১. পদসোধনৰারো

(ক) অনুলোমং

৮. (ক) কাযো কাযসঙ্খারোতি? নো.

(খ) কাযসঙ্খারো কাযোতি? নো.

(ক) ৰচী ৰচীসঙ্খারোতি? নো.

(খ) ৰচীসঙ্খারো ৰচীতি? নো.

(ক) চিত্তং চিত্তসঙ্খারোতি? নো.

(খ) চিত্তসঙ্খারো চিত্তন্তি? নো.

(খ) পচ্চনীকং

৯. (ক) ন কাযো ন কাযসঙ্খারোতি?

কাযসঙ্খারো ন কাযো, কাযসঙ্খারো. কাযঞ্চ কাযসঙ্খারঞ্চ ঠপেত্ৰা অৰসেসা ন চেৰ কাযো ন চ কাযসঙ্খারো.

(খ) ন কাযসঙ্খারো ন কাযোতি?

কাযো ন কাযসঙ্খারো, কাযো. কাযঞ্চ কাযসঙ্খারঞ্চ ঠপেত্ৰা অৰসেসা ন চেৰ কাযো ন চ কাযসঙ্খারো.

(ক) ন ৰচী ন ৰচীসঙ্খারোতি?

ৰচীসঙ্খারো ন ৰচী, ৰচীসঙ্খারো. ৰচিঞ্চ ৰচীসঙ্খারঞ্চ ঠপেত্ৰা অৰসেসা ন চেৰ ৰচী ন চ ৰচীসঙ্খারো.

(খ) ন ৰচীসঙ্খারো ন ৰচীতি?

ৰচী ন ৰচীসঙ্খারো, ৰচী. ৰচিঞ্চ ৰচীসঙ্খারঞ্চ ঠপেত্ৰা অৰসেসা ন চেৰ ৰচী ন চ ৰচীসঙ্খারো.

(ক) ন চিত্তং ন চিত্তসঙ্খারোতি?

চিত্তসঙ্খারো ন চিত্তং, চিত্তসঙ্খারো. চিত্তঞ্চ চিত্তসঙ্খারঞ্চ ঠপেত্ৰা অৰসেসা ন চেৰ চিত্তং ন চ চিত্তসঙ্খারো.

(খ) ন চিত্তসঙ্খারো ন চিত্তন্তি?

চিত্তং ন চিত্তসঙ্খারো, চিত্তং. চিত্তঞ্চ চিত্তসঙ্খারঞ্চ ঠপেত্ৰা অৰসেসা ন চেৰ চিত্তং ন চ চিত্তসঙ্খারো.