১-৫. কুসলত্তিক-হেতুহেতুসম্পযুত্তদুকং

১৩. কুসলং হেতুঞ্চেৰ হেতুসম্পযুত্তঞ্চ ধম্মং পটিচ্চ নঅকুসলো নহেতু চেৰ নহেতুৰিপ্পযুত্তো চ ধম্মো উপ্পজ্জতি হেতুপচ্চযা. কুসলং হেতুঞ্চেৰ হেতুসম্পযুত্তঞ্চ ধম্মং পটিচ্চ নঅব্যাকতো নহেতু চেৰ নহেতুৰিপ্পযুত্তো চ ধম্মো উপ্পজ্জতি হেতুপচ্চযা. কুসলং হেতুঞ্চেৰ হেতুসম্পযুত্তঞ্চ ধম্মং পটিচ্চ নঅকুসলো নহেতু চেৰ নহেতুৰিপ্পযুত্তো চ নঅব্যাকতো নহেতু চেৰ নহেতুৰিপ্পযুত্তো চ ধম্মা উপ্পজ্জন্তি হেতুপচ্চযা. তীণি.

(অকুসলং তীণি কাতব্বং, অব্যাকতং তীণি কাতব্বং.)

হেতুযা নৰ.

১৪. কুসলং হেতুসম্পযুত্তঞ্চেৰ ন চ হেতুং ধম্মং পটিচ্চ নঅকুসলো নহেতুৰিপ্পযুত্তো চেৰ ননহেতু চ ধম্মো উপ্পজ্জতি হেতুপচ্চযা. কুসলং হেতুসম্পযুত্তঞ্চেৰ ন চ হেতুং ধম্মং পটিচ্চ নঅব্যাকতো নহেতুৰিপ্পযুত্তো চেৰ ননহেতু চ ধম্মো উপ্পজ্জতি হেতুপচ্চযা. কুসলং হেতুসম্পযুত্তঞ্চেৰ ন চ হেতুং ধম্মং পটিচ্চ নঅকুসলো নহেতুৰিপ্পযুত্তো চেৰ ননহেতু চ নঅব্যাকতো নহেতুৰিপ্পযুত্তো চেৰ ননহেতু চ ধম্মা উপ্পজ্জন্তি হেতুপচ্চযা. তীণি.

অকুসলং হেতুসম্পযুত্তঞ্চেৰ ন চ হেতুং ধম্মং পটিচ্চ… তীণি. অব্যাকতং… তীণি. হেতুযা নৰ.