১-৩. কুসলত্তিক-উপাদিন্নত্তিকং

১২. অব্যাকতং উপাদিন্নুপাদানিযং ধম্মং পটিচ্চ নকুসলো নউপাদিন্নুপাদানিযো ধম্মো উপ্পজ্জতি হেতুপচ্চযা. অব্যাকতং উপাদিন্নুপাদানিযং ধম্মং পটিচ্চ নঅকুসলো নউপাদিন্নুপাদানিযো ধম্মো উপ্পজ্জতি হেতুপচ্চযা. অব্যাকতং উপাদিন্নুপাদানিযং ধম্মং পটিচ্চ নকুসলো নউপাদিন্নুপাদানিযো চ নঅকুসলো নউপাদিন্নুপাদানিযো চ ধম্মা উপ্পজ্জন্তি হেতুপচ্চযা. হেতুযা তীণি.

১৩. কুসলো অনুপাদিন্নুপাদানিযো ধম্মো নকুসলস্স নঅনুপাদিন্নুপাদানিযস্স ধম্মস্স আরম্মণপচ্চযেন পচ্চযো. কুসলো অনুপাদিন্নুপাদানিযো ধম্মো নঅকুসলস্স নঅনুপাদিন্নুপাদানিযস্স ধম্মস্স আরম্মণপচ্চযেন পচ্চযো. কুসলো অনুপাদিন্নুপাদানিযো ধম্মো নকুসলস্স নঅনুপাদিন্নুপাদানিযস্স চ নঅকুসলস্স নঅনুপাদিন্নুপাদানিযস্স চ ধম্মস্স আরম্মণপচ্চযেন পচ্চযো. তীণি.

অকুসলে তীণি. অব্যাকতং অনুপাদিন্নুপাদানিযে তীণিযেৰ…পে….

১৪. কুসলং অনুপাদিন্নঅনুপাদানিযং ধম্মং পটিচ্চ নকুসলো নঅনুপাদিন্নঅনুপাদানিযো ধম্মো উপ্পজ্জতি হেতুপচ্চযা… তীণি.

অব্যাকতং অনুপাদিন্নঅনুপাদানিযং ধম্মং পটিচ্চ নকুসলো নঅনুপাদিন্নঅনুপাদানিযো ধম্মো উপ্পজ্জতি হেতুপচ্চযা… তীণি. …হেতুযা ছ.