১-৪-৬. কুসলত্তিক-হেতুসহেতুকাদিদুকানি

৬. নকুসলং নহেতুঞ্চেৰ নঅহেতুকঞ্চ ধম্মং পটিচ্চ অকুসলো হেতু চেৰ সহেতুকো চ ধম্মো উপ্পজ্জতি হেতুপচ্চযা. নকুসলং নহেতুঞ্চেৰ নঅহেতুকঞ্চ ধম্মং পটিচ্চ অব্যাকতো হেতু চেৰ সহেতুকো চ ধম্মো উপ্পজ্জতি হেতুপচ্চযা. দ্ৰে.

(নঅকুসলে দ্ৰে, নঅব্যাকতে দ্ৰে. পঠমং গণিতকেন একং, দুতিযং গণিতকেন একং, ততিযং গণিতকেন একং, সব্বত্থ নৰ পঞ্হা.)

নকুসলং নঅহেতুকঞ্চেৰ ন চ হেতুং ধম্মং পটিচ্চ অকুসলো সহেতুকো চেৰ ন চ হেতু ধম্মো উপ্পজ্জতি হেতুপচ্চযা… হেতুযা নৰ.

৭. নকুসলং নহেতুঞ্চেৰ নহেতুৰিপ্পযুত্তঞ্চ ধম্মং পটিচ্চ অকুসলো হেতু চেৰ হেতুসম্পযুত্তো চ ধম্মো উপ্পজ্জতি হেতুপচ্চযা… হেতুযা নৰ.

নকুসলং নহেতুৰিপ্পযুত্তঞ্চেৰ ননহেতুঞ্চ ধম্মং পটিচ্চ অকুসলো হেতুসম্পযুত্তো চেৰ ন চ হেতু ধম্মো উপ্পজ্জতি হেতুপচ্চযা… হেতুযা নৰ.

৮. নকুসলং নহেতুং নসহেতুকং ধম্মং পটিচ্চ অব্যাকতো নহেতু সহেতুকো ধম্মো উপ্পজ্জতি হেতুপচ্চযা… হেতুযা তীণি.

৯. নকুসলং নহেতুং নঅহেতুকং ধম্মং পটিচ্চ অকুসলো নহেতু অহেতুকো ধম্মো উপ্পজ্জতি হেতুপচ্চযা. (১)

নঅকুসলং নহেতুং নঅহেতুকং ধম্মং পটিচ্চ অব্যাকতো নহেতু অহেতুকো ধম্মো উপ্পজ্জতি হেতুপচ্চযা. (১)

নঅব্যাকতং নহেতুং নঅহেতুকং ধম্মং পটিচ্চ অব্যাকতো নহেতু অহেতুকো ধম্মো উপ্পজ্জতি হেতুপচ্চযা. (১) (গণিতকেন তীণি পঞ্হা.)… হেতুযা ছ.