১০০-২২. সরণদুক-সনিদস্সনত্তিকং

১০২. অরণং অনিদস্সনসপ্পটিঘং ধম্মং পটিচ্চ নসরণো নঅনিদস্সনসপ্পটিঘো ধম্মো উপ্পজ্জতি হেতুপচ্চযা. (একং.)

সরণং অনিদস্সনঅপ্পটিঘং ধম্মং পটিচ্চ নসরণো নঅনিদস্সনঅপ্পটিঘো ধম্মো উপ্পজ্জতি হেতুপচ্চযা. অরণং অনিদস্সনঅপ্পটিঘং ধম্মং পটিচ্চ নসরণো নঅনিদস্সনঅপ্পটিঘো ধম্মো উপ্পজ্জতি হেতুপচ্চযা. সরণং অনিদস্সনঅপ্পটিঘঞ্চ অরণং অনিদস্সনঅপ্পটিঘঞ্চ ধম্মং পটিচ্চ নসরণো নঅনিদস্সনঅপ্পটিঘো ধম্মো উপ্পজ্জতি হেতুপচ্চযা. (৩)

হেতুযা তীণি…পে… অৰিগতে তীণি.

নহেতু-নআরম্মণপচ্চযা

১০৩. অরণং অনিদস্সনঅপ্পটিঘং ধম্মং পটিচ্চ নসরণো নঅনিদস্সনঅপ্পটিঘো ধম্মো উপ্পজ্জতি নহেতুপচ্চযা. (১)

সরণং অনিদস্সনঅপ্পটিঘং ধম্মং পটিচ্চ নসরণো নঅনিদস্সনঅপ্পটিঘো ধম্মো উপ্পজ্জতি নআরম্মণপচ্চযা.

নহেতুযা একং, নআরম্মণে তীণি…পে… নোৰিগতে তীণি.

(সহজাতৰারম্পি…পে… সম্পযুত্তৰারম্পি পটিচ্চৰারসদিসং.)

১০৪. সরণো অনিদস্সনঅপ্পটিঘো ধম্মো নসরণস্স নঅনিদস্সনঅপ্পটিঘস্স ধম্মস্স হেতুপচ্চযেন পচ্চযো. (১)

অরণো অনিদস্সনঅপ্পটিঘো ধম্মো নসরণস্স নঅনিদস্সনঅপ্পটিঘস্স ধম্মস্স হেতুপচ্চযেন পচ্চযো. (১)

হেতুযা দ্ৰে, অধিপতিযা দ্ৰে…পে… অৰিগতে তীণি.

পচ্চনীযুদ্ধারো

১০৫. সরণো অনিদস্সনঅপ্পটিঘো ধম্মো নসরণস্স নঅনিদস্সনঅপ্পটিঘস্স ধম্মস্স সহজাতপচ্চযেন পচ্চযো, পচ্ছাজাতপচ্চযেন পচ্চযো, কম্মপচ্চযেন পচ্চযো. (সংখিত্তং.) নহেতুযা তীণি, নআরম্মণে তীণি…পে… নোঅৰিগতে তীণি.

(যথা কুসলত্তিকে পঞ্হাৰারং, এৰং ৰিত্থারেতব্বং.)

ধম্মানুলোমপচ্চনীযে দুকতিকপট্ঠানং নিট্ঠিতং.