৩. সুদ্ধধম্মৰারো

(ক) অনুলোমং

২৫. (ক) কুসলা ধম্মাতি? আমন্তা.

(খ) ধম্মা কুসলা ধম্মাতি?

কুসলা ধম্মা ধম্মা চেৰ কুসলা ধম্মা চ. অৰসেসা ধম্মা ন কুসলা ধম্মা.

(ক) অকুসলা ধম্মাতি? আমন্তা.

(খ) ধম্মা অকুসলা ধম্মাতি?

অকুসলা ধম্মা ধম্মা চেৰ অকুসলা ধম্মা চ. অৰসেসা ধম্মা ন অকুসলা ধম্মা.

(ক) অব্যাকতা ধম্মাতি? আমন্তা.

(খ) ধম্মা অব্যাকতা ধম্মাতি?

অব্যাকতা ধম্মা ধম্মা চেৰ অব্যাকতা ধম্মা চ. অৰসেসা ধম্মা ন অব্যাকতা ধম্মা.

(খ) পচ্চনীকং

২৬. (ক) ন কুসলা ন ধম্মাতি?

কুসলং ঠপেত্ৰা অৰসেসা ধম্মা ন কুসলা, ধম্মা. কুসলঞ্চ ধম্মে চ ঠপেত্ৰা অৰসেসা ন চেৰ কুসলা ন চ ধম্মা.

(খ) ন ধম্মা ন কুসলা ধম্মাতি? আমন্তা.

(ক) ন অকুসলা ন ধম্মাতি?

অকুসলং ঠপেত্ৰা অৰসেসা ধম্মা ন অকুসলা, ধম্মা. অকুসলঞ্চ ধম্মে চ ঠপেত্ৰা অৰসেসা ন চেৰ অকুসলা ন চ ধম্মা.

(খ) ন ধম্মা ন অকুসলা ধম্মাতি? আমন্তা.

(ক) ন অব্যাকতা ন ধম্মাতি?

অব্যাকতং ঠপেত্ৰা অৰসেসা ধম্মা ন অব্যাকতা, ধম্মা. অব্যাকতঞ্চ ধম্মে চ ঠপেত্ৰা অৰসেসা ন চেৰ অব্যাকতা ন চ ধম্মা.

(খ) ন ধম্মা ন অব্যাকতা ধম্মাতি? আমন্তা.