১-৭. পটিচ্চৰারাদি

পচ্চযচতুক্কং

হেতুপচ্চযো

১. নহেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা – নহেতুং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে…পে… (যাৰ মহাভূতা). নহেতুং ধম্মং পটিচ্চ ন নহেতু ধম্মো উপ্পজ্জতি হেতুপচ্চযা – নহেতূ খন্ধে পটিচ্চ হেতূ; পটিসন্ধিক্খণে…পে… নহেতুং ধম্মং পটিচ্চ নহেতু চ ন নহেতু চ ধম্মা উপ্পজ্জন্তি হেতুপচ্চযা. (৩)

ন নহেতুং ধম্মং পটিচ্চ ন নহেতু ধম্মো উপ্পজ্জতি হেতুপচ্চযা. ন নহেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা. ন নহেতুং ধম্মং পটিচ্চ নহেতু চ ন নহেতু চ ধম্মা উপ্পজ্জন্তি হেতুপচ্চযা. (৩)

নহেতুঞ্চ ন নহেতুঞ্চ ধম্মং পটিচ্চ নহেতু ধম্মো উপ্পজ্জতি হেতুপচ্চযা. নহেতুঞ্চ ন নহেতুঞ্চ ধম্মং পটিচ্চ ন নহেতু ধম্মো উপ্পজ্জতি হেতুপচ্চযা. নহেতুঞ্চ ন নহেতুঞ্চ ধম্মং পটিচ্চ নহেতু চ ন নহেতু চ ধম্মা উপ্পজ্জন্তি হেতুপচ্চযা. (৩) (সংখিত্তং.)

২. হেতুযা নৰ, আরম্মণে নৰ…পে… অৰিগতে নৰ.

(সহজাতৰারম্পি…পে… সম্পযুত্তৰারম্পি পটিচ্চৰারসদিসং এৰং ৰিত্থারেতব্বং.)

হেতু-আরম্মণপচ্চযা

৩. ন নহেতু ধম্মো ন নহেতুস্স ধম্মস্স হেতুপচ্চযেন পচ্চযো. ন নহেতু ধম্মো নহেতুস্স ধম্মস্স হেতুপচ্চযেন পচ্চযো. ন নহেতু ধম্মো নহেতুস্স চ ন নহেতুস্স চ ধম্মস্স হেতুপচ্চযেন পচ্চযো. (৩)

নহেতু ধম্মো নহেতুস্স ধম্মস্স আরম্মণপচ্চযেন পচ্চযো. নহেতু ধম্মো ন নহেতুস্স ধম্মস্স আরম্মণপচ্চযেন পচ্চযো. নহেতু ধম্মো নহেতুস্স চ ন নহেতুস্স চ ধম্মস্স আরম্মণপচ্চযেন পচ্চযো. (৩)

ন নহেতু ধম্মো ন নহেতুস্স ধম্মস্স আরম্মণপচ্চযেন পচ্চযো. ন নহেতু ধম্মো নহেতুস্স ধম্মস্স আরম্মণপচ্চযেন পচ্চযো. ন নহেতু ধম্মো নহেতুস্স চ ন নহেতুস্স চ ধম্মস্স আরম্মণপচ্চযেন পচ্চযো. (৩)

নহেতু চ ন নহেতু চ ধম্মা নহেতুস্স ধম্মস্স আরম্মণপচ্চযেন পচ্চযো. নহেতু চ ন নহেতু চ ধম্মা ন নহেতুস্স ধম্মস্স আরম্মণপচ্চযেন পচ্চযো. নহেতু চ ন নহেতু চ ধম্মা নহেতুস্স চ ন নহেতুস্স চ ধম্মস্স আরম্মণপচ্চযেন পচ্চযো. (৩) (সংখিত্তং.)

৪. হেতুযা তীণি, আরম্মণে নৰ…পে… অৰিগতে নৰ. (যথা কুসলত্তিকে পঞ্হাৰারং, এৰং ৰিত্থারেতব্বং.)