(৬) অতীতানাগতৰারো

(ক) অনুলোমপুগ্গলো

১৯৬. (ক) যস্স রূপক্খন্ধো উপ্পজ্জিত্থ তস্স ৰেদনাক্খন্ধো নিরুজ্ঝিস্সতীতি?

পরিনিব্বন্তানং তেসং রূপক্খন্ধো উপ্পজ্জিত্থ, নো চ তেসং ৰেদনাক্খন্ধো নিরুজ্ঝিস্সতি. ইতরেসং তেসং রূপক্খন্ধো চ উপ্পজ্জিত্থ ৰেদনাক্খন্ধো চ নিরুজ্ঝিস্সতি.

(খ) যস্স ৰা পন ৰেদনাক্খন্ধো নিরুজ্ঝিস্সতি তস্স রূপক্খন্ধো উপ্পজ্জিত্থাতি? আমন্তা.

১৯৭. (ক) যস্স ৰেদনাক্খন্ধো উপ্পজ্জিত্থ তস্স সঞ্ঞাক্খন্ধো নিরুজ্ঝিস্সতীতি?

পরিনিব্বন্তানং তেসং ৰেদনাক্খন্ধো উপ্পজ্জিত্থ, নো চ তেসং সঞ্ঞাক্খন্ধো নিরুজ্ঝিস্সতি. ইতরেসং তেসং ৰেদনাক্খন্ধো চ উপ্পজ্জিত্থ সঞ্ঞাক্খন্ধো চ নিরুজ্ঝিস্সতি.

(খ) যস্স ৰা পন সঞ্ঞাক্খন্ধো নিরুজ্ঝিস্সতি তস্স ৰেদনাক্খন্ধো উপ্পজ্জিত্থাতি? আমন্তা.

(খ) অনুলোমওকাসো

১৯৮. যত্থ রূপক্খন্ধো উপ্পজ্জিত্থ…পে….

(গ) অনুলোমপুগ্গলোকাসা

১৯৯. (ক) যস্স যত্থ রূপক্খন্ধো উপ্পজ্জিত্থ তস্স তত্থ ৰেদনাক্খন্ধো নিরুজ্ঝিস্সতীতি?

পঞ্চৰোকারে পরিনিব্বন্তানং অসঞ্ঞসত্তানং তেসং তত্থ রূপক্খন্ধো উপ্পজ্জিত্থ, নো চ তেসং তত্থ ৰেদনাক্খন্ধো নিরুজ্ঝিস্সতি. ইতরেসং পঞ্চৰোকারানং তেসং তত্থ রূপক্খন্ধো চ উপ্পজ্জিত্থ ৰেদনাক্খন্ধো চ নিরুজ্ঝিস্সতি.

(খ) যস্স ৰা পন যত্থ ৰেদনাক্খন্ধো নিরুজ্ঝিস্সতি তস্স তত্থ রূপক্খন্ধো উপ্পজ্জিত্থাতি?

সুদ্ধাৰাসং উপপজ্জন্তানং অরূপানং তেসং তত্থ ৰেদনাক্খন্ধো নিরুজ্ঝিস্সতি, নো চ তেসং তত্থ রূপক্খন্ধো উপ্পজ্জিত্থ. ইতরেসং পঞ্চৰোকারানং তেসং তত্থ ৰেদনাক্খন্ধো চ নিরুজ্ঝিস্সতি রূপক্খন্ধো চ উপ্পজ্জিত্থ.

২০০. (ক) যস্স যত্থ ৰেদনাক্খন্ধো উপ্পজ্জিত্থ তস্স তত্থ সঞ্ঞাক্খন্ধো নিরুজ্ঝিস্সতীতি?

পরিনিব্বন্তানং তেসং তত্থ ৰেদনাক্খন্ধো উপ্পজ্জিত্থ, নো চ তেসং তত্থ সঞ্ঞাক্খন্ধো নিরুজ্ঝিস্সতি. ইতরেসং চতুৰোকারানং পঞ্চৰোকারানং তেসং তত্থ ৰেদনাক্খন্ধো চ উপ্পজ্জিত্থ সঞ্ঞাক্খন্ধো চ নিরুজ্ঝিস্সতি.

(খ) যস্স ৰা পন যত্থ সঞ্ঞাক্খন্ধো নিরুজ্ঝিস্সতি তস্স তত্থ ৰেদনাক্খন্ধো উপ্পজ্জিত্থাতি?

সুদ্ধাৰাসং উপপজ্জন্তানং তেসং তত্থ সঞ্ঞাক্খন্ধো নিরুজ্ঝিস্সতি, নো চ তেসং তত্থ ৰেদনাক্খন্ধো উপ্পজ্জিত্থ. ইতরেসং চতুৰোকারানং পঞ্চৰোকারানং তেসং তত্থ সঞ্ঞাক্খন্ধো চ নিরুজ্ঝিস্সতি ৰেদনাক্খন্ধো চ উপ্পজ্জিত্থ.

(ঘ) পচ্চনীকপুগ্গলো

২০১. (ক) যস্স রূপক্খন্ধো নুপ্পজ্জিত্থ তস্স ৰেদনাক্খন্ধো ন নিরুজ্ঝিস্সতীতি? নত্থি.

(খ) যস্স ৰা পন ৰেদনাক্খন্ধো ন নিরুজ্ঝিস্সতি তস্স রূপক্খন্ধো নুপ্পজ্জিত্থাতি? উপ্পজ্জিত্থ.

২০২. (ক) যস্স ৰেদনাক্খন্ধো নুপ্পজ্জিত্থ তস্স সঞ্ঞাক্খন্ধো ন নিরুজ্ঝিস্সতীতি? নত্থি.

(খ) যস্স ৰা পন সঞ্ঞাক্খন্ধো ন নিরুজ্ঝিস্সতি তস্স ৰেদনাক্খন্ধো নুপ্পজ্জিত্থাতি? উপ্পজ্জিত্থ.

(ঙ) পচ্চনীকওকাসো

২০৩. যত্থ রূপক্খন্ধো নুপ্পজ্জিত্থ…পে….

(চ) পচ্চনীকপুগ্গলোকাসা

২০৪. (ক) যস্স যত্থ রূপক্খন্ধো নুপ্পজ্জিত্থ তস্স তত্থ ৰেদনাক্খন্ধো ন নিরুজ্ঝিস্সতীতি?

সুদ্ধাৰাসং উপপজ্জন্তানং অরূপানং তেসং তত্থ রূপক্খন্ধো নুপ্পজ্জিত্থ, নো চ তেসং তত্থ ৰেদনাক্খন্ধো ন নিরুজ্ঝিস্সতি. সুদ্ধাৰাসে পরিনিব্বন্তানং অরূপে পরিনিব্বন্তানং তেসং তত্থ রূপক্খন্ধো চ নুপ্পজ্জিত্থ ৰেদনাক্খন্ধো চ ন নিরুজ্ঝিস্সতি.

(খ) যস্স ৰা পন যত্থ ৰেদনাক্খন্ধো ন নিরুজ্ঝিস্সতি তস্স তত্থ রূপক্খন্ধো নুপ্পজ্জিত্থাতি?

পঞ্চৰোকারে পরিনিব্বন্তানং অসঞ্ঞসত্তানং তেসং তত্থ ৰেদনাক্খন্ধো ন নিরুজ্ঝিস্সতি, নো চ তেসং তত্থ রূপক্খন্ধো নুপ্পজ্জিত্থ. সুদ্ধাৰাসে পরিনিব্বন্তানং অরূপে পরিনিব্বন্তানং তেসং তত্থ ৰেদনাক্খন্ধো চ ন নিরুজ্ঝিস্সতি রূপক্খন্ধো চ নুপ্পজ্জিত্থ.

২০৫. (ক) যস্স যত্থ ৰেদনাক্খন্ধো নুপ্পজ্জিত্থ তস্স তত্থ সঞ্ঞাক্খন্ধো ন নিরুজ্ঝিস্সতীতি?

সুদ্ধাৰাসং উপপজ্জন্তানং তেসং তত্থ ৰেদনাক্খন্ধো নুপ্পজ্জিত্থ, নো চ তেসং তত্থ সঞ্ঞাক্খন্ধো ন নিরুজ্ঝিস্সতি. সুদ্ধাৰাসে পরিনিব্বন্তানং অসঞ্ঞসত্তানং তেসং তত্থ ৰেদনাক্খন্ধো চ নুপ্পজ্জিত্থ সঞ্ঞাক্খন্ধো চ ন নিরুজ্ঝিস্সতি.

(খ) যস্স ৰা পন যত্থ সঞ্ঞাক্খন্ধো ন নিরুজ্ঝিস্সতি তস্স তত্থ ৰেদনাক্খন্ধো নুপ্পজ্জিত্থাতি?

পরিনিব্বন্তানং তেসং তত্থ সঞ্ঞাক্খন্ধো ন নিরুজ্ঝিস্সতি, নো চ তেসং তত্থ ৰেদনাক্খন্ধো নুপ্পজ্জিত্থ. সুদ্ধাৰাসে পরিনিব্বন্তানং অসঞ্ঞসত্তানং তেসং তত্থ সঞ্ঞাক্খন্ধো চ ন নিরুজ্ঝিস্সতি ৰেদনাক্খন্ধো চ নুপ্পজ্জিত্থ.

উপ্পাদনিরোধৰারো.

পৰত্তিৰারো নিট্ঠিতো.