১. পদসোধনৰারো

(ক) অনুলোমং

১০. (ক) চক্খু চক্খাযতনন্তি?

দিব্বচক্খু পঞ্ঞাচক্খু চক্খু, ন চক্খাযতনং. চক্খাযতনং চক্খু চেৰ চক্খাযতনঞ্চ.

(খ) চক্খাযতনং চক্খূতি? আমন্তা.

(ক) সোতং সোতাযতনন্তি?

দিব্বসোতং তণ্হাসোতং সোতং, ন সোতাযতনং. সোতাযতনং সোতঞ্চেৰ সোতাযতনঞ্চ.

(খ) সোতাযতনং সোতন্তি? আমন্তা.

(ক) ঘানং ঘানাযতনন্তি? আমন্তা.

(খ) ঘানাযতনং ঘানন্তি? আমন্তা.

(ক) জিৰ্হা জিৰ্হাযতনন্তি? আমন্তা.

(খ) জিৰ্হাযতনং জিৰ্হাতি? আমন্তা.

(ক) কাযো কাযাযতনন্তি?

কাযাযতনং ঠপেত্ৰা অৰসেসো কাযো, ন কাযাযতনং. কাযাযতনং কাযো চেৰ কাযাযতনঞ্চ.

(খ) কাযাযতনং কাযোতি? আমন্তা.

(ক) রূপং রূপাযতনন্তি?

রূপাযতনং ঠপেত্ৰা অৰসেসং রূপং, ন রূপাযতনং. রূপাযতনং রূপঞ্চেৰ রূপাযতনঞ্চ.

(খ) রূপাযতনং রূপন্তি? আমন্তা.

(ক) সদ্দো সদ্দাযতনন্তি? আমন্তা.

(খ) সদ্দাযতনং সদ্দোতি? আমন্তা.

(ক) গন্ধো গন্ধাযতনন্তি?

সীলগন্ধো সমাধিগন্ধো পঞ্ঞাগন্ধো গন্ধো, ন গন্ধাযতনং. গন্ধাযতনং গন্ধো চেৰ গন্ধাযতনঞ্চ.

(খ) গন্ধাযতনং গন্ধোতি? আমন্তা.

(ক) রসো রসাযতনন্তি?

অত্থরসো ধম্মরসো ৰিমুত্তিরসো রসো, ন রসাযতনং. রসাযতনং রসো চেৰ রসাযতনঞ্চ.

(খ) রসাযতনং রসোতি? আমন্তা.

(ক) ফোট্ঠব্বো ফোট্ঠব্বাযতনন্তি? আমন্তা.

(খ) ফোট্ঠব্বাযতনং ফোট্ঠব্বোতি? আমন্তা.

(ক) মনো মনাযতনন্তি? আমন্তা.

(খ) মনাযতনং মনোতি? আমন্তা.

(ক) ধম্মো ধম্মাযতনন্তি?

ধম্মাযতনং ঠপেত্ৰা অৰসেসো ধম্মো, ন ধম্মাযতনং. ধম্মাযতনং ধম্মো চেৰ ধম্মাযতনঞ্চ.

(খ) ধম্মাযতনং ধম্মোতি? আমন্তা.

(খ) পচ্চনীকং

১১. (ক) ন চক্খু ন চক্খাযতনন্তি? আমন্তা.

(খ) ন চক্খাযতনং ন চক্খূতি?

দিব্বচক্খু পঞ্ঞাচক্খু ন চক্খাযতনং, চক্খু. চক্খুঞ্চ চক্খাযতনঞ্চ ঠপেত্ৰা অৰসেসং [অৰসেসা (স্যা. পী.)] ন চেৰ চক্খু ন চ চক্খাযতনং.

(ক) ন সোতং ন সোতাযতনন্তি? আমন্তা.

(খ) ন সোতাযতনং ন সোতন্তি?

দিব্বসোতং তণ্হাসোতং ন সোতাযতনং, সোতং. সোতঞ্চ সোতাযতনঞ্চ ঠপেত্ৰা অৰসেসং ন চেৰ সোতং ন চ সোতাযতনং.

(ক) ন ঘানং ন ঘানাযতনন্তি? আমন্তা.

(খ) ন ঘানাযতনং ন ঘানন্তি? আমন্তা.

(ক) ন জিৰ্হা ন জিৰ্হাযতনন্তি? আমন্তা.

(খ) ন জিৰ্হাযতনং ন জিৰ্হাতি? আমন্তা.

(ক) ন কাযো ন কাযাযতনন্তি? আমন্তা.

(খ) ন কাযাযতনং ন কাযোতি?

কাযাযতনং ঠপেত্ৰা অৰসেসো ন কাযাযতনং, কাযো. কাযঞ্চ কাযাযতনঞ্চ ঠপেত্ৰা অৰসেসং [অৰসেসো (স্যা.)] ন চেৰ কাযো ন চ কাযাযতনং.

(ক) ন রূপং ন রূপাযতনন্তি? আমন্তা.

(খ) ন রূপাযতনং ন রূপন্তি?

রূপাযতনং ঠপেত্ৰা অৰসেসং ন রূপাযতনং, রূপং. রূপঞ্চ রূপাযতনঞ্চ ঠপেত্ৰা অৰসেসং ন চেৰ রূপং ন চ রূপাযতনং.

(ক) ন সদ্দো ন সদ্দাযতনন্তি? আমন্তা.

(খ) ন সদ্দাযতনং ন সদ্দোতি? আমন্তা.

(ক) ন গন্ধো ন গন্ধাযতনন্তি? আমন্তা.

(খ) ন গন্ধাযতনং ন গন্ধোতি?

সীলগন্ধো সমাধিগন্ধো পঞ্ঞাগন্ধো ন গন্ধাযতনং, গন্ধো. গন্ধঞ্চ গন্ধাযতনঞ্চ ঠপেত্ৰা অৰসেসং [অৰসেসা (স্যা.)] ন চেৰ গন্ধো ন চ গন্ধাযতনং.

(ক) ন রসো ন রসাযতনন্তি? আমন্তা.

(খ) ন রসাযতনং ন রসোতি?

অত্থরসো ধম্মরসো ৰিমুত্তিরসো ন রসাযতনং, রসো. রসঞ্চ রসাযতনঞ্চ ঠপেত্ৰা অৰসেসং ন চেৰ রসো ন চ রসাযতনং.

(ক) ন ফোট্ঠব্বো ন ফোট্ঠব্বাযতনন্তি? আমন্তা.

(খ) ন ফোট্ঠব্বাযতনং ন ফোট্ঠব্বোতি? আমন্তা.

(ক) ন মনো ন মনাযতনন্তি? আমন্তা.

(খ) ন মনাযতনং ন মনোতি? আমন্তা.

(ক) ন ধম্মো ন ধম্মাযতনন্তি? আমন্তা.

(খ) ন ধম্মাযতনং ন ধম্মোতি?

ধম্মাযতনং ঠপেত্ৰা অৰসেসো ন ধম্মাযতনং, ধম্মো. ধম্মঞ্চ ধম্মাযতনঞ্চ ঠপেত্ৰা অৰসেসং ন চেৰ ধম্মো ন চ ধম্মাযতনং.