পরিজানাতি সো চক্খুন্দ্রিযং পরিজানাতীতি? আমন্তা.

(ক) যো চক্খুন্দ্রিযং পরিজানাতি সো দোমনস্সিন্দ্রিযং পজহতীতি? নো.

(খ) যো ৰা পন দোমনস্সিন্দ্রিযং পজহতি সো চক্খুন্দ্রিযং পরিজানাতীতি? নো.

(ক) যো চক্খুন্দ্রিযং পরিজানাতি সো অনঞ্ঞাতঞ্ঞস্সামীতিন্দ্রিযং ভাৰেতীতি? নো.

(খ) যো ৰা পন অনঞ্ঞাতঞ্ঞস্সামীতিন্দ্রিযং ভাৰেতি সো চক্খুন্দ্রিযং পরিজানাতীতি? নো.

(ক) যো চক্খুন্দ্রিযং পরিজানাতি সো অঞ্ঞিন্দ্রিযং ভাৰেতীতি? আমন্তা.

(খ) যো ৰা পন অঞ্ঞিন্দ্রিযং ভাৰেতি সো চক্খুন্দ্রিযং পরিজানাতীতি?

দ্ৰে পুগ্গলা অঞ্ঞিন্দ্রিযং ভাৰেন্তি, নো চ চক্খুন্দ্রিযং পরিজানন্তি. অগ্গমগ্গসমঙ্গী অঞ্ঞিন্দ্রিযঞ্চ ভাৰেতি চক্খুন্দ্রিযঞ্চ পরিজানাতি.

(ক) যো চক্খুন্দ্রিযং পরিজানাতি সো অঞ্ঞাতাৰিন্দ্রিযং সচ্ছিকরোতীতি? নো.

(খ) যো ৰা পন অঞ্ঞাতাৰিন্দ্রিযং সচ্ছিকরোতি সো চক্খুন্দ্রিযং পরিজানাতীতি? নো. (চক্খুন্দ্রিযমূলকং)

৪৩৬. (ক) যো দোমনস্সিন্দ্রিযং পজহতি সো অনঞ্ঞাতঞ্ঞস্সামীতিন্দ্রিযং ভাৰেতীতি? নো.

(খ) যো ৰা পন অনঞ্ঞাতঞ্ঞস্সামীতিন্দ্রিযং ভাৰেতি সো দোমনস্সিন্দ্রিযং পজহতীতি? নো.

(ক) যো দোমনস্সিন্দ্রিযং পজহতি সো অঞ্ঞিন্দ্রিযং ভাৰেতীতি? আমন্তা.

(খ) যো ৰা পন অঞ্ঞিন্দ্রিযং ভাৰেতি সো দোমনস্সিন্দ্রিযং পজহতীতি?

দ্ৰে পুগ্গলা অঞ্ঞিন্দ্রিযং ভাৰেন্তি, নো চ দোমনস্সিন্দ্রিযং পজহন্তি. অনাগামিমগ্গসমঙ্গী অঞ্ঞিন্দ্রিযঞ্চ ভাৰেতি দোমনস্সিন্দ্রিযঞ্চ পজহতি.

(ক) যো দোমনস্সিন্দ্রিযং পজহতি সো অঞ্ঞাতাৰিন্দ্রিযং সচ্ছিকরোতীতি? নো.

(খ) যো ৰা পন অঞ্ঞাতাৰিন্দ্রিযং সচ্ছিকরোতি সো দোমনস্সিন্দ্রিযং পজহতীতি? নো. (দোমনস্সিন্দ্রিযমূলকং)

৪৩৭. (ক) যো অনঞ্ঞাতঞ্ঞস্সামীতিন্দ্রিযং ভাৰেতি সো অঞ্ঞিন্দ্রিযং ভাৰেতীতি? নো.

(খ) যো ৰা পন অঞ্ঞিন্দ্রিযং ভাৰেতি সো অনঞ্ঞাতঞ্ঞস্সামীতিন্দ্রিযং ভাৰেতীতি? নো.

(ক) যো অনঞ্ঞাতঞ্ঞস্সামীতিন্দ্রিযং ভাৰেতি সো অঞ্ঞাতাৰিন্দ্রিযং সচ্ছিকরোতীতি? নো.

(খ) যো ৰা পন অঞ্ঞাতাৰিন্দ্রিযং সচ্ছিকরোতি সো অনঞ্ঞাতঞ্ঞস্সামীতিন্দ্রিযং ভাৰেতীতি? নো. (অনঞ্ঞাতঞ্ঞস্সামীতিন্দ্রিযমূলকং)

৪৩৮. (ক) যো অঞ্ঞিন্দ্রিযং ভাৰেতি সো অঞ্ঞাতাৰিন্দ্রিযং সচ্ছিকরোতীতি? নো.

(খ) যো ৰা পন অঞ্ঞাতাৰিন্দ্রিযং সচ্ছিকরোতি সো অঞ্ঞিন্দ্রিযং ভাৰেতীতি? নো. (অঞ্ঞিন্দ্রিযমূলকং)

(খ) পচ্চনীকং

৪৩৯. (ক) যো চক্খুন্দ্রিযং ন পরিজানাতি সো দোমনস্সিন্দ্রিযং নপ্পজহতীতি?

অনাগামিমগ্গসমঙ্গী চক্খুন্দ্রিযং ন পরিজানাতি, নো চ দোমনস্সিন্দ্রিযং নপ্পজহতি. দ্ৰে মগ্গসমঙ্গিনো ঠপেত্ৰা অৰসেসা পুগ্গলা চক্খুন্দ্রিযঞ্চ ন পরিজানন্তি দোমনস্সিন্দ্রিযঞ্চ নপ্পজহন্তি.

(খ) যো ৰা পন দোমনস্সিন্দ্রিযং নপ্পজহতি সো চক্খুন্দ্রিযং ন পরিজানাতীতি?

অগ্গমগ্গসমঙ্গী দোমনস্সিন্দ্রিযং নপ্পজহতি, নো চ চক্খুন্দ্রিযং ন পরিজানাতি. দ্ৰে মগ্গসমঙ্গিনো ঠপেত্ৰা অৰসেসা পুগ্গলা দোমনস্সিন্দ্রিযঞ্চ নপ্পজহন্তি চক্খুন্দ্রিযঞ্চ ন পরিজানন্তি.

(ক) যো চক্খুন্দ্রিযং ন পরিজানাতি সো অনঞ্ঞাতঞ্ঞস্সামীতিন্দ্রিযং ন ভাৰেতীতি?

অট্ঠমকো চক্খুন্দ্রিযং ন পরিজানাতি, নো চ অনঞ্ঞাতঞ্ঞস্সামীতিন্দ্রিযং ন ভাৰেতি. দ্ৰে মগ্গসমঙ্গিনো ঠপেত্ৰা অৰসেসা পুগ্গলা চক্খুন্দ্রিযঞ্চ ন পরিজানন্তি অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি.

(খ) যো ৰা পন অনঞ্ঞাতঞ্ঞস্সামীতিন্দ্রিযং ন ভাৰেতি সো চক্খুন্দ্রিযং ন পরিজানাতীতি?

অগ্গমগ্গসমঙ্গী অনঞ্ঞাতঞ্ঞস্সামীতিন্দ্রিযং ন ভাৰেতি, নো চ চক্খুন্দ্রিযং ন পরিজানাতি. দ্ৰে মগ্গসমঙ্গিনো ঠপেত্ৰা অৰসেসা পুগ্গলা অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি চক্খুন্দ্রিযঞ্চ ন পরিজানন্তি.

(ক) যো চক্খুন্দ্রিযং ন পরিজানাতি সো অঞ্ঞিন্দ্রিযং ন ভাৰেতীতি?

দ্ৰে পুগ্গলা চক্খুন্দ্রিযং ন পরিজানন্তি, নো চ অঞ্ঞিন্দ্রিযং ন ভাৰেন্তি. তযো মগ্গসমঙ্গিনো ঠপেত্ৰা অৰসেসা পুগ্গলা চক্খুন্দ্রিযঞ্চ ন পরিজানন্তি অঞ্ঞিন্দ্রিযঞ্চ ন ভাৰেন্তি.

(খ) যো ৰা পন অঞ্ঞিন্দ্রিযং ন ভাৰেতি সো চক্খুন্দ্রিযং ন পরিজানাতীতি? আমন্তা.

(ক) যো চক্খুন্দ্রিযং ন পরিজানাতি সো অঞ্ঞাতাৰিন্দ্রিযং ন সচ্ছিকরোতীতি?

যো অগ্গফলং সচ্ছিকরোতি সো চক্খুন্দ্রিযং ন পরিজানাতি, নো চ অঞ্ঞাতাৰিন্দ্রিযং ন সচ্ছিকরোতি. অগ্গমগ্গসমঙ্গিঞ্চ অরহন্তঞ্চ ঠপেত্ৰা অৰসেসা পুগ্গলা চক্খুন্দ্রিযঞ্চ ন পরিজানন্তি অঞ্ঞাতাৰিন্দ্রিযঞ্চ ন সচ্ছিকরোন্তি.

(খ) যো ৰা পন অঞ্ঞাতাৰিন্দ্রিযং ন সচ্ছিকরোতি সো চক্খুন্দ্রিযং ন পরিজানাতীতি?

অগ্গমগ্গসমঙ্গী অঞ্ঞাতাৰিন্দ্রিযং ন সচ্ছিকরোতি, নো চ চক্খুন্দ্রিযং ন পরিজানাতি. অগ্গমগ্গসমঙ্গিঞ্চ অরহন্তঞ্চ ঠপেত্ৰা অৰসেসা পুগ্গলা অঞ্ঞাতাৰিন্দ্রিযঞ্চ ন সচ্ছিকরোন্তি চক্খুন্দ্রিযঞ্চ ন পরিজানন্তি. (চক্খুন্দ্রিযমূলকং)

৪৪০. (ক) যো দোমনস্সিন্দ্রিযং নপ্পজহতি সো অনঞ্ঞাতঞ্ঞস্সামীতিন্দ্রিযং ন ভাৰেতীতি?

অট্ঠমকো দোমনস্সিন্দ্রিযং নপ্পজহতি, নো চ অনঞ্ঞাতঞ্ঞস্সামীতিন্দ্রিযং ন ভাৰেতি. দ্ৰে মগ্গসমঙ্গিনো ঠপেত্ৰা অৰসেসা পুগ্গলা দোমনস্সিন্দ্রিযঞ্চ নপ্পজহন্তি অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি.

(খ) যো ৰা পন অনঞ্ঞাতঞ্ঞস্সামীতিন্দ্রিযং ন ভাৰেতি সো দোমনস্সিন্দ্রিযং নপ্পজহতীতি?

অনাগামিমগ্গসমঙ্গী অনঞ্ঞাতঞ্ঞস্সামীতিন্দ্রিযং ন ভাৰেতি, নো চ দোমনস্সিন্দ্রিযং নপ্পজহতি. দ্ৰে মগ্গসমঙ্গিনো ঠপেত্ৰা অৰসেসা পুগ্গলা অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি দোমনস্সিন্দ্রিযঞ্চ নপ্পজহন্তি.

(ক) যো দোমনস্সিন্দ্রিযং নপ্পজহতি সো অঞ্ঞিন্দ্রিযং ন ভাৰেতীতি?

দ্ৰে পুগ্গলা দোমনস্সিন্দ্রিযং নপ্পজহন্তি, নো চ অঞ্ঞিন্দ্রিযং ন ভাৰেন্তি. তযো মগ্গসমঙ্গিনো ঠপেত্ৰা অৰসেসা পুগ্গলা দোমনস্সিন্দ্রিযঞ্চ নপ্পজহন্তি অঞ্ঞিন্দ্রিযঞ্চ ন ভাৰেন্তি.

(খ) যো ৰা পন অঞ্ঞিন্দ্রিযং ন ভাৰেতি সো দোমনস্সিন্দ্রিযং নপ্পজহতীতি? আমন্তা.

(ক) যো দোমনস্সিন্দ্রিযং নপ্পজহতি সো অঞ্ঞাতাৰিন্দ্রিযং ন সচ্ছিকরোতীতি?

যো অগ্গফলং সচ্ছিকরোতি সো দোমনস্সিন্দ্রিযং নপ্পজহতি, নো চ অঞ্ঞাতাৰিন্দ্রিযং ন সচ্ছিকরোতি. অনাগামিমগ্গসমঙ্গিঞ্চ অরহন্তঞ্চ ঠপেত্ৰা অৰসেসা পুগ্গলা দোমনস্সিন্দ্রিযঞ্চ নপ্পজহন্তি অঞ্ঞাতাৰিন্দ্রিযঞ্চ ন সচ্ছিকরোন্তি.

(খ) যো ৰা পন অঞ্ঞাতাৰিন্দ্রিযং ন সচ্ছিকরোতি সো দোমনস্সিন্দ্রিযং নপ্পজহতীতি?

অনাগামিমগ্গসমঙ্গী অঞ্ঞাতাৰিন্দ্রিযং ন সচ্ছিকরোতি, নো চ দোমনস্সিন্দ্রিযং নপ্পজহতি. অনাগামিমগ্গসমঙ্গিঞ্চ অরহন্তঞ্চ ঠপেত্ৰা অৰসেসা পুগ্গলা অঞ্ঞাতাৰিন্দ্রিযঞ্চ ন সচ্ছিকরোন্তি দোমনস্সিন্দ্রিযঞ্চ নপ্পজহন্তি. (দোমনস্সিন্দ্রিযমূলকং)

৪৪১. (ক) যো অনঞ্ঞাতঞ্ঞস্সামীতিন্দ্রিযং ন ভাৰেতি সো অঞ্ঞিন্দ্রিযং ন ভাৰেতীতি?

তযো মগ্গসমঙ্গিনো [তযো পুগ্গলা (পী.)] অনঞ্ঞাতঞ্ঞস্সামীতিন্দ্রিযং ন ভাৰেন্তি, নো চ অঞ্ঞিন্দ্রিযং ন ভাৰেন্তি. চত্তারো মগ্গসমঙ্গিনো [অট্ঠমকঞ্চ তযো মগ্গসমঙ্গিনো চ (পী.)] ঠপেত্ৰা অৰসেসা পুগ্গলা অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি অঞ্ঞিন্দ্রিযঞ্চ ন ভাৰেন্তি.

(খ) যো ৰা পন অঞ্ঞিন্দ্রিযং ন ভাৰেতি সো অনঞ্ঞাতঞ্ঞস্সামীতিন্দ্রিযং ন ভাৰেতীতি?

অট্ঠমকো অঞ্ঞিন্দ্রিযং ন ভাৰেতি, নো চ অনঞ্ঞাতঞ্ঞস্সামীতিন্দ্রিযং ন ভাৰেতি. চত্তারো মগ্গসমঙ্গিনো ঠপেত্ৰা অৰসেসা পুগ্গলা অঞ্ঞিন্দ্রিযঞ্চ ন ভাৰেন্তি অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি.

(ক) যো অনঞ্ঞাতঞ্ঞস্সামীতিন্দ্রিযং ন ভাৰেতি সো অঞ্ঞাতাৰিন্দ্রিযং ন সচ্ছিকরোতীতি?

যো অগ্গফলং সচ্ছিকরোতি সো অনঞ্ঞাতঞ্ঞস্সামীতিন্দ্রিযং ন ভাৰেতি, নো চ অঞ্ঞাতাৰিন্দ্রিযং ন সচ্ছিকরোতি. অট্ঠমকঞ্চ অরহন্তঞ্চ ঠপেত্ৰা অৰসেসা পুগ্গলা অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি অঞ্ঞাতাৰিন্দ্রিযঞ্চ ন সচ্ছিকরোন্তি.

(খ) যো ৰা পন অঞ্ঞাতাৰিন্দ্রিযং ন সচ্ছিকরোতি সো অনঞ্ঞাতঞ্ঞস্সামীতিন্দ্রিযং ন ভাৰেতীতি?

অট্ঠমকো অঞ্ঞাতাৰিন্দ্রিযং ন সচ্ছিকরোতি, নো চ অনঞ্ঞাতঞ্ঞস্সামীতিন্দ্রিযং ন ভাৰেতি. অট্ঠমকঞ্চ অরহন্তঞ্চ ঠপেত্ৰা অৰসেসা পুগ্গলা অঞ্ঞাতাৰিন্দ্রিযঞ্চ ন সচ্ছিকরোন্তি অনঞ্ঞাতঞ্ঞস্সামীতিন্দ্রিযঞ্চ ন ভাৰেন্তি. (অনঞ্ঞাতঞ্ঞস্সামীতিন্দ্রিযমূলকং)

৪৪২. (ক) যো অঞ্ঞিন্দ্রিযং ন ভাৰেতি সো অঞ্ঞাতাৰিন্দ্রিযং ন সচ্ছিকরোতীতি?

যো অগ্গফলং সচ্ছিকরোতি সো অঞ্ঞিন্দ্রিযং ন ভাৰেতি, নো চ অঞ্ঞাতাৰিন্দ্রিযং ন সচ্ছিকরোতি. তযো মগ্গসমঙ্গিনো চ অরহন্তঞ্চ ঠপেত্ৰা অৰসেসা পুগ্গলা অঞ্ঞিন্দ্রিযঞ্চ ন ভাৰেন্তি অঞ্ঞাতাৰিন্দ্রিযঞ্চ ন সচ্ছিকরোন্তি.

(খ) যো ৰা পন অঞ্ঞাতাৰিন্দ্রিযং ন সচ্ছিকরোতি সো অঞ্ঞিন্দ্রিযং ন ভাৰেতীতি?

তযো মগ্গসমঙ্গিনো অঞ্ঞাতাৰিন্দ্রিযং ন সচ্ছিকরোন্তি, নো চ অঞ্ঞিন্দ্রিযং ন ভাৰেন্তি. তযো মগ্গসমঙ্গিনো চ অরহন্তঞ্চ ঠপেত্ৰা অৰসেসা পুগ্গলা অঞ্ঞাতাৰিন্দ্রিযঞ্চ ন সচ্ছিকরোন্তি অঞ্ঞিন্দ্রিযঞ্চ ন ভাৰেন্তি. (অঞ্ঞিন্দ্রিযমূলকং)