১-২. কুসলত্তিক-ৰিপাকত্তিকং

৪. নকুসলং নৰিপাকং ধম্মং পটিচ্চ অব্যাকতো ৰিপাকো ধম্মো উপ্পজ্জতি হেতুপচ্চযা. একং.

নঅকুসলং নৰিপাকং ধম্মং পটিচ্চ অব্যাকতো ৰিপাকো ধম্মো উপ্পজ্জতি হেতুপচ্চযা. একং.

নকুসলং নৰিপাকঞ্চ নঅকুসলং নৰিপাকঞ্চ ধম্মং পটিচ্চ অব্যাকতো ৰিপাকো ধম্মো উপ্পজ্জতি হেতুপচ্চযা. একং. হেতুযা তীণি.

৫. নকুসলং নৰিপাকধম্মধম্মং পচ্চযা কুসলো ৰিপাকধম্মধম্মো উপ্পজ্জতি হেতুপচ্চযা. নকুসলং নৰিপাকধম্মধম্মং পচ্চযা অকুসলো ৰিপাকধম্মধম্মো উপ্পজ্জতি হেতুপচ্চযা. দ্ৰে.

নঅকুসলং নৰিপাকধম্মধম্মং পচ্চযা অকুসলো ৰিপাকধম্মধম্মো উপ্পজ্জতি হেতুপচ্চযা… দ্ৰে.

নকুসলং নৰিপাকধম্মধম্মঞ্চ নঅকুসলং নৰিপাকধম্মধম্মঞ্চ ধম্মং পচ্চযা কুসলো ৰিপাকধম্মধম্মো উপ্পজ্জতি হেতুপচ্চযা… দ্ৰে. (সংখিত্তং.) হেতুযা ছ পঞ্হা.

৬. নকুসলং ননেৰৰিপাকনৰিপাকধম্মধম্মং পটিচ্চ অব্যাকতো নেৰৰিপাকনৰিপাকধম্মধম্মো উপ্পজ্জতি হেতুপচ্চযা… হেতুযা ছ.