৪-৫-১. হেতুসহেতুকদুকাদি-কুসলত্তিকং

৩৬. নহেতুঞ্চেৰ নঅহেতুকঞ্চ নকুসলং ধম্মং পটিচ্চ নহেতু চেৰ নঅহেতুকো চ নকুসলো ধম্মো উপ্পজ্জতি হেতুপচ্চযা. নহেতুঞ্চেৰ নঅহেতুকঞ্চ নকুসলং ধম্মং পটিচ্চ নঅহেতুকো চেৰ নন চ হেতু নকুসলো ধম্মো উপ্পজ্জতি হেতুপচ্চযা. নহেতুঞ্চেৰ নঅহেতুকঞ্চ নকুসলং ধম্মং পটিচ্চ নহেতু চেৰ নঅহেতুকো চ নকুসলো চ নঅহেতুকো চেৰ নন চ হেতু নকুসলো চ ধম্মা উপ্পজ্জন্তি হেতুপচ্চযা. (৩)

নঅহেতুকঞ্চেৰ নন চ হেতুং নকুসলং ধম্মং পটিচ্চ নঅহেতুকো চেৰ নন চ হেতু নকুসলো ধম্মো উপ্পজ্জতি হেতুপচ্চযা… তীণি.

নহেতুঞ্চেৰ নঅহেতুকঞ্চ নকুসলঞ্চ নঅহেতুকঞ্চেৰ নন চ হেতুং নকুসলঞ্চ ধম্মং পটিচ্চ নহেতু চেৰ নঅহেতুকো চ নকুসলো ধম্মো উপ্পজ্জতি হেতুপচ্চযা… তীণি. (সংখিত্তং.)

হেতুযা নৰ.

৩৭. নহেতুঞ্চেৰ নঅহেতুকঞ্চ নঅকুসলং ধম্মং পটিচ্চ নহেতু চেৰ নঅহেতুকো চ নঅকুসলো ধম্মো উপ্পজ্জতি হেতুপচ্চযা. (সংখিত্তং.)

হেতুযা নৰ.

৩৮. নহেতুঞ্চেৰ নঅহেতুকঞ্চ নঅব্যাকতং ধম্মং পটিচ্চ নহেতু চেৰ নঅহেতুকো চ নঅব্যাকতো ধম্মো উপ্পজ্জতি হেতুপচ্চযা. (সংখিত্তং.)

হেতুযা নৰ.

(হেতুহেতুসম্পযুত্তদুকং হেতুসহেতুকদুকসদিসং.)