২-৪-১. সহেতুকাদিদুকানি-কুসলত্তিকং

৩. নসহেতুকং নকুসলং ধম্মং পচ্চযা সহেতুকো কুসলো ধম্মো উপ্পজ্জতি হেতুপচ্চযা. হেতুযা একং.

নসহেতুকং নঅকুসলং ধম্মং পচ্চযা সহেতুকো অকুসলো ধম্মো উপ্পজ্জতি হেতুপচ্চযা. হেতুযা একং.

৪. নসহেতুকং নঅব্যাকতং ধম্মং পটিচ্চ অহেতুকো অব্যাকতো ধম্মো উপ্পজ্জতি হেতুপচ্চযা. নঅহেতুকং নঅব্যাকতং ধম্মং পটিচ্চ অহেতুকো অব্যাকতো ধম্মো উপ্পজ্জতি হেতুপচ্চযা. নসহেতুকং নঅব্যাকতঞ্চ নঅহেতুকং নঅব্যাকতঞ্চ ধম্মং পটিচ্চ অহেতুকো অব্যাকতো ধম্মো উপ্পজ্জতি হেতুপচ্চযা… হেতুযা তীণি.

৫. নহেতুসম্পযুত্তং নকুসলং ধম্মং পচ্চযা….

৬. নহেতু চেৰ নঅহেতুকো চ নকুসলো ধম্মো হেতুস্স চেৰ সহেতুকস্স চ কুসলস্স ধম্মস্স আরম্মণপচ্চযেন পচ্চযো. নহেতু চেৰ নঅহেতুকো চ নকুসলো ধম্মো সহেতুকস্স চেৰ ন চ হেতুস্স কুসলস্স ধম্মস্স আরম্মণপচ্চযেন পচ্চযো. নহেতু চেৰ নঅহেতুকো চ নকুসলো ধম্মো হেতুস্স চেৰ সহেতুকস্স কুসলস্স চ সহেতুকস্স চেৰ ন চ হেতুস্স কুসলস্স চ ধম্মস্স আরম্মণপচ্চযেন পচ্চযো. তীণি.

নঅহেতুকো চেৰ নন চ হেতু নকুসলো ধম্মো হেতুস্স চেৰ সহেতুকস্স চ কুসলস্স ধম্মস্স আরম্মণপচ্চযেন পচ্চযো… তীণি.

নহেতু চেৰ নঅহেতুকো নকুসলো চ নঅহেতুকো চেৰ ননহেতু নকুসলো চ ধম্মা হেতুস্স চেৰ সহেতুকস্স চ কুসলস্স ধম্মস্স আরম্মণপচ্চযেন পচ্চযো… তীণি. (সব্বত্থ নৰ পঞ্হা.)

৭. নহেতু চেৰ নঅহেতুকো চ নঅকুসলো ধম্মো হেতুস্স চেৰ সহেতুকস্স চ অকুসলস্স ধম্মস্স আরম্মণপচ্চযেন পচ্চযো (সংখিত্তং, নৰ পঞ্হা).

নহেতু চেৰ নঅহেতুকো চ নঅব্যাকতো ধম্মো হেতুস্স চেৰ সহেতুকস্স চ অব্যাকতস্স ধম্মস্স আরম্মণপচ্চযেন পচ্চযো… তীণি. (নৰ পঞ্হা.)