(২) অতীতৰারো

(ক) অনুলোমপুগ্গলো

৩৮. (ক) যস্স দুক্খসচ্চং উপ্পজ্জিত্থ তস্স সমুদযসচ্চং উপ্পজ্জিত্থাতি? আমন্তা.

(খ) যস্স ৰা পন সমুদযসচ্চং উপ্পজ্জিত্থ তস্স দুক্খসচ্চং উপ্পজ্জিত্থাতি? আমন্তা.

(ক) যস্স দুক্খসচ্চং উপ্পজ্জিত্থ তস্স মগ্গসচ্চং উপ্পজ্জিত্থাতি?

অনভিসমেতাৰীনং তেসং দুক্খসচ্চং উপ্পজ্জিত্থ, নো চ তেসং মগ্গসচ্চং উপ্পজ্জিত্থ. অভিসমেতাৰীনং তেসং দুক্খসচ্চঞ্চ উপ্পজ্জিত্থ মগ্গসচ্চঞ্চ উপ্পজ্জিত্থ.

(খ) যস্স ৰা পন…পে… উপ্পজ্জিত্থাতি? আমন্তা.

৩৯. (ক) যস্স সমুদযসচ্চং উপ্পজ্জিত্থ তস্স মগ্গসচ্চং উপ্পজ্জিত্থাতি?

অনভিসমেতাৰীনং তেসং সমুদযসচ্চং উপ্পজ্জিত্থ, নো চ তেসং মগ্গসচ্চং উপ্পজ্জিত্থ. অভিসমেতাৰীনং তেসং সমুদযসচ্চঞ্চ উপ্পজ্জিত্থ মগ্গসচ্চঞ্চ উপ্পজ্জিত্থ.

(খ) যস্স ৰা পন…পে… উপ্পজ্জিত্থাতি? আমন্তা.

(খ) অনুলোমওকাসো

৪০. যত্থ দুক্খসচ্চং উপ্পজ্জিত্থ…পে….

(যত্থকম্পি সব্বত্থ সদিসং. তন্তিনানাকরণং হেট্ঠা যত্থকসদিসং).

(গ) অনুলোমপুগ্গলোকাসা

৪১. (ক) যস্স যত্থ দুক্খসচ্চং উপ্পজ্জিত্থ তস্স তত্থ সমুদযসচ্চং উপ্পজ্জিত্থাতি?

সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ দুক্খসচ্চং উপ্পজ্জিত্থ, নো চ তেসং তত্থ সমুদযসচ্চং উপ্পজ্জিত্থ. ইতরেসং চতুৰোকারানং পঞ্চৰোকারানং তেসং তত্থ দুক্খসচ্চঞ্চ উপ্পজ্জিত্থ সমুদযসচ্চঞ্চ উপ্পজ্জিত্থ.

(খ) যস্স ৰা পন যত্থ…পে… উপ্পজ্জিত্থাতি? আমন্তা.

(ক) যস্স যত্থ দুক্খসচ্চং উপ্পজ্জিত্থ তস্স তত্থ মগ্গসচ্চং উপ্পজ্জিত্থাতি?

সুদ্ধাৰাসানং দুতিযে চিত্তে ৰত্তমানে অনভিসমেতাৰীনং অসঞ্ঞসত্তানং তেসং তত্থ দুক্খসচ্চং উপ্পজ্জিত্থ, নো চ তেসং তত্থ মগ্গসচ্চং উপ্পজ্জিত্থ. অভিসমেতাৰীনং তেসং তত্থ দুক্খসচ্চঞ্চ উপ্পজ্জিত্থ মগ্গসচ্চঞ্চ উপ্পজ্জিত্থ.

(খ) যস্স ৰা পন যত্থ…পে… উপ্পজ্জিত্থাতি? আমন্তা.

৪২. (ক) যস্স যত্থ সমুদযসচ্চং উপ্পজ্জিত্থ তস্স তত্থ মগ্গসচ্চং উপ্পজ্জিত্থাতি?

সুদ্ধাৰাসানং দুতিযে অকুসলে চিত্তে ৰত্তমানে অনভিসমেতাৰীনং তেসং তত্থ সমুদযসচ্চং উপ্পজ্জিত্থ, নো চ তেসং তত্থ মগ্গসচ্চং উপ্পজ্জিত্থ. অভিসমেতাৰীনং তেসং তত্থ সমুদযসচ্চঞ্চ উপ্পজ্জিত্থ মগ্গসচ্চঞ্চ উপ্পজ্জিত্থ.

(খ) যস্স ৰা পন যত্থ…পে… উপ্পজ্জিত্থাতি? আমন্তা.

(ঘ) পচ্চনীকপুগ্গলো

৪৩. (ক) যস্স দুক্খসচ্চং নুপ্পজ্জিত্থ তস্স সমুদযসচ্চং নুপ্পজ্জিত্থাতি? নত্থি.

(খ) যস্স ৰা পন…পে… নুপ্পজ্জিত্থাতি? নত্থি.

(ক) যস্স দুক্খসচ্চং নুপ্পজ্জিত্থ তস্স মগ্গসচ্চং নুপ্পজ্জিত্থাতি? নত্থি.

(খ) যস্স ৰা পন মগ্গসচ্চং নুপ্পজ্জিত্থ তস্স দুক্খসচ্চং নুপ্পজ্জিত্থাতি? উপ্পজ্জিত্থ.

৪৪. (ক) যস্স সমুদযসচ্চং নুপ্পজ্জিত্থ তস্স মগ্গসচ্চং নুপ্পজ্জিত্থাতি? নত্থি.

(খ) যস্স ৰা পন…পে… নুপ্পজ্জিত্থাতি? উপ্পজ্জিত্থ.

(ঙ) পচ্চনীকওকাসো

৪৫. যত্থ দুক্খসচ্চং নুপ্পজ্জিত্থ…পে….

(চ) পচ্চনীকপুগ্গলোকাসা

৪৬. (ক) যস্স যত্থ দুক্খসচ্চং নুপ্পজ্জিত্থ তস্স তত্থ সমুদযসচ্চং নুপ্পজ্জিত্থাতি? আমন্তা.

(খ) যস্স ৰা পন যত্থ সমুদযসচ্চং নুপ্পজ্জিত্থ তস্স তত্থ দুক্খসচ্চং নুপ্পজ্জিত্থাতি?

সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ সমুদযসচ্চং নুপ্পজ্জিত্থ, নো চ তেসং তত্থ দুক্খসচ্চং নুপ্পজ্জিত্থ. সুদ্ধাৰাসং উপপজ্জন্তানং তেসং তত্থ সমুদযসচ্চঞ্চ নুপ্পজ্জিত্থ দুক্খসচ্চঞ্চ নুপ্পজ্জিত্থ.

(ক) যস্স যত্থ দুক্খসচ্চং নুপ্পজ্জিত্থ তস্স তত্থ মগ্গসচ্চং নুপ্পজ্জিত্থাতি? আমন্তা.

(খ) যস্স ৰা পন যত্থ মগ্গসচ্চং নুপ্পজ্জিত্থ তস্স তত্থ দুক্খসচ্চং নুপ্পজ্জিত্থাতি?

সুদ্ধাৰাসানং দুতিযে চিত্তে ৰত্তমানে অনভিসমেতাৰীনং অসঞ্ঞসত্তানং তেসং তত্থ মগ্গসচ্চং নুপ্পজ্জিত্থ, নো চ তেসং তত্থ দুক্খসচ্চং নুপ্পজ্জিত্থ. সুদ্ধাৰাসং উপপজ্জন্তানং তেসং তত্থ মগ্গসচ্চঞ্চ নুপ্পজ্জিত্থ দুক্খসচ্চঞ্চ নুপ্পজ্জিত্থ.

৪৭. (ক) যস্স যত্থ সমুদযসচ্চং নুপ্পজ্জিত্থ তস্স তত্থ মগ্গসচ্চং নুপ্পজ্জিত্থাতি? আমন্তা.

(খ) যস্স ৰা পন যত্থ মগ্গসচ্চং নুপ্পজ্জিত্থ তস্স তত্থ সমুদযসচ্চং নুপ্পজ্জিত্থাতি?

সুদ্ধাৰাসানং দুতিযে অকুসলে চিত্তে ৰত্তমানে অনভিসমেতাৰীনং তেসং তত্থ মগ্গসচ্চং নুপ্পজ্জিত্থ, নো চ তেসং তত্থ সমুদযসচ্চং নুপ্পজ্জিত্থ. সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ মগ্গসচ্চঞ্চ নুপ্পজ্জিত্থ সমুদযসচ্চঞ্চ নুপ্পজ্জিত্থ.