১-৭. পটিচ্চৰারাদি

১. নহেতুং ধম্মং পটিচ্চ হেতু ধম্মো উপ্পজ্জতি হেতুপচ্চযা. নহেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা. নহেতুং ধম্মং পটিচ্চ হেতু চ নহেতু চ ধম্মা উপ্পজ্জন্তি হেতুপচ্চযা. (৩)

ননহেতুং ধম্মং পটিচ্চ হেতু ধম্মো উপ্পজ্জতি হেতুপচ্চযা. ননহেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা. ননহেতুং ধম্মং পটিচ্চ হেতু চ নহেতু চ ধম্মা উপ্পজ্জন্তি হেতুপচ্চযা. (৩)

নহেতুঞ্চ ননহেতুঞ্চ ধম্মং পটিচ্চ হেতু ধম্মো উপ্পজ্জতি হেতুপচ্চযা. নহেতুঞ্চ ননহেতুঞ্চ ধম্মং পটিচ্চ নহেতু ধম্মো উপ্পজ্জতি হেতুপচ্চযা. নহেতুঞ্চ ননহেতুঞ্চ ধম্মং পটিচ্চ হেতু চ নহেতু চ ধম্মা উপ্পজ্জন্তি হেতুপচ্চযা. (৩) (সংখিত্তং.) হেতুযা নৰ, আরম্মণে নৰ…পে… অৰিগতে নৰ.

(সহজাতৰারম্পি…পে… পঞ্হাৰারম্পি ৰিত্থারেতব্বং.)

২. নসহেতুকং ধম্মং পটিচ্চ সহেতুকো ধম্মো উপ্পজ্জতি হেতুপচ্চযা. নসহেতুকং ধম্মং পটিচ্চ অহেতুকো ধম্মো উপ্পজ্জতি হেতুপচ্চযা. নসহেতুকং ধম্মং পটিচ্চ সহেতুকো চ অহেতুকো চ ধম্মা উপ্পজ্জন্তি হেতুপচ্চযা. তীণি.

নঅহেতুকং ধম্মং পটিচ্চ অহেতুকো ধম্মো উপ্পজ্জতি হেতুপচ্চযা. নঅহেতুকং ধম্মং পটিচ্চ সহেতুকো ধম্মো উপ্পজ্জতি হেতুপচ্চযা. নঅহেতুকং ধম্মং পটিচ্চ সহেতুকো চ অহেতুকো চ ধম্মা উপ্পজ্জন্তি হেতুপচ্চযা. তীণি.

নসহেতুকঞ্চ নঅহেতুকঞ্চ ধম্মং পটিচ্চ সহেতুকো ধম্মো উপ্পজ্জতি হেতুপচ্চযা. নসহেতুকঞ্চ নঅহেতুকঞ্চ ধম্মং পটিচ্চ অহেতুকো ধম্মো উপ্পজ্জতি হেতুপচ্চযা. নসহেতুকঞ্চ নঅহেতুকঞ্চ ধম্মং পটিচ্চ সহেতুকো চ অহেতুকো চ ধম্মা উপ্পজ্জন্তি হেতুপচ্চযা. তীণি. হেতুযা নৰ.

৩. নহেতুসম্পযুত্তং ধম্মং পটিচ্চ হেতুসম্পযুত্তো ধম্মো উপ্পজ্জতি হেতুপচ্চযা… হেতুযা নৰ.

৪. নহেতুঞ্চেৰ নঅহেতুকঞ্চ ধম্মং পটিচ্চ হেতু চেৰ সহেতুকো চ ধম্মো উপ্পজ্জতি হেতুপচ্চযা… হেতুযা নৰ.

৫. নহেতুঞ্চেৰ নহেতুৰিপ্পযুত্তঞ্চ ধম্মং পটিচ্চ হেতু চেৰ হেতুসম্পযুত্তো চ ধম্মো উপ্পজ্জতি হেতুপচ্চযা… হেতুযা নৰ.

৬. নহেতুং নসহেতুকং ধম্মং পটিচ্চ নহেতু সহেতুকো ধম্মো উপ্পজ্জতি হেতুপচ্চযা… হেতুযা নৰ.