১-৬. পটিচ্চৰারাদি

পচ্চযচতুক্কং

হেতুপচ্চযো

১. কুসলং ধম্মং পটিচ্চ নকুসলো ধম্মো উপ্পজ্জতি হেতুপচ্চযা – কুসলে খন্ধে পটিচ্চ চিত্তসমুট্ঠানং রূপং. কুসলং ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা – কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… কুসলং ধম্মং পটিচ্চ নঅব্যাকতো ধম্মো উপ্পজ্জতি হেতুপচ্চযা – কুসলং একং খন্ধং পটিচ্চ তযো খন্ধা…পে… কুসলং ধম্মং পটিচ্চ নঅকুসলো চ নঅব্যাকতো চ ধম্মা উপ্পজ্জন্তি হেতুপচ্চযা – কুসলং একং খন্ধং পটিচ্চ তযো খন্ধা…পে… কুসলং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা – কুসলে খন্ধে পটিচ্চ চিত্তসমুট্ঠানং রূপং. (৫)

২. অকুসলং ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা – অকুসলে খন্ধে পটিচ্চ চিত্তসমুট্ঠানং রূপং. অকুসলং ধম্মং পটিচ্চ নকুসলো ধম্মো উপ্পজ্জতি হেতুপচ্চযা – অকুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… অকুসলং ধম্মং পটিচ্চ নঅব্যাকতো ধম্মো উপ্পজ্জতি হেতুপচ্চযা. অকুসলং ধম্মং পটিচ্চ নকুসলো চ নঅব্যাকতো চ ধম্মা উপ্পজ্জন্তি হেতুপচ্চযা. অকুসলং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা. (৫)

৩. অব্যাকতং ধম্মং পটিচ্চ নকুসলো ধম্মো উপ্পজ্জতি হেতুপচ্চযা – ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… পটিসন্ধিক্খণে…পে… একং মহাভূতং পটিচ্চ তযো মহাভূতা…পে… দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং. অব্যাকতং ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা – ৰিপাকাব্যাকতং…পে… পটিসন্ধিক্খণে…পে… মহাভূতং…পে… অব্যাকতং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা – ৰিপাকাব্যাকতং কিরিযাব্যাকতং…পে…. (৩) (সংখিত্তং.)

৪. কুসলঞ্চ অব্যাকতঞ্চ ধম্মং পটিচ্চ নকুসলো ধম্মো উপ্পজ্জতি হেতুপচ্চযা – কুসলে খন্ধে চ মহাভূতে চ পটিচ্চ চিত্তসমুট্ঠানং রূপং. কুসলঞ্চ অব্যাকতঞ্চ ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা. কুসলঞ্চ অব্যাকতঞ্চ ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা. (৩)

অকুসলঞ্চ অব্যাকতঞ্চ ধম্মং পটিচ্চ নকুসলো ধম্মো উপ্পজ্জতি হেতুপচ্চযা. অকুসলঞ্চ অব্যাকতঞ্চ ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা. অকুসলঞ্চ অব্যাকতঞ্চ ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা. (৩) (চিত্তসমুট্ঠানরূপমেৰ এত্থ ৰত্ততি, একূনৰীসতি পঞ্হা কাতব্বা.)

আরম্মণপচ্চযো

৫. কুসলং ধম্মং পটিচ্চ নঅকুসলো ধম্মো উপ্পজ্জতি আরম্মণপচ্চযা. কুসলং ধম্মং পটিচ্চ নঅব্যাকতো ধম্মো উপ্পজ্জতি আরম্মণপচ্চযা. কুসলং ধম্মং পটিচ্চ নঅকুসলো চ নঅব্যাকতো চ ধম্মা উপ্পজ্জন্তি আরম্মণপচ্চযা. (৩)

অকুসলং ধম্মং পটিচ্চ নকুসলো ধম্মো উপ্পজ্জতি আরম্মণপচ্চযা. অকুসলং ধম্মং পটিচ্চ নঅব্যাকতো ধম্মো উপ্পজ্জতি আরম্মণপচ্চযা. অকুসলং ধম্মং পটিচ্চ নকুসলো চ নঅব্যাকতো চ ধম্মা উপ্পজ্জন্তি আরম্মণপচ্চযা. (৩)

অব্যাকতং ধম্মং পটিচ্চ নকুসলো ধম্মো উপ্পজ্জতি আরম্মণপচ্চযা. অব্যাকতং ধম্মং পটিচ্চ নঅকুসলো ধম্মো উপ্পজ্জতি আরম্মণপচ্চযা. অব্যাকতং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি আরম্মণপচ্চযা. (৩) (সংখিত্তং.)

হেতুযা একূনৰীস, আরম্মণে নৰ, অধিপতিযা একূনৰীস, অনন্তরে নৰ, সমনন্তরে নৰ, সহজাতে একূনৰীস…পে… অৰিগতে একূনৰীস.

পচ্চনীযং

নহেতু-নআরম্মণপচ্চযা

৬. অকুসলং ধম্মং পটিচ্চ নকুসলো ধম্মো উপ্পজ্জতি নহেতুপচ্চযা. অকুসলং ধম্মং পটিচ্চ নঅব্যাকতো ধম্মো উপ্পজ্জতি নহেতুপচ্চযা. অকুসলং ধম্মং পটিচ্চ নকুসলো চ নঅব্যাকতো চ ধম্মা উপ্পজ্জন্তি নহেতুপচ্চযা. (৩)

অব্যাকতং ধম্মং পটিচ্চ নকুসলো ধম্মো উপ্পজ্জতি নহেতুপচ্চযা. অব্যাকতং ধম্মং পটিচ্চ নঅকুসলো ধম্মো উপ্পজ্জতি নহেতুপচ্চযা. অব্যাকতং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি নহেতুপচ্চযা. (৩)

৭. কুসলং ধম্মং পটিচ্চ নকুসলো ধম্মো উপ্পজ্জতি নআরম্মণপচ্চযা. কুসলং ধম্মং পটিচ্চ নঅকুসলো ধম্মো উপ্পজ্জতি নআরম্মণপচ্চযা. কুসলং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি নআরম্মণপচ্চযা. (৩)

অকুসলং ধম্মং পটিচ্চ নঅকুসলো ধম্মো উপ্পজ্জতি নআরম্মণপচ্চযা. অকুসলং ধম্মং পটিচ্চ নকুসলো ধম্মো উপ্পজ্জতি নআরম্মণপচ্চযা. অকুসলং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি নআরম্মণপচ্চযা. (৩) (সংখিত্তং.)

নহেতুযা ছ, নআরম্মণে পন্নরস, নঅধিপতিযা একূনৰীস…পে… নোৰিগতে পন্নরস.

(পচ্চনীযং ৰিত্থারেতব্বং. সহজাতৰারম্পি পচ্চযৰারম্পি ৰিত্থারেতব্বং. পচ্চযৰারেপি হেতুযা ছব্বীস, আরম্মণে অট্ঠারস…পে… অৰিগতে ছব্বীস. নিস্সযৰারম্পি সংসট্ঠৰারম্পি সম্পযুত্তৰারম্পি পটিচ্চৰারসদিসং.)