(৬) অতীতানাগতৰারো

(ক) অনুলোমপুগ্গলো

১১৮. (ক) যস্স কাযসঙ্খারো নিরুজ্ঝিত্থ তস্স ৰচীসঙ্খারো নিরুজ্ঝিস্সতীতি?

সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো নিরুজ্ঝিত্থ, নো চ তেসং ৰচীসঙ্খারো নিরুজ্ঝিস্সতি. ইতরেসং তেসং কাযসঙ্খারো চ নিরুজ্ঝিত্থ ৰচীসঙ্খারো চ নিরুজ্ঝিস্সতি.

(খ) যস্স ৰা পন…পে…? আমন্তা.

(ক) যস্স কাযসঙ্খারো নিরুজ্ঝিত্থ তস্স চিত্তসঙ্খারো নিরুজ্ঝিস্সতীতি?

পচ্ছিমচিত্তস্স ভঙ্গক্খণে তেসং কাযসঙ্খারো নিরুজ্ঝিত্থ, নো চ তেসং চিত্তসঙ্খারো নিরুজ্ঝিস্সতি. ইতরেসং তেসং কাযসঙ্খারো চ নিরুজ্ঝিত্থ চিত্তসঙ্খারো চ নিরুজ্ঝিস্সতি.

(খ) যস্স ৰা পন…পে…? আমন্তা.

১১৯. (ক) যস্স ৰচীসঙ্খারো নিরুজ্ঝিত্থ তস্স চিত্তসঙ্খারো নিরুজ্ঝিস্সতীতি?

পচ্ছিমচিত্তস্স ভঙ্গক্খণে তেসং ৰচীসঙ্খারো নিরুজ্ঝিত্থ, নো চ তেসং চিত্তসঙ্খারো নিরুজ্ঝিস্সতি. ইতরেসং তেসং ৰচীসঙ্খারো চ নিরুজ্ঝিত্থ চিত্তসঙ্খারো চ নিরুজ্ঝিস্সতি.

(খ) যস্স ৰা পন…পে…? আমন্তা.

(খ) অনুলোমওকাসো

১২০. যত্থ কাযসঙ্খারো নিরুজ্ঝিত্থ…পে….

(গ) অনুলোমপুগ্গলোকাসা

১২১. (ক) যস্স যত্থ কাযসঙ্খারো নিরুজ্ঝিত্থ তস্স তত্থ ৰচীসঙ্খারো নিরুজ্ঝিস্সতীতি?

কামাৰচরে পচ্ছিমচিত্তস্স ভঙ্গক্খণে দুতিযজ্ঝানং ততিযজ্ঝানং সমাপন্নানং তেসং তত্থ কাযসঙ্খারো নিরুজ্ঝিত্থ, নো চ তেসং তত্থ ৰচীসঙ্খারো নিরুজ্ঝিস্সতি. পঠমজ্ঝানং সমাপন্নানং ইতরেসং কামাৰচরানং তেসং তত্থ কাযসঙ্খারো ন নিরুজ্ঝিত্থ ৰচীসঙ্খারো চ নিরুজ্ঝিস্সতি.

(খ) যস্স ৰা পন যত্থ ৰচীসঙ্খারো নিরুজ্ঝিস্সতি তস্স তত্থ কাযসঙ্খারো নিরুজ্ঝিত্থাতি?

রূপাৰচরানং অরূপাৰচরানং তেসং তত্থ ৰচীসঙ্খারো নিরুজ্ঝিস্সতি, নো চ তেসং তত্থ কাযসঙ্খারো নিরুজ্ঝিত্থ. পঠমজ্ঝানং সমাপন্নানং কামাৰচরানং তেসং তত্থ ৰচীসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিত্থ.

(ক) যস্স যত্থ কাযসঙ্খারো নিরুজ্ঝিত্থ তস্স তত্থ চিত্তসঙ্খারো নিরুজ্ঝিস্সতীতি?

কামাৰচরে পচ্ছিমচিত্তস্স ভঙ্গক্খণে তেসং তত্থ কাযসঙ্খারো নিরুজ্ঝিত্থ, নো চ তেসং তত্থ চিত্তসঙ্খারো নিরুজ্ঝিস্সতি. পঠমজ্ঝানং দুতিযজ্ঝানং ততিযজ্ঝানং সমাপন্নানং ইতরেসং কামাৰচরানং তেসং তত্থ কাযসঙ্খারো চ নিরুজ্ঝিত্থ চিত্তসঙ্খারো চ নিরুজ্ঝিস্সতি.

(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ কাযসঙ্খারো নিরুজ্ঝিত্থাতি?

চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ কাযসঙ্খারো নিরুজ্ঝিত্থ. পঠমজ্ঝানং দুতিযজ্ঝানং ততিযজ্ঝানং সমাপন্নানং কামাৰচরানং তেসং তত্থ চিত্তসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিত্থ.

১২২. (ক) যস্স যত্থ ৰচীসঙ্খারো নিরুজ্ঝিত্থ তস্স তত্থ চিত্তসঙ্খারো নিরুজ্ঝিস্সতীতি?

সৰিতক্কসৰিচারভূমিযং পচ্ছিমচিত্তস্স ভঙ্গক্খণে তেসং তত্থ ৰচীসঙ্খারো নিরুজ্ঝিত্থ, নো চ তেসং তত্থ চিত্তসঙ্খারো নিরুজ্ঝিস্সতি. ইতরেসং সৰিতক্কসৰিচারভূমিযং তেসং তত্থ ৰচীসঙ্খারো চ নিরুজ্ঝিত্থ চিত্তসঙ্খারো চ নিরুজ্ঝিস্সতি.

(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ ৰচীসঙ্খারো নিরুজ্ঝিত্থাতি?

অৰিতক্কঅৰিচারভূমিযং তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ ৰচীসঙ্খারো নিরুজ্ঝিত্থ. সৰিতক্কসৰিচারভূমিযং তেসং তত্থ চিত্তসঙ্খারো চ নিরুজ্ঝিস্সতি ৰচীসঙ্খারো চ নিরুজ্ঝিত্থ.

(ঘ) পচ্চনীকপুগ্গলো

১২৩. (ক) যস্স কাযসঙ্খারো ন নিরুজ্ঝিত্থ তস্স ৰচীসঙ্খারো ন নিরুজ্ঝিস্সতীতি? নত্থি.

(খ) যস্স ৰা পন ৰচীসঙ্খারো ন নিরুজ্ঝিস্সতি তস্স কাযসঙ্খারো ন নিরুজ্ঝিত্থাতি? নিরুজ্ঝিত্থ.

(ক) যস্স কাযসঙ্খারো ন নিরুজ্ঝিত্থ তস্স চিত্তসঙ্খারো ন নিরুজ্ঝিস্সতীতি? নত্থি.

(খ) যস্স ৰা পন চিত্তসঙ্খারো ন নিরুজ্ঝিস্সতি তস্স কাযসঙ্খারো ন নিরুজ্ঝিত্থাতি? নিরুজ্ঝিত্থ.

১২৪. (ক) যস্স ৰচীসঙ্খারো ন নিরুজ্ঝিত্থ তস্স চিত্তসঙ্খারো ন নিরুজ্ঝিস্সতীতি? নত্থি.

(খ) যস্স ৰা পন চিত্তসঙ্খারো ন নিরুজ্ঝিস্সতি তস্স ৰচীসঙ্খারো ন নিরুজ্ঝিত্থাতি? নিরুজ্ঝিত্থ.

(ঙ) পচ্চনীকওকাসো

১২৫. যত্থ কাযসঙ্খারো ন নিরুজ্ঝিত্থ…পে….

(চ) পচ্চনীকপুগ্গলোকাসা

১২৬. (ক) যস্স যত্থ কাযসঙ্খারো ন নিরুজ্ঝিত্থ তস্স তত্থ ৰচীসঙ্খারো ন নিরুজ্ঝিস্সতীতি?

রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝিত্থ, নো চ তেসং তত্থ ৰচীসঙ্খারো ন নিরুজ্ঝিস্সতি. রূপাৰচরে অরূপাৰচরে সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ ন নিরুজ্ঝিত্থ ৰচীসঙ্খারো চ ন নিরুজ্ঝিস্সতি.

(খ) যস্স ৰা পন যত্থ ৰচীসঙ্খারো ন নিরুজ্ঝিস্সতি তস্স তত্থ কাযসঙ্খারো ন নিরুজ্ঝিত্থাতি?

কামাৰচরে পচ্ছিমচিত্তস্স ভঙ্গক্খণে দুতিযজ্ঝানং ততিযজ্ঝানং সমাপন্নানং তেসং তত্থ ৰচীসঙ্খারো ন নিরুজ্ঝিস্সতি, নো চ তেসং তত্থ কাযসঙ্খারো ন নিরুজ্ঝিত্থ. রূপাৰচরে অরূপাৰচরে সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিস্সতি কাযসঙ্খারো চ ন নিরুজ্ঝিত্থ.

(ক) যস্স যত্থ কাযসঙ্খারো ন নিরুজ্ঝিত্থ তস্স তত্থ চিত্তসঙ্খারো ন নিরুজ্ঝিস্সতীতি?

চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝিত্থ, নো চ তেসং তত্থ চিত্তসঙ্খারো ন নিরুজ্ঝিস্সতি. রূপাৰচরে অরূপাৰচরে পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ কাযসঙ্খারো চ ন নিরুজ্ঝিত্থ চিত্তসঙ্খারো চ ন নিরুজ্ঝিস্সতি.

(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ কাযসঙ্খারো ন নিরুজ্ঝিত্থাতি?

কামাৰচরে পচ্ছিমচিত্তস্স ভঙ্গক্খণে তেসং তত্থ চিত্তসঙ্খারো ন নিরুজ্ঝিস্সতি, নো চ তেসং তত্থ কাযসঙ্খারো ন নিরুজ্ঝিত্থ. রূপাৰচরে অরূপাৰচরে পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ চিত্তসঙ্খারো চ ন নিরুজ্ঝিস্সতি কাযসঙ্খারো চ ন নিরুজ্ঝিত্থ.

১২৭. (ক) যস্স যত্থ ৰচীসঙ্খারো ন নিরুজ্ঝিত্থ তস্স তত্থ চিত্তসঙ্খারো ন নিরুজ্ঝিস্সতীতি?

অৰিতক্কঅৰিচারভূমিযং তেসং তত্থ ৰচীসঙ্খারো ন নিরুজ্ঝিত্থ, নো চ তেসং তত্থ চিত্তসঙ্খারো ন নিরুজ্ঝিস্সতি. অৰিতক্কঅৰিচারভূমিযং পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিত্থ চিত্তসঙ্খারো চ ন নিরুজ্ঝিস্সতি.

(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ ৰচীসঙ্খারো ন নিরুজ্ঝিত্থাতি?

সৰিতক্কসৰিচারভূমিযং পচ্ছিমচিত্তস্স ভঙ্গক্খণে তেসং তত্থ চিত্তসঙ্খারো ন নিরুজ্ঝিস্সতি, নো চ তেসং তত্থ ৰচীসঙ্খারো ন নিরুজ্ঝিত্থ. অৰিতক্কঅৰিচারভূমিযং পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ চিত্তসঙ্খারো চ ন নিরুজ্ঝিস্সতি ৰচীসঙ্খারো চ ন নিরুজ্ঝিত্থ.

নিরোধৰারো.