(২) অতীতৰারো

(ক) অনুলোমপুগ্গলো

১১০. (ক) যস্স রূপক্খন্ধো নিরুজ্ঝিত্থ তস্স ৰেদনাক্খন্ধো নিরুজ্ঝিত্থাতি? আমন্তা.

(খ) যস্স ৰা পন ৰেদনাক্খন্ধো নিরুজ্ঝিত্থ তস্স রূপক্খন্ধো নিরুজ্ঝিত্থাতি? আমন্তা.

(খ) অনুলোমওকাসো

১১১. (ক) যত্থ রূপক্খন্ধো নিরুজ্ঝিত্থ তত্থ ৰেদনাক্খন্ধো নিরুজ্ঝিত্থাতি?

অসঞ্ঞসত্তে তত্থ রূপক্খন্ধো নিরুজ্ঝত্থ, নো চ তত্থ ৰেদনাক্খন্ধো নিরুজ্ঝিত্থ. পঞ্চৰোকারে তত্থ রূপক্খন্ধো চ নিরুজ্ঝিত্থ ৰেদনাক্খন্ধো চ নিরুজ্ঝিত্থ.

(খ) যত্থ ৰা পন ৰেদনাক্খন্ধো নিরুজ্ঝিত্থ তত্থ রূপক্খন্ধো নিরুজ্ঝিত্থাতি?

অরূপে তত্থ ৰেদনাক্খন্ধো নিরুজ্ঝিত্থ, নো চ তত্থ রূপক্খন্ধো নিরুজ্ঝিত্থ. পঞ্চৰোকারে তত্থ ৰেদনাক্খন্ধো চ নিরুজ্ঝিত্থ রূপক্খন্ধো চ নিরুজ্ঝিত্থ.

(গ) অনুলোমপুগ্গলোকাসা

১১২. (ক) যস্স যত্থ রূপক্খন্ধো নিরুজ্ঝিত্থ তস্স তত্থ ৰেদনাক্খন্ধো নিরুজ্ঝিত্থাতি?

অসঞ্ঞসত্তানং তেসং তত্থ রূপক্খন্ধো নিরুজ্ঝিত্থ, নো চ তেসং তত্থ ৰেদনাক্খন্ধো নিরুজ্ঝিত্থ. পঞ্চৰোকারানং তেসং তত্থ রূপক্খন্ধো চ নিরুজ্ঝিত্থ ৰেদনাক্খন্ধো চ নিরুজ্ঝিত্থ.

(খ) যস্স ৰা পন যত্থ ৰেদনাক্খন্ধো নিরুজ্ঝিত্থ তস্স তত্থ রূপক্খন্ধো নিরুজ্ঝিত্থাতি?

অরূপানং তেসং তত্থ ৰেদনাক্খন্ধো নিরুজ্ঝিত্থ, নো চ তেসং তত্থ রূপক্খন্ধো নিরুজ্ঝিত্থ. পঞ্চৰোকারানং তেসং তত্থ ৰেদনাক্খন্ধো চ নিরুজ্ঝিত্থ রূপক্খন্ধো চ নিরুজ্ঝিত্থ.

(ঘ) পচ্চনীকপুগ্গলো

১১৩. (ক) যস্স রূপক্খন্ধো ন নিরুজ্ঝিত্থ তস্স ৰেদনাক্খন্ধো ন নিরুজ্ঝিত্থাতি? নত্থি.

(খ) যস্স ৰা পন ৰেদনাক্খন্ধো ন নিরুজ্ঝিত্থ তস্স রূপক্খন্ধো ন নিরুজ্ঝিত্থাতি? নত্থি.

(ঙ) পচ্চনীকওকাসো

১১৪. (ক) যত্থ রূপক্খন্ধো ন নিরুজ্ঝিত্থ তত্থ ৰেদনাক্খন্ধো ন নিরুজ্ঝিত্থাতি? নিরুজ্ঝিত্থ.

(খ) যত্থ ৰা পন ৰেদনাক্খন্ধো ন নিরুজ্ঝিত্থ তত্থ রূপক্খন্ধো ন নিরুজ্ঝিত্থাতি? নিরুজ্ঝিত্থ.

(চ) পচ্চনীকপুগ্গলোকাসা

১১৫. (ক) যস্স যত্থ রূপক্খন্ধো ন নিরুজ্ঝিত্থ তস্স তত্থ ৰেদনাক্খন্ধো ন নিরুজ্ঝিত্থাতি?

অরূপানং তেসং তত্থ রূপক্খন্ধো ন নিরুজ্ঝিত্থ, নো চ তেসং তত্থ ৰেদনাক্খন্ধো ন নিরুজ্ঝিত্থ. সুদ্ধাৰাসানং তেসং তত্থ রূপক্খন্ধো চ ন নিরুজ্ঝিত্থ ৰেদনাক্খন্ধো চ ন নিরুজ্ঝিত্থ.

(খ) যস্স ৰা পন যত্থ ৰেদনাক্খন্ধো ন নিরুজ্ঝিত্থ তস্স তত্থ রূপক্খন্ধো ন নিরুজ্ঝিত্থাতি?

অসঞ্ঞসত্তানং তেসং তত্থ ৰেদনাক্খন্ধো ন নিরুজ্ঝিত্থ, নো চ তেসং তত্থ রূপক্খন্ধো ন নিরুজ্ঝিত্থ. সুদ্ধাৰাসানং তেসং তত্থ ৰেদনাক্খন্ধো চ ন নিরুজ্ঝিত্থ রূপক্খন্ধো চ ন নিরুজ্ঝিত্থ.