(১) পচ্চুপ্পন্নৰারো

(ক) অনুলোমপুগ্গলো

৩৩. (ক) যস্স কুসলা ধম্মা উপ্পজ্জন্তি তস্স অকুসলা ধম্মা উপ্পজ্জন্তীতি? নো.

(খ) যস্স ৰা পন অকুসলা ধম্মা উপ্পজ্জন্তি তস্স কুসলা ধম্মা উপ্পজ্জন্তীতি? নো.

(ক) যস্স কুসলা ধম্মা উপ্পজ্জন্তি তস্স অব্যাকতা ধম্মা উপ্পজ্জন্তীতি?

অরূপে কুসলানং উপ্পাদক্খণে তেসং কুসলা ধম্মা উপ্পজ্জন্তি, নো চ তেসং অব্যাকতা ধম্মা উপ্পজ্জন্তি. পঞ্চৰোকারে কুসলানং উপ্পাদক্খণে তেসং কুসলা চ ধম্মা উপ্পজ্জন্তি অব্যাকতা চ ধম্মা উপ্পজ্জন্তি.

(খ) যস্স ৰা পন অব্যাকতা ধম্মা উপ্পজ্জন্তি তস্স কুসলা ধম্মা উপ্পজ্জন্তীতি?

সব্বেসং উপপজ্জন্তানং পৰত্তে কুসলৰিপ্পযুত্তচিত্তস্স উপ্পাদক্খণে তেসং অব্যাকতা ধম্মা উপ্পজ্জন্তি, নো চ তেসং কুসলা ধম্মা উপ্পজ্জন্তি. পঞ্চৰোকারে কুসলানং উপ্পাদক্খণে তেসং অব্যাকতা চ ধম্মা উপ্পজ্জন্তি কুসলা চ ধম্মা উপ্পজ্জন্তি.

৩৪. (ক) যস্স অকুসলা ধম্মা উপ্পজ্জন্তি তস্স অব্যাকতা ধম্মা উপ্পজ্জন্তীতি?

অরূপে অকুসলানং উপ্পাদক্খণে তেসং অকুসলা ধম্মা উপ্পজ্জন্তি, নো চ তেসং অব্যাকতা ধম্মা উপ্পজ্জন্তি. পঞ্চৰোকারে অকুসলানং উপ্পাদক্খণে তেসং অকুসলা চ ধম্মা উপ্পজ্জন্তি অব্যাকতা চ ধম্মা উপ্পজ্জন্তি.

(খ) যস্স ৰা পন অব্যাকতা ধম্মা উপ্পজ্জন্তি তস্স অকুসলা ধম্মা উপ্পজ্জন্তীতি?

সব্বেসং উপপজ্জন্তানং পৰত্তে অকুসলৰিপ্পযুত্তচিত্তস্স উপ্পাদক্খণে তেসং অব্যাকতা ধম্মা উপ্পজ্জন্তি, নো চ তেসং অকুসলা ধম্মা উপ্পজ্জন্তি. পঞ্চৰোকারে অকুসলানং উপ্পাদক্খণে তেসং অব্যাকতা চ ধম্মা উপ্পজ্জন্তি অকুসলা চ ধম্মা উপ্পজ্জন্তি.

(খ) অনুলোমওকাসো

৩৫. (ক) যত্থ কুসলা ধম্মা উপ্পজ্জন্তি তত্থ অকুসলা ধম্মা উপ্পজ্জন্তীতি? আমন্তা.

(খ) যত্থ ৰা পন অকুসলা ধম্মা উপ্পজ্জন্তি তত্থ কুসলা ধম্মা উপ্পজ্জন্তীতি? আমন্তা.

(ক) যত্থ কুসলা ধম্মা উপ্পজ্জন্তি তত্থ অব্যাকতা ধম্মা উপ্পজ্জন্তীতি? আমন্তা.

(খ) যত্থ ৰা পন অব্যাকতা ধম্মা উপ্পজ্জন্তি তত্থ কুসলা ধম্মা উপ্পজ্জন্তীতি?

অসঞ্ঞসত্তে তত্থ অব্যাকতা ধম্মা উপ্পজ্জন্তি, নো চ তত্থ কুসলা ধম্মা উপ্পজ্জন্তি. চতুৰোকারে পঞ্চৰোকারে তত্থ অব্যাকতা চ ধম্মা উপ্পজ্জন্তি কুসলা চ ধম্মা উপ্পজ্জন্তি.

৩৬. (ক) যত্থ অকুসলা ধম্মা উপ্পজ্জন্তি তত্থ অব্যাকতা ধম্মা উপ্পজ্জন্তীতি? আমন্তা.

(খ) যত্থ ৰা পন অব্যাকতা ধম্মা উপ্পজ্জন্তি তত্থ অকুসলা ধম্মা উপ্পজ্জন্তীতি?

অসঞ্ঞসত্তে তত্থ অব্যাকতা ধম্মা উপ্পজ্জন্তি, নো চ তত্থ অকুসলা ধম্মা উপ্পজ্জন্তি. চতুৰোকারে পঞ্চৰোকারে তত্থ অব্যাকতা চ ধম্মা উপ্পজ্জন্তি অকুসলা চ ধম্মা উপ্পজ্জন্তি.

(গ) অনুলোমপুগ্গলোকাসা

৩৭. (ক) যস্স যত্থ কুসলা ধম্মা উপ্পজ্জন্তি তস্স তত্থ অকুসলা ধম্মা উপ্পজ্জন্তীতি? নো.

(খ) যস্স ৰা পন যত্থ অকুসলা ধম্মা উপ্পজ্জন্তি তস্স তত্থ কুসলা ধম্মা উপ্পজ্জন্তীতি? নো.

(ক) যস্স যত্থ কুসলা ধম্মা উপ্পজ্জন্তি তস্স তত্থ অব্যাকতা ধম্মা উপ্পজ্জন্তীতি?

অরূপে কুসলানং উপ্পাদক্খণে তেসং তত্থ কুসলা ধম্মা উপ্পজ্জন্তি, নো চ তেসং তত্থ অব্যাকতা ধম্মা উপ্পজ্জন্তি. পঞ্চৰোকারে কুসলানং উপ্পাদক্খণে তেসং তত্থ কুসলা চ ধম্মা উপ্পজ্জন্তি অব্যাকতা চ ধম্মা উপ্পজ্জন্তি.

(খ) যস্স ৰা পন যত্থ অব্যাকতা ধম্মা উপ্পজ্জন্তি তস্স তত্থ কুসলা ধম্মা উপ্পজ্জন্তীতি?

সব্বেসং উপপজ্জন্তানং পৰত্তে কুসলৰিপ্পযুত্তচিত্তস্স উপ্পাদক্খণে তেসং তত্থ অব্যাকতা ধম্মা উপ্পজ্জন্তি, নো চ তেসং তত্থ কুসলা ধম্মা উপ্পজ্জন্তি. পঞ্চৰোকারে কুসলানং উপ্পাদক্খণে তেসং তত্থ অব্যাকতা চ ধম্মা উপ্পজ্জন্তি কুসলা চ ধম্মা উপ্পজ্জন্তি.

৩৮. (ক) যস্স যত্থ অকুসলা ধম্মা উপ্পজ্জন্তি তস্স তত্থ অব্যাকতা ধম্মা উপ্পজ্জন্তীতি?

অরূপে অকুসলানং উপ্পাদক্খণে তেসং তত্থ অকুসলা ধম্মা উপ্পজ্জন্তি, নো চ তেসং তত্থ অব্যাকতা ধম্মা উপ্পজ্জন্তি. পঞ্চৰোকারে অকুসলানং উপ্পাদক্খণে তেসং তত্থ অকুসলা চ ধম্মা উপ্পজ্জন্তি অব্যাকতা চ ধম্মা উপ্পজ্জন্তি.

(খ) যস্স ৰা পন যত্থ অব্যাকতা ধম্মা উপ্পজ্জন্তি তস্স তত্থ অকুসলা ধম্মা উপ্পজ্জন্তীতি?

সব্বেসং উপপজ্জন্তানং পৰত্তে অকুসলৰিপ্পযুত্তচিত্তস্স উপ্পাদক্খণে তেসং তত্থ অব্যাকতা ধম্মা উপ্পজ্জন্তি, নো চ তেসং তত্থ অকুসলা ধম্মা উপ্পজ্জন্তি. পঞ্চৰোকারে অকুসলানং উপ্পাদক্খণে তেসং তত্থ অব্যাকতা চ ধম্মা উপ্পজ্জন্তি অকুসলা চ ধম্মা উপ্পজ্জন্তি.

(ঘ) পচ্চনীকপুগ্গলো

৩৯. (ক) যস্স কুসলা ধম্মা ন উপ্পজ্জন্তি তস্স অকুসলা ধম্মা ন উপ্পজ্জন্তীতি?

অকুসলানং উপ্পাদক্খণে তেসং কুসলা ধম্মা ন উপ্পজ্জন্তি, নো চ তেসং অকুসলা ধম্মা ন উপ্পজ্জন্তি. সব্বেসং চিত্তস্স ভঙ্গক্খণে কুসলৰিপ্পযুত্তঅকুসলৰিপ্পযুত্তচিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং কুসলা চ ধম্মা ন উপ্পজ্জন্তি অকুসলা চ ধম্মা ন উপ্পজ্জন্তি.

(খ) যস্স ৰা পন অকুসলা ধম্মা ন উপ্পজ্জন্তি তস্স কুসলা ধম্মা ন উপ্পজ্জন্তীতি?

কুসলানং উপ্পাদক্খণে তেসং অকুসলা ধম্মা ন উপ্পজ্জন্তি, নো চ তেসং কুসলা ধম্মা ন উপ্পজ্জন্তি. সব্বেসং চিত্তস্স ভঙ্গক্খণে অকুসলৰিপ্পযুত্তকুসলৰিপ্পযুত্তচিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং অকুসলা চ ধম্মা ন উপ্পজ্জন্তি কুসলা চ ধম্মা ন উপ্পজ্জন্তি.

(ক) যস্স কুসলা ধম্মা ন উপ্পজ্জন্তি তস্স অব্যাকতা ধম্মা ন উপ্পজ্জন্তীতি?

সব্বেসং উপপজ্জন্তানং পৰত্তে কুসলৰিপ্পযুত্তচিত্তস্স উপ্পাদক্খণে তেসং কুসলা ধম্মা ন উপ্পজ্জন্তি, নো চ তেসং অব্যাকতা ধম্মা ন উপ্পজ্জন্তি. সব্বেসং চৰন্তানং পৰত্তে চিত্তস্স ভঙ্গক্খণে অরূপে অকুসলানং উপ্পাদক্খণে তেসং কুসলা চ ধম্মা ন উপ্পজ্জন্তি অব্যাকতা চ ধম্মা ন উপ্পজ্জন্তি.

(খ) যস্স ৰা পন অব্যাকতা ধম্মা ন উপ্পজ্জন্তি তস্স কুসলা ধম্মা ন উপ্পজ্জন্তীতি?

অরূপে কুসলানং উপ্পাদক্খণে তেসং অব্যাকতা ধম্মা ন উপ্পজ্জন্তি, নো চ তেসং কুসলা ধম্মা ন উপ্পজ্জন্তি. সব্বেসং চৰন্তানং পৰত্তে চিত্তস্স ভঙ্গক্খণে অরূপে অকুসলানং উপ্পাদক্খণে তেসং অব্যাকতা চ ধম্মা ন উপ্পজ্জন্তি কুসলা চ ধম্মা ন উপ্পজ্জন্তি.

৪০. (ক) যস্স অকুসলা ধম্মা ন উপ্পজ্জন্তি তস্স অব্যাকতা ধম্মা ন উপ্পজ্জন্তীতি?

সব্বেসং উপপজ্জন্তানং পৰত্তে অকুসলৰিপ্পযুত্তচিত্তস্স উপ্পাদক্খণে তেসং অকুসলা ধম্মা ন উপ্পজ্জন্তি, নো চ তেসং অব্যাকতা ধম্মা ন উপ্পজ্জন্তি. সব্বেসং চৰন্তানং পৰত্তে চিত্তস্স ভঙ্গক্খণে অরূপে কুসলানং উপ্পাদক্খণে তেসং অকুসলা চ ধম্মা ন উপ্পজ্জন্তি অব্যাকতা চ ধম্মা ন উপ্পজ্জন্তি.

(খ) যস্স ৰা পন অব্যাকতা ধম্মা ন উপ্পজ্জন্তি তস্স অকুসলা ধম্মা ন উপ্পজ্জন্তীতি?

অরূপে অকুসলানং উপ্পাদক্খণে তেসং অব্যাকতা ধম্মা ন উপ্পজ্জন্তি, নো চ তেসং অকুসলা ধম্মা ন উপ্পজ্জন্তি. সব্বেসং চৰন্তানং পৰত্তে চিত্তস্স ভঙ্গক্খণে অরূপে কুসলানং উপ্পাদক্খণে তেসং অব্যাকতা চ ধম্মা ন উপ্পজ্জন্তি অকুসলা চ ধম্মা ন উপ্পজ্জন্তি.

(ঙ) পচ্চনীকওকাসো

৪১. (ক) যত্থ কুসলা ধম্মা ন উপ্পজ্জন্তি তত্থ অকুসলা ধম্মা ন উপ্পজ্জন্তীতি? আমন্তা.

(খ) যত্থ ৰা পন অকুসলা ধম্মা ন উপ্পজ্জন্তি তত্থ কুসলা ধম্মা ন উপ্পজ্জন্তীতি? আমন্তা.

(ক) যত্থ কুসলা ধম্মা ন উপ্পজ্জন্তি তত্থ অব্যাকতা ধম্মা ন উপ্পজ্জন্তীতি? উপ্পজ্জন্তি.

(খ) যত্থ ৰা পন অব্যাকতা ধম্মা ন উপ্পজ্জন্তি তত্থ কুসলা ধম্মা ন উপ্পজ্জন্তীতি? নত্থি.

৪২. (ক) যত্থ অকুসলা ধম্মা ন উপ্পজ্জন্তি তত্থ অব্যাকতা ধম্মা ন উপ্পজ্জন্তীতি? উপ্পজ্জন্তি.

(খ) যত্থ ৰা পন অব্যাকতা ধম্মা ন উপ্পজ্জন্তি তত্থ অকুসলা ধম্মা ন উপ্পজ্জন্তীতি? নত্থি.

(চ) পচ্চনীকপুগ্গলোকাসা

৪৩. (ক) যস্স যত্থ কুসলা ধম্মা ন উপ্পজ্জন্তি তস্স তত্থ অকুসলা ধম্মা ন উপ্পজ্জন্তীতি?

অকুসলানং উপ্পাদক্খণে তেসং তত্থ কুসলা ধম্মা ন উপ্পজ্জন্তি, নো চ তেসং তত্থ অকুসলা ধম্মা ন উপ্পজ্জন্তি. সব্বেসং চিত্তস্স ভঙ্গক্খণে কুসলৰিপ্পযুত্তঅকুসলৰিপ্পযুত্তচিত্তস্স উপ্পাদক্খণে অসঞ্ঞসত্তানং তেসং তত্থ কুসলা চ ধম্মা ন উপ্পজ্জন্তি অকুসলা চ ধম্মা ন উপ্পজ্জন্তি.

(খ) যস্স ৰা পন যত্থ অকুসলা ধম্মা ন উপ্পজ্জন্তি তস্স তত্থ কুসলা ধম্মা ন উপ্পজ্জন্তীতি?

কুসলানং উপ্পাদক্খণে তেসং তত্থ অকুসলা ধম্মা ন উপ্পজ্জন্তি, নো চ তেসং তত্থ কুসলা ধম্মা ন উপ্পজ্জন্তি. সব্বেসং চিত্তস্স ভঙ্গক্খণে অকুসলৰিপ্পযুত্তকুসলৰিপ্পযুত্তচিত্তস্স উপ্পাদক্খণে অসঞ্ঞসত্তানং তেসং তত্থ অকুসলা চ ধম্মা ন উপ্পজ্জন্তি কুসলা চ ধম্মা ন উপ্পজ্জন্তি.

(ক) যস্স যত্থ কুসলা ধম্মা ন উপ্পজ্জন্তি তস্স তত্থ অব্যাকতা ধম্মা ন উপ্পজ্জন্তীতি?

সব্বেসং উপপজ্জন্তানং পৰত্তে কুসলৰিপ্পযুত্তচিত্তস্স উপ্পাদক্খণে তেসং তত্থ কুসলা ধম্মা ন উপ্পজ্জন্তি, নো চ তেসং তত্থ অব্যাকতা ধম্মা ন উপ্পজ্জন্তি. সব্বেসং চৰন্তানং পৰত্তে চিত্তস্স ভঙ্গক্খণে অরূপে অকুসলানং উপ্পাদক্খণে তেসং তত্থ কুসলা চ ধম্মা ন উপ্পজ্জন্তি অব্যাকতা চ ধম্মা ন উপ্পজ্জন্তি.

(খ) যস্স ৰা পন যত্থ অব্যাকতা ধম্মা ন উপ্পজ্জন্তি তস্স তত্থ কুসলা ধম্মা ন উপ্পজ্জন্তীতি?

অরূপে কুসলানং উপ্পাদক্খণে তেসং তত্থ অব্যাকতা ধম্মা ন উপ্পজ্জন্তি, নো চ তেসং তত্থ কুসলা ধম্মা ন উপ্পজ্জন্তি. সব্বেসং চৰন্তানং পৰত্তে চিত্তস্স ভঙ্গক্খণে অরূপে অকুসলানং উপ্পাদক্খণে তেসং তত্থ অব্যাকতা চ ধম্মা ন উপ্পজ্জন্তি কুসলা চ ধম্মা ন উপ্পজ্জন্তি.

৪৪. (ক) যস্স যত্থ অকুসলা ধম্মা ন উপ্পজ্জন্তি তস্স তত্থ অব্যাকতা ধম্মা ন উপ্পজ্জন্তীতি?

সব্বেসং উপপজ্জন্তানং পৰত্তে অকুসলৰিপ্পযুত্তচিত্তস্স উপ্পাদক্খণে তেসং তত্থ অকুসলা ধম্মা ন উপ্পজ্জন্তি, নো চ তেসং তত্থ অব্যাকতা ধম্মা ন উপ্পজ্জন্তি. সব্বেসং চৰন্তানং পৰত্তে চিত্তস্স ভঙ্গক্খণে অরূপে কুসলানং উপ্পাদক্খণে তেসং তত্থ অকুসলা চ ধম্মা ন উপ্পজ্জন্তি অব্যাকতা চ ধম্মা ন উপ্পজ্জন্তি.

(খ) যস্স ৰা পন যত্থ অব্যাকতা ধম্মা ন উপ্পজ্জন্তি তস্স তত্থ অকুসলা ধম্মা ন উপ্পজ্জন্তীতি?

অরূপে অকুসলানং উপ্পাদক্খণে তেসং তত্থ অব্যাকতা ধম্মা ন উপ্পজ্জন্তি, নো চ তেসং তত্থ অকুসলা ধম্মা ন উপ্পজ্জন্তি. সব্বেসং চৰন্তানং পৰত্তে চিত্তস্স ভঙ্গক্খণে অরূপে কুসলানং উপ্পাদক্খণে তেসং তত্থ অব্যাকতা চ ধম্মা ন উপ্পজ্জন্তি অকুসলা চ ধম্মা ন উপ্পজ্জন্তি.