১-১২. কুসলত্তিক-লোকিযদুকং

২১. অব্যাকতং লোকিযং ধম্মং পচ্চযা নঅব্যাকতো নলোকিযো ধম্মো উপ্পজ্জতি হেতুপচ্চযা. অব্যাকতং লোকিযং ধম্মং পচ্চযা নকুসলো নলোকিযো ধম্মো উপ্পজ্জতি হেতুপচ্চযা. অব্যাকতং লোকিযং ধম্মং পচ্চযা নঅকুসলো নলোকিযো ধম্মো উপ্পজ্জতি হেতুপচ্চযা. অব্যাকতং লোকিযং ধম্মং পচ্চযা নঅকুসলো নলোকিযো চ নঅব্যাকতো নলোকিযো চ ধম্মা উপ্পজ্জন্তি হেতুপচ্চযা. অব্যাকতং লোকিযং ধম্মং পচ্চযা নকুসলো নলোকিযো চ নঅকুসলো নলোকিযো চ ধম্মা উপ্পজ্জন্তি হেতুপচ্চযা. হেতুযা পঞ্চ.

কুসলং লোকুত্তরং ধম্মং পটিচ্চ নকুসলো নলোকুত্তরো ধম্মো উপ্পজ্জতি হেতুপচ্চযা. কুসলং লোকুত্তরং ধম্মং পটিচ্চ নঅকুসলো নলোকুত্তরো ধম্মো উপ্পজ্জতি হেতুপচ্চযা. কুসলং লোকুত্তরং ধম্মং পটিচ্চ নকুসলো নলোকুত্তরো চ নঅকুসলো নলোকুত্তরো চ ধম্মা উপ্পজ্জন্তি হেতুপচ্চযা. তীণি.

অব্যাকতং লোকুত্তরং ধম্মং পটিচ্চ নকুসলো নলোকুত্তরো ধম্মো উপ্পজ্জতি হেতুপচ্চযা. অব্যাকতং লোকুত্তরং ধম্মং পটিচ্চ নঅকুসলো নলোকুত্তরো ধম্মো উপ্পজ্জতি হেতুপচ্চযা. অব্যাকতং লোকুত্তরং ধম্মং পটিচ্চ নকুসলো নলোকুত্তরো চ নঅকুসলো নলোকুত্তরো চ ধম্মা উপ্পজ্জন্তি হেতুপচ্চযা. তীণি.