১. পচ্চযানুলোমং

হেতুপচ্চযো

১. হেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা – হেতুং ধম্মং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং; পটিসন্ধিক্খণে…পে… হেতুং ধম্মং পটিচ্চ ননহেতু ধম্মো উপ্পজ্জতি হেতুপচ্চযা. হেতুং ধম্মং পটিচ্চ নহেতু চ ননহেতু চ ধম্মা উপ্পজ্জন্তি হেতুপচ্চযা. (৩)

নহেতুং ধম্মং পটিচ্চ ননহেতু ধম্মো উপ্পজ্জতি হেতুপচ্চযা. নহেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা. নহেতুং ধম্মং পটিচ্চ নহেতু চ ননহেতু চ ধম্মা উপ্পজ্জন্তি হেতুপচ্চযা. (৩)

হেতুঞ্চ নহেতুঞ্চ ধম্মং পটিচ্চ নহেতু ধম্মো উপ্পজ্জতি হেতুপচ্চযা. হেতুঞ্চ নহেতুঞ্চ ধম্মং পটিচ্চ ননহেতু ধম্মো উপ্পজ্জতি হেতুপচ্চযা. হেতুঞ্চ নহেতুঞ্চ ধম্মং পটিচ্চ নহেতু চ ননহেতু চ ধম্মা উপ্পজ্জন্তি হেতুপচ্চযা. (৩) (সংখিত্তং.)

হেতুযা নৰ, আরম্মণে নৰ…পে… অৰিগতে নৰ. (সহজাতৰারম্পি…পে… সম্পযুত্তৰারম্পি পটিচ্চৰারসদিসং.)

হেতু-আরম্মণপচ্চযা

২. হেতু ধম্মো নহেতুস্স ধম্মস্স হেতুপচ্চযেন পচ্চযো… তীণি.

হেতু ধম্মো নহেতুস্স ধম্মস্স আরম্মণপচ্চযেন পচ্চযো… তীণি.

নহেতু ধম্মো ননহেতুস্স ধম্মস্স আরম্মণপচ্চযেন পচ্চযো… তীণি.

হেতু চ নহেতু চ ধম্মা নহেতুস্স ধম্মস্স আরম্মণপচ্চযেন পচ্চযো… তীণি. (সংখিত্তং.)

৩. হেতুযা তীণি, আরম্মণে নৰ…পে… অৰিগতে নৰ. (পঞ্হাৰারম্পি এৰং ৰিত্থারেতব্বং.)