১. উপ্পত্তিট্ঠানৰারো

২. কত্থ কামরাগানুসযো অনুসেতি? কামধাতুযা দ্ৰীসু ৰেদনাসু এত্থ কামরাগানুসযো অনুসেতি.

কত্থ পটিঘানুসযো অনুসেতি? দুক্খায ৰেদনায এত্থ পটিঘানুসযো অনুসেতি.

কত্থ মানানুসযো অনুসেতি? কামধাতুযা দ্ৰীসু ৰেদনাসু রূপধাতুযা অরূপধাতুযা এত্থ মানানুসযো অনুসেতি.

কত্থ দিট্ঠানুসযো অনুসেতি? সব্বসক্কাযপরিযাপন্নেসু ধম্মেসু এত্থ দিট্ঠানুসযো অনুসেতি.

কত্থ ৰিচিকিচ্ছানুসযো অনুসেতি? সব্বসক্কাযপরিযাপন্নেসু ধম্মেসু এত্থ ৰিচিকিচ্ছানুসযো অনুসেতি.

কত্থ ভৰরাগানুসযো অনুসেতি? রূপধাতুযা অরূপধাতুযা এত্থ ভৰরাগানুসযো অনুসেতি.

কত্থ অৰিজ্জানুসযো অনুসেতি? সব্বসক্কাযপরিযাপন্নেসু ধম্মেসু এত্থ অৰিজ্জানুসযো অনুসেতি.

উপ্পত্তিট্ঠানৰারো.