(৩) অনাগতৰারো

(ক) অনুলোমপুগ্গলো

১৪৫. (ক) যস্স দুক্খসচ্চং উপ্পজ্জিস্সতি তস্স সমুদযসচ্চং নিরুজ্ঝিস্সতীতি?

অগ্গমগ্গসমঙ্গীনং অরহন্তানং যস্স চিত্তস্স অনন্তরা অগ্গমগ্গং পটিলভিস্সন্তি তেসং দুক্খসচ্চং উপ্পজ্জিস্সতি, নো চ তেসং সমুদযসচ্চং নিরুজ্ঝিস্সতি. ইতরেসং তেসং দুক্খসচ্চঞ্চ উপ্পজ্জিস্সতি সমুদযসচ্চঞ্চ নিরুজ্ঝিস্সতি.

(খ) যস্স ৰা পন…পে…? আমন্তা.

(ক) যস্স দুক্খসচ্চং উপ্পজ্জিস্সতি তস্স মগ্গসচ্চং নিরুজ্ঝিস্সতীতি?

অগ্গমগ্গস্স ভঙ্গক্খণে অরহন্তানং যে চ পুথুজ্জনা মগ্গং ন পটিলভিস্সন্তি তেসং দুক্খসচ্চং উপ্পজ্জিস্সতি, নো চ তেসং মগ্গসচ্চং নিরুজ্ঝিস্সতি. অগ্গমগ্গস্স উপ্পাদক্খণে যস্স চিত্তস্স অনন্তরা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং দুক্খসচ্চঞ্চ উপ্পজ্জিস্সতি মগ্গসচ্চঞ্চ নিরুজ্ঝিস্সতি.

(খ) যস্স ৰা পন…পে…? আমন্তা.

১৪৬. (ক) যস্স সমুদযসচ্চং উপ্পজ্জিস্সতি তস্স মগ্গসচ্চং নিরুজ্ঝিস্সতীতি?

যে পুথুজ্জনা মগ্গং ন পটিলভিস্সন্তি তেসং সমুদযসচ্চং উপ্পজ্জিস্সতি, নো চ তেসং মগ্গসচ্চং নিরুজ্ঝিস্সতি. যে মগ্গং পটিলভিস্সন্তি তেসং সমুদযসচ্চঞ্চ উপ্পজ্জিস্সতি মগ্গসচ্চঞ্চ নিরুজ্ঝিস্সতি.

(খ) যস্স ৰা পন মগ্গসচ্চং নিরুজ্ঝিস্সতি তস্স সমুদযসচ্চং উপ্পজ্জিস্সতীতি?

অগ্গমগ্গস্স উপ্পাদক্খণে যস্স চিত্তস্স অনন্তরা অগ্গমগ্গং পটিলভিস্সন্তি তেসং মগ্গসচ্চং নিরুজ্ঝিস্সতি, নো চ তেসং সমুদযসচ্চং উপ্পজ্জিস্সতি. যে মগ্গং পটিলভিস্সন্তি তেসং মগ্গসচ্চঞ্চ নিরুজ্ঝিস্সতি সমুদযসচ্চঞ্চ উপ্পজ্জিস্সতি.

(খ) অনুলোমওকাসো

১৪৭. যত্থ দুক্খসচ্চং উপ্পজ্জিস্সতি…পে….

(গ) অনুলোমপুগ্গলোকাসা

১৪৮. যস্স যত্থ দুক্খসচ্চং উপ্পজ্জিস্সতি তস্স তত্থ সমুদযসচ্চং নিরুজ্ঝিস্সতীতি?

অগ্গমগ্গসমঙ্গীনং অরহন্তানং যস্স চিত্তস্স অনন্তরা অগ্গমগ্গং পটিলভিস্সন্তি অসঞ্ঞসত্তানং তেসং তত্থ …পে… ইতরেসং চতুৰোকারানং পঞ্চৰোকারানং তেসং তত্থ…পে…. (যস্সকম্পি যস্সযত্থকম্পি সদিসং).

(ঘ) পচ্চনীকপুগ্গলো

১৪৯. (ক) যস্স দুক্খসচ্চং নুপ্পজ্জিস্সতি তস্স সমুদযসচ্চং ন নিরুজ্ঝিস্সতীতি? আমন্তা.

(খ) যস্স ৰা পন সমুদযসচ্চং ন নিরুজ্ঝিস্সতি তস্স দুক্খসচ্চং নুপ্পজ্জিস্সতীতি?

অগ্গমগ্গসমঙ্গীনং অরহন্তানং যস্স চিত্তস্স অনন্তরা অগ্গমগ্গং পটিলভিস্সন্তি তেসং সমুদযসচ্চং ন নিরুজ্ঝিস্সতি, নো চ তেসং দুক্খসচ্চং নুপ্পজ্জিস্সতি. পচ্ছিমচিত্তসমঙ্গীনং তেসং সমুদযসচ্চঞ্চ ন নিরুজ্ঝিস্সতি দুক্খসচ্চঞ্চ নুপ্পজ্জিস্সতি.

(ক) যস্স দুক্খসচ্চং নুপ্পজ্জিস্সতি তস্স মগ্গসচ্চং ন নিরুজ্ঝিস্সতীতি? আমন্তা.

(খ) যস্স ৰা পন মগ্গসচ্চং ন নিরুজ্ঝিস্সতি তস্স দুক্খসচ্চং নুপ্পজ্জিস্সতীতি?

অগ্গমগ্গস্স ভঙ্গক্খণে অরহন্তানং যে চ পুথুজ্জনা মগ্গং ন পটিলভিস্সন্তি তেসং মগ্গসচ্চং ন নিরুজ্ঝিস্সতি, নো চ তেসং দুক্খসচ্চং নুপ্পজ্জিস্সতি. পচ্ছিমচিত্তসমঙ্গীনং তেসং মগ্গসচ্চঞ্চ ন নিরুজ্ঝিস্সতি দুক্খসচ্চঞ্চ নুপ্পজ্জিস্সতি.

১৫০. (ক) যস্স সমুদযসচ্চং নুপ্পজ্জিস্সতি তস্স মগ্গসচ্চং ন নিরুজ্ঝিস্সতীতি?

অগ্গমগ্গস্স উপ্পাদক্খণে যস্স চিত্তস্স অনন্তরা অগ্গমগ্গং পটিলভিস্সন্তি তেসং সমুদযসচ্চং নুপ্পজ্জিস্সতি, নো চ তেসং মগ্গসচ্চং ন নিরুজ্ঝিস্সতি. অগ্গমগ্গস্স ভঙ্গক্খণে অরহন্তানং তেসং সমুদযসচ্চঞ্চ নুপ্পজ্জিস্সতি মগ্গসচ্চঞ্চ ন নিরুজ্ঝিস্সতি.

(খ) যস্স ৰা পন মগ্গসচ্চং ন নিরুজ্ঝিস্সতি তস্স সমুদযসচ্চং নুপ্পজ্জিস্সতীতি?

যে পুথুজ্জনা মগ্গং ন পটিলভিস্সন্তি তেসং মগ্গসচ্চং ন নিরুজ্ঝিস্সতি, নো চ তেসং সমুদযসচ্চং নুপ্পজ্জিস্সতি. অগ্গমগ্গস্স ভঙ্গক্খণে অরহন্তানং তেসং মগ্গসচ্চঞ্চ ন নিরুজ্ঝিস্সতি সমুদযসচ্চঞ্চ নুপ্পজ্জিস্সতি.

(ঙ) পচ্চনীকওকাসো

১৫১. যত্থ দুক্খসচ্চং নুপ্পজ্জিস্সতি…পে….

(চ) পচ্চনীকপুগ্গলোকাসা

১৫২. যস্স যত্থ দুক্খসচ্চং নুপ্পজ্জিস্সতি…পে….

(যস্সকম্পি যস্সযত্থকম্পি সদিসং, সমুদযসচ্চং মগ্গসচ্চং নানাকরণং, অগ্গমগ্গস্স ভঙ্গক্খণে, অরহন্তানং অসঞ্ঞসত্তানং তেসং তত্থ মগ্গসচ্চঞ্চ ন নিরুজ্ঝিস্সতি সমুদযসচ্চঞ্চ নুপ্পজ্জিস্সতি).