(১) পচ্চুপ্পন্নৰারো

(ক) অনুলোমপুগ্গলো

১৩৬. (ক) যস্স দুক্খসচ্চং উপ্পজ্জতি তস্স সমুদযসচ্চং নিরুজ্ঝতীতি? নো.

(খ) যস্স ৰা পন সমুদযসচ্চং নিরুজ্ঝতি তস্স দুক্খসচ্চং উপ্পজ্জতীতি? নো.

(ক) যস্স দুক্খসচ্চং উপ্পজ্জতি তস্স মগ্গসচ্চং নিরুজ্ঝতীতি? নো.

(খ) যস্স ৰা পন মগ্গসচ্চং নিরুজ্ঝতি তস্স দুক্খসচ্চং উপ্পজ্জতীতি? নো.

১৩৭. (ক) যস্স সমুদযসচ্চং উপ্পজ্জতি তস্স মগ্গসচ্চং নিরুজ্ঝতীতি? নো.

(খ) যস্স ৰা পন মগ্গসচ্চং নিরুজ্ঝতি তস্স সমুদযসচ্চং উপ্পজ্জতীতি? নো.

(খ) অনুলোমওকাসো

১৩৮. যত্থ দুক্খসচ্চং উপ্পজ্জতি তত্থ সমুদযসচ্চং নিরুজ্ঝতীতি?

অসঞ্ঞসত্তে তত্থ দুক্খসচ্চং উপ্পজ্জতি, নো চ তত্থ সমুদযসচ্চং নিরুজ্ঝতি…পে….

(যত্থকং উপ্পাদৰারেপি নিরোধৰারেপি উপ্পাদনিরোধৰারেপি সদিসং নত্থি নানাকরণং).

(গ) অনুলোমপুগ্গলোকাসা

১৩৯. যস্স যত্থ দুক্খসচ্চং উপ্পজ্জতি তস্স তত্থ সমুদযসচ্চং নিরুজ্ঝতীতি? নো.

(যস্সকম্পি যস্সযত্থকম্পি সদিসং).

(ঘ) পচ্চনীকপুগ্গলো

১৪০. (ক) যস্স দুক্খসচ্চং নুপ্পজ্জতি তস্স সমুদযসচ্চং ন নিরুজ্ঝতীতি?

তণ্হায ভঙ্গক্খণে তেসং দুক্খসচ্চং নুপ্পজ্জতি, নো চ তেসং সমুদযসচ্চং ন নিরুজ্ঝতি. সব্বেসং চৰন্তানং পৰত্তে তণ্হাৰিপ্পযুত্তচিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং দুক্খসচ্চঞ্চ নুপ্পজ্জতি সমুদযসচ্চঞ্চ ন নিরুজ্ঝতি.

(খ) যস্স ৰা পন সমুদযসচ্চং ন নিরুজ্ঝতি তস্স দুক্খসচ্চং নুপ্পজ্জতীতি?

সব্বেসং উপপজ্জন্তানং পৰত্তে চিত্তস্স উপ্পাদক্খণে তেসং সমুদযসচ্চং ন নিরুজ্ঝতি, নো চ তেসং দুক্খসচ্চং নুপ্পজ্জতি. সব্বেসং চৰন্তানং পৰত্তে তণ্হাৰিপ্পযুত্তচিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং সমুদযসচ্চঞ্চ ন নিরুজ্ঝতি দুক্খসচ্চঞ্চ নুপ্পজ্জতি.

(ক) যস্স দুক্খসচ্চং নুপ্পজ্জতি তস্স মগ্গসচ্চং ন নিরুজ্ঝতীতি?

মগ্গস্স ভঙ্গক্খণে তেসং দুক্খসচ্চং নুপ্পজ্জতি, নো চ তেসং মগ্গসচ্চং ন নিরুজ্ঝতি. সব্বেসং চৰন্তানং পৰত্তে মগ্গৰিপ্পযুত্তচিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং দুক্খসচ্চঞ্চ নুপ্পজ্জতি মগ্গসচ্চঞ্চ ন নিরুজ্ঝতি.

(খ) যস্স ৰা পন মগ্গসচ্চং ন নিরুজ্ঝতি তস্স দুক্খসচ্চং নুপ্পজ্জতীতি?

সব্বেসং উপপজ্জন্তানং পৰত্তে চিত্তস্স উপ্পাদক্খণে তেসং মগ্গসচ্চং ন নিরুজ্ঝতি, নো চ তেসং দুক্খসচ্চং নুপ্পজ্জতি. সব্বেসং চৰন্তানং পৰত্তে মগ্গৰিপ্পযুত্তচিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং মগ্গসচ্চঞ্চ ন নিরুজ্ঝতি দুক্খসচ্চঞ্চ নুপ্পজ্জতি.

১৪১. (ক) যস্স সমুদযসচ্চং নুপ্পজ্জতি তস্স মগ্গসচ্চং ন নিরুজ্ঝতীতি?

মগ্গস্স ভঙ্গক্খণে তেসং সমুদযসচ্চং নুপ্পজ্জতি, নো চ তেসং মগ্গসচ্চং ন নিরুজ্ঝতি. তণ্হাৰিপ্পযুত্তচিত্তস্স উপ্পাদক্খণে মগ্গৰিপ্পযুত্তচিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং সমুদযসচ্চঞ্চ নুপ্পজ্জতি মগ্গসচ্চঞ্চ ন নিরুজ্ঝতি.

(খ) যস্স ৰা পন মগ্গসচ্চং ন নিরুজ্ঝতি তস্স সমুদযসচ্চং নুপ্পজ্জতীতি?

তণ্হায উপ্পাদক্খণে তেসং মগ্গসচ্চং ন নিরুজ্ঝতি, নো চ তেসং সমুদযসচ্চং নুপ্পজ্জতি. মগ্গৰিপ্পযুত্তচিত্তস্স ভঙ্গক্খণে তণ্হাৰিপ্পযুত্তচিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং মগ্গসচ্চঞ্চ ন নিরুজ্ঝতি সমুদযসচ্চঞ্চ নুপ্পজ্জতি.

(ঙ) পচ্চনীকওকাসো

১৪২. যত্থ দুক্খসচ্চং নুপ্পজ্জতি…পে….

(চ) পচ্চনীকপুগ্গলোকাসা

১৪৩. যস্স যত্থ দুক্খসচ্চং নুপ্পজ্জতি…পে….

(যস্সকম্পি যস্সযত্থকম্পি সদিসং, যস্সযত্থকেপি নিরোধসমাপন্নানন্তি ন কাতব্বং).