১-৭. পটিচ্চৰারাদি

১. হেতুং কুসলং ধম্মং পটিচ্চ নহেতু নকুসলো ধম্মো উপ্পজ্জতি হেতুপচ্চযা. নহেতুং কুসলং ধম্মং পটিচ্চ ননহেতু নকুসলো ধম্মো উপ্পজ্জতি হেতুপচ্চযা. হেতুং কুসলঞ্চ নহেতুং কুসলঞ্চ ধম্মং পটিচ্চ নহেতু নকুসলো ধম্মো উপ্পজ্জতি হেতুপচ্চযা… তীণি (চিত্তসমুট্ঠানমেৰ, আরম্মণং নত্থি).

হেতুযা তীণি, অধিপতিযা তীণি…পে… অৰিগতে তীণি.

(সহজাতৰারম্পি…পে… নিস্সযৰারম্পি পটিচ্চৰারসদিসং.)

২. হেতু কুসলো ধম্মো নহেতুস্স নকুসলস্স ধম্মস্স হেতুপচ্চযেন পচ্চযো. (১)

হেতু কুসলো ধম্মো নহেতুস্স নকুসলস্স ধম্মস্স আরম্মণপচ্চযেন পচ্চযো… তীণি.

নহেতু কুসলো ধম্মো ননহেতুস্স নকুসলস্স ধম্মস্স আরম্মণপচ্চযেন পচ্চযো… তীণি.

হেতু কুসলো চ নহেতু কুসলো চ ধম্মা নহেতুস্স নকুসলস্স ধম্মস্স আরম্মণপচ্চযেন পচ্চযো… তীণি. (সংখিত্তং.)

৩. হেতুযা একং, আরম্মণে নৰ, অধিপতিযা নৰ…পে… অৰিগতে তীণি. (পঞ্হাৰারম্পি ৰিত্থারেতব্বং.)