৬. উপ্পজ্জনৰারো

৩৩০. (ক) যস্স কামরাগানুসযো উপ্পজ্জতি তস্স পটিঘানুসযো উপ্পজ্জতীতি? আমন্তা.

(খ) যস্স ৰা পন পটিঘানুসযো উপ্পজ্জতি তস্স কামরাগানুসযো উপ্পজ্জতীতি? আমন্তা.

(ক) যস্স কামরাগানুসযো উপ্পজ্জতি তস্স মানানুসযো উপ্পজ্জতীতি? আমন্তা.

(খ) যস্স ৰা পন মানানুসযো উপ্পজ্জতি তস্স কামরাগানুসযো উপ্পজ্জতীতি?

অনাগামিস্স মানানুসযো উপ্পজ্জতি, নো চ তস্স কামরাগানুসযো উপ্পজ্জতি. তিণ্ণং পুগ্গলানং মানানুসযো চ উপ্পজ্জতি কামরাগানুসযো চ উপ্পজ্জতি (ৰিত্থারেতব্বং).

৩৩১. (ক) যস্স কামরাগানুসযো নুপ্পজ্জতি তস্স পটিঘানুসযো নুপ্পজ্জতীতি? আমন্তা.

(খ) যস্স ৰা পন পটিঘানুসযো নুপ্পজ্জতি তস্স কামরাগানুসযো নুপ্পজ্জতীতি? আমন্তা.

(ক) যস্স কামরাগানুসযো নুপ্পজ্জতি তস্স মানানুসযো নুপ্পজ্জতীতি?

অনাগামিস্স কামরাগানুসযো নুপ্পজ্জতি, নো চ তস্স মানানুসযো নুপ্পজ্জতি. অরহতো কামরাগানুসযো চ নুপ্পজ্জতি মানানুসযো চ নুপ্পজ্জতি.

(খ) যস্স ৰা পন মানানুসযো নুপ্পজ্জতি তস্স কামরাগানুসযো নুপ্পজ্জতীতি? আমন্তা. (ৰিত্থারেতব্বং).

উপ্পজ্জনৰারো.