৫৫-৬৮-২২. মহন্তরদুকাদি-সনিদস্সনত্তিকং

১০৫. নসারম্মণং নসনিদস্সনসপ্পটিঘং ধম্মং পটিচ্চ অনারম্মণো সনিদস্সনসপ্পটিঘো ধম্মো উপ্পজ্জতি হেতুপচ্চযা. একং.

নঅনারম্মণং নসনিদস্সনসপ্পটিঘং ধম্মং পটিচ্চ অনারম্মণো সনিদস্সনসপ্পটিঘো ধম্মো উপ্পজ্জতি হেতুপচ্চযা. একং. গণিতকেন তীণি.

(অনিদস্সনসপ্পটিঘে তীণিযেৰ.)

নসারম্মণং নঅনিদস্সনঅপ্পটিঘং ধম্মং পটিচ্চ অনারম্মণো অনিদস্সনঅপ্পটিঘো ধম্মো উপ্পজ্জতি হেতুপচ্চযা. হেতুযা একং.

১০৬. নোচিত্তং নসনিদস্সনসপ্পটিঘং ধম্মং পটিচ্চ নোচিত্তো সনিদস্সনসপ্পটিঘো ধম্মো উপ্পজ্জতি হেতুপচ্চযা. একং.

ননোচিত্তং নসনিদস্সনসপ্পটিঘং ধম্মং পটিচ্চ নোচিত্তো সনিদস্সনসপ্পটিঘো ধম্মো উপ্পজ্জতি হেতুপচ্চযা. একং. গণিতকেন তীণি.

১০৭. নচেতসিকং নসনিদস্সনসপ্পটিঘং ধম্মং পটিচ্চ নচেতসিকো সনিদস্সনসপ্পটিঘো ধম্মো উপ্পজ্জতি হেতুপচ্চযা… হেতুযা তীণি.

১০৮. নচিত্তসম্পযুত্তং নসনিদস্সনসপ্পটিঘং ধম্মং পটিচ্চ চিত্তৰিপ্পযুত্তো সনিদস্সনসপ্পটিঘো ধম্মো উপ্পজ্জতি হেতুপচ্চযা… হেতুযা তীণি.

১০৯. নচিত্তসংসট্ঠং নসনিদস্সনসপ্পটিঘং ধম্মং পটিচ্চ চিত্তৰিসংসট্ঠো সনিদস্সনসপ্পটিঘো ধম্মো উপ্পজ্জতি হেতুপচ্চযা… হেতুযা তীণি.

১১০. নোচিত্তসমুট্ঠানং নসনিদস্সনসপ্পটিঘং ধম্মং পটিচ্চ চিত্তসমুট্ঠানো সনিদস্সনসপ্পটিঘো ধম্মো উপ্পজ্জতি হেতুপচ্চযা. (চিত্তসমুট্ঠানরূপেনেৰ তীণি, সংখিত্তং.)

১১১. নোচিত্তসহভুং নসনিদস্সনসপ্পটিঘং ধম্মং পটিচ্চ নোচিত্তসহভূ সনিদস্সনসপ্পটিঘো ধম্মো উপ্পজ্জতি হেতুপচ্চযা… হেতুযা তীণি.

১১২. নোচিত্তানুপরিৰত্তিং নসনিদস্সনসপ্পটিঘং ধম্মং পটিচ্চ নোচিত্তানুপরিৰত্তী সনিদস্সনসপ্পটিঘো ধম্মো উপ্পজ্জতি হেতুপচ্চযা… হেতুযা তীণি.

১১৩. নোচিত্তসংসট্ঠসমুট্ঠানং নসনিদস্সনসপ্পটিঘং ধম্মং পটিচ্চ নোচিত্তসংসট্ঠসমুট্ঠানো সনিদস্সনসপ্পটিঘো ধম্মো উপ্পজ্জতি হেতুপচ্চযা… হেতুযা তীণি.

১১৪. নোচিত্তসংসট্ঠসমুট্ঠানসহভুং নসনিদস্সনসপ্পটিঘং ধম্মং পটিচ্চ নোচিত্তসংসট্ঠসমুট্ঠানসহভূ সনিদস্সনসপ্পটিঘো ধম্মো উপ্পজ্জতি হেতুপচ্চযা… হেতুযা তীণি.

১১৫. নোচিত্তসংসট্ঠসমুট্ঠানানুপরিৰত্তিং নসনিদস্সনসপ্পটিঘং ধম্মং পটিচ্চ নোচিত্তসংসট্ঠসমুট্ঠানানুপরিৰত্তী সনিদস্সনসপ্পটিঘো ধম্মো উপ্পজ্জতি হেতুপচ্চযা… হেতুযা তীণি.

১১৬. নঅজ্ঝত্তিকং নসনিদস্সনসপ্পটিঘং ধম্মং পটিচ্চ বাহিরো সনিদস্সনসপ্পটিঘো ধম্মো উপ্পজ্জতি হেতুপচ্চযা. একং.

নবাহিরং নসনিদস্সনসপ্পটিঘং ধম্মং পটিচ্চ বাহিরো সনিদস্সনসপ্পটিঘো ধম্মো উপ্পজ্জতি হেতুপচ্চযা. একং. গণিতকেন তীণি.

১১৭. নোউপাদা নসনিদস্সনসপ্পটিঘং ধম্মং পটিচ্চ উপাদা সনিদস্সনসপ্পটিঘো ধম্মো উপ্পজ্জতি হেতুপচ্চযা. হেতুযা একং.

১১৮. নউপাদিন্নং নসনিদস্সনসপ্পটিঘং ধম্মং পটিচ্চ অনুপাদিন্নো সনিদস্সনসপ্পটিঘো ধম্মো উপ্পজ্জতি হেতুপচ্চযা… হেতুযা তীণি.