৪. পচ্চুপ্পন্নাতীতৰারো

১৬৮. (ক) যো দুক্খসচ্চং পরিজানাতি সো সমুদযসচ্চং পজহিত্থাতি? নো.

(খ) যো ৰা পন সমুদযসচ্চং পজহিত্থ সো দুক্খসচ্চং পরিজানাতীতি? নো.

(ক) যো দুক্খসচ্চং ন পরিজানাতি সো সমুদযসচ্চং নপ্পজহিত্থাতি?

অরহা দুক্খসচ্চং ন পরিজানাতি, নো চ সমুদযসচ্চং নপ্পজহিত্থ. অগ্গমগ্গসমঙ্গিঞ্চ অরহন্তঞ্চ ঠপেত্ৰা অৰসেসা পুগ্গলা দুক্খসচ্চঞ্চ ন পরিজানন্তি সমুদযসচ্চঞ্চ নপ্পজহিত্থ.

(খ) যো ৰা পন সমুদযসচ্চং নপ্পজহিত্থ সো দুক্খসচ্চং ন পরিজানাতীতি?

অগ্গমগ্গসমঙ্গী সমুদযসচ্চং নপ্পজহিত্থ, নো চ দুক্খসচ্চং ন পরিজানাতি. অগ্গমগ্গসমঙ্গিঞ্চ অরহন্তঞ্চ ঠপেত্ৰা অৰসেসা পুগ্গলা সমুদযসচ্চঞ্চ নপ্পজহিত্থ দুক্খসচ্চঞ্চ ন পরিজানন্তি.