১-১. কুসলত্তিক-হেতুদুকং

১. নকুসলং নহেতুং ধম্মং পটিচ্চ অকুসলো হেতু ধম্মো উপ্পজ্জতি হেতুপচ্চযা. নকুসলং নহেতুং ধম্মং পটিচ্চ অব্যাকতো হেতু ধম্মো উপ্পজ্জতি হেতুপচ্চযা. (২)

নঅকুসলং নহেতুং ধম্মং পটিচ্চ কুসলো হেতু ধম্মো উপ্পজ্জতি হেতুপচ্চযা. নঅকুসলং নহেতুং ধম্মং পটিচ্চ অব্যাকতো হেতু ধম্মো উপ্পজ্জতি হেতুপচ্চযা. (২)

নঅব্যাকতং নহেতুং ধম্মং পটিচ্চ কুসলো হেতু ধম্মো উপ্পজ্জতি হেতুপচ্চযা. নঅব্যাকতং নহেতুং ধম্মং পটিচ্চ অকুসলো হেতু ধম্মো উপ্পজ্জতি হেতুপচ্চযা. (২)

নকুসলং নহেতুঞ্চ নঅব্যাকতং নহেতুঞ্চ ধম্মং পটিচ্চ অকুসলো হেতু ধম্মো উপ্পজ্জতি হেতুপচ্চযা. নঅকুসলং নহেতুঞ্চ নঅব্যাকতং নহেতুঞ্চ ধম্মং পটিচ্চ কুসলো হেতু ধম্মো উপ্পজ্জতি হেতুপচ্চযা. নকুসলং নহেতুঞ্চ নঅকুসলং নহেতুঞ্চ ধম্মং পটিচ্চ অব্যাকতো হেতু ধম্মো উপ্পজ্জতি হেতুপচ্চযা. তীণি. (সংখিত্তং.) হেতুযা নৰ.

২. নকুসলং ননহেতুং ধম্মং পটিচ্চ অকুসলো নহেতু ধম্মো উপ্পজ্জতি হেতুপচ্চযা. নকুসলং ননহেতুং ধম্মং পটিচ্চ অব্যাকতো নহেতু ধম্মো উপ্পজ্জতি হেতুপচ্চযা. নকুসলং ননহেতুং ধম্মং পটিচ্চ অকুসলো নহেতু চ অব্যাকতো নহেতু চ ধম্মা উপ্পজ্জন্তি হেতুপচ্চযা. তীণি.

নঅকুসলং ননহেতুং ধম্মং পটিচ্চ কুসলো নহেতু ধম্মো উপ্পজ্জতি হেতুপচ্চযা. নঅকুসলং ননহেতুং ধম্মং পটিচ্চ অব্যাকতো নহেতু ধম্মো উপ্পজ্জতি হেতুপচ্চযা. নঅকুসলং ননহেতুং ধম্মং পটিচ্চ কুসলো নহেতু চ অব্যাকতো নহেতু চ ধম্মা উপ্পজ্জন্তি হেতুপচ্চযা. তীণি.

নঅব্যাকতং ননহেতুং ধম্মং পটিচ্চ অব্যাকতো নহেতু ধম্মো উপ্পজ্জতি হেতুপচ্চযা… পঞ্চ.

নকুসলং ননহেতুঞ্চ নঅব্যাকতং ননহেতুঞ্চ ধম্মং পটিচ্চ অকুসলো নহেতু ধম্মো উপ্পজ্জতি হেতুপচ্চযা… তীণি.

নঅকুসলং ননহেতুঞ্চ নঅব্যাকতং ননহেতুঞ্চ ধম্মং পটিচ্চ কুসলো নহেতু ধম্মো উপ্পজ্জতি হেতুপচ্চযা… তীণি.

নকুসলং ননহেতুঞ্চ নঅকুসলং ননহেতুঞ্চ ধম্মং পটিচ্চ অব্যাকতো নহেতু ধম্মো উপ্পজ্জতি হেতুপচ্চযা. একং… হেতুযা অট্ঠারস.