১-৭. পটিচ্চৰারাদি

পচ্চযচতুক্কং

হেতুপচ্চযো

৫. নসহেতুকং ধম্মং পটিচ্চ নসহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং রূপং, একং মহাভূতং পটিচ্চ তযো মহাভূতা…পে… দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. নসহেতুকং ধম্মং পটিচ্চ নঅহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং উদ্ধচ্চসহগতং মোহং পটিচ্চ সম্পযুত্তকা খন্ধা; পটিসন্ধিক্খণে ৰত্থুং পটিচ্চ সহেতুকা খন্ধা. নসহেতুকং ধম্মং পটিচ্চ নসহেতুকো চ নঅহেতুকো চ ধম্মা উপ্পজ্জন্তি হেতুপচ্চযা. (৩)

নঅহেতুকং ধম্মং পটিচ্চ নঅহেতুকো ধম্মো উপ্পজ্জতি হেতুপচ্চযা… তীণি.

নসহেতুকঞ্চ নঅহেতুকঞ্চ ধম্মং পটিচ্চ নসহেতুকো ধম্মো উপ্পজ্জতি হেতুপচ্চযা. নসহেতুকঞ্চ নঅহেতুকঞ্চ ধম্মং পটিচ্চ নঅহেতুকো ধম্মো উপ্পজ্জতি হেতুপচ্চযা. নসহেতুকঞ্চ নঅহেতুকঞ্চ ধম্মং পটিচ্চ নসহেতুকো চ নঅহেতুকো চ ধম্মা উপ্পজ্জন্তি হেতুপচ্চযা. (৩) (সংখিত্তং.)

৬. হেতুযা নৰ, আরম্মণে ছ…পে… অৰিগতে নৰ.

(সহজাতৰারম্পি…পে… সম্পযুত্তৰারম্পি পটিচ্চৰারসদিসং এৰং ৰিত্থারেতব্বং.)

হেতু-আরম্মণপচ্চযা

৭. নসহেতুকো ধম্মো নসহেতুকস্স ধম্মস্স হেতুপচ্চযেন পচ্চযো. নসহেতুকো ধম্মো নঅহেতুকস্স ধম্মস্স হেতুপচ্চযেন পচ্চযো. নসহেতুকো ধম্মো নসহেতুকস্স চ নঅহেতুকস্স চ ধম্মস্স হেতুপচ্চযেন পচ্চযো. (৩)

নঅহেতুকো ধম্মো নঅহেতুকস্স ধম্মস্স হেতুপচ্চযেন পচ্চযো… তীণি.

নসহেতুকো ধম্মো নসহেতুকস্স ধম্মস্স আরম্মণপচ্চযেন পচ্চযো (সংখিত্তং.)

৮. হেতুযা ছ, আরম্মণে নৰ…পে… অৰিগতে নৰ.

(যথা কুসলত্তিকে পঞ্হাৰারং, এৰং ৰিত্থারেতব্বং.)