১-৭. পটিচ্চৰারাদি

১৬. নদস্সনেন পহাতব্বং ধম্মং পটিচ্চ ভাৰনায পহাতব্বো ধম্মো উপ্পজ্জতি হেতুপচ্চযা. নদস্সনেন পহাতব্বং ধম্মং পটিচ্চ নেৰদস্সনেন নভাৰনায পহাতব্বো ধম্মো উপ্পজ্জতি হেতুপচ্চযা. নদস্সনেন পহাতব্বং ধম্মং পটিচ্চ ভাৰনায পহাতব্বো চ নেৰদস্সনেন নভাৰনায পহাতব্বো চ ধম্মা উপ্পজ্জন্তি হেতুপচ্চযা. তীণি.

নভাৰনায পহাতব্বং ধম্মং পটিচ্চ দস্সনেন পহাতব্বো ধম্মো উপ্পজ্জতি হেতুপচ্চযা. নভাৰনায পহাতব্বং ধম্মং পটিচ্চ নেৰদস্সনেন নভাৰনায পহাতব্বো ধম্মো উপ্পজ্জতি হেতুপচ্চযা. নভাৰনায পহাতব্বং ধম্মং পটিচ্চ দস্সনেন পহাতব্বো চ নেৰদস্সনেন নভাৰনায পহাতব্বো চ ধম্মা উপ্পজ্জন্তি হেতুপচ্চযা. তীণি.

নেৰদস্সনেন নভাৰনায পহাতব্বং ধম্মং পটিচ্চ নেৰদস্সনেন নভাৰনায পহাতব্বো ধম্মো উপ্পজ্জতি হেতুপচ্চযা. ননেৰদস্সনেন নভাৰনায পহাতব্বং ধম্মং পটিচ্চ দস্সনেন পহাতব্বো ধম্মো উপ্পজ্জতি হেতুপচ্চযা… পঞ্চ. (সংখিত্তং.) হেতুযা অট্ঠারস.