২২-১. সনিদস্সনত্তিক-কুসলত্তিকং

৪৮. নসনিদস্সনসপ্পটিঘং নকুসলং ধম্মং পচ্চযা অনিদস্সনঅপ্পটিঘো কুসলো ধম্মো উপ্পজ্জতি হেতুপচ্চযা. নঅনিদস্সনসপ্পটিঘং নকুসলং ধম্মং পচ্চযা অনিদস্সনঅপ্পটিঘো কুসলো ধম্মো উপ্পজ্জতি হেতুপচ্চযা. নসনিদস্সনসপ্পটিঘং নকুসলঞ্চ নঅনিদস্সনসপ্পটিঘং নকুসলঞ্চ ধম্মং পচ্চযা অনিদস্সনঅপ্পটিঘো কুসলো ধম্মো উপ্পজ্জতি হেতুপচ্চযা. হেতুযা তীণি.

নসনিদস্সনসপ্পটিঘং নঅকুসলং ধম্মং পচ্চযা অনিদস্সনঅপ্পটিঘো অকুসলো ধম্মো উপ্পজ্জতি হেতুপচ্চযা… হেতুযা তীণি.

নসনিদস্সনসপ্পটিঘং নঅব্যাকতং ধম্মং পটিচ্চ সনিদস্সনসপ্পটিঘো অব্যাকতো ধম্মো উপ্পজ্জতি হেতুপচ্চযা… সত্ত.

(নঅনিদস্সনসপ্পটিঘনঅব্যাকতমূলানি সত্তমেৰ, দুকমূলানি সত্তমেৰ, সব্বং একৰীসতিমেৰ.)