১-৭. পটিচ্চৰারাদি

হেতুপচ্চযো

১৩১. অনিদস্সনঅপ্পটিঘং কুসলং ধম্মং পটিচ্চ অনিদস্সনঅপ্পটিঘো কুসলো ধম্মো উপ্পজ্জতি হেতুপচ্চযা. (সব্বত্থ একং.)

অনিদস্সনঅপ্পটিঘং অকুসলং ধম্মং পটিচ্চ অনিদস্সনঅপ্পটিঘো অকুসলো ধম্মো উপ্পজ্জতি হেতুপচ্চযা. (সব্বত্থ একং.)

১৩২. অনিদস্সনসপ্পটিঘং অব্যাকতং ধম্মং পটিচ্চ অনিদস্সনসপ্পটিঘো অব্যাকতো ধম্মো উপ্পজ্জতি হেতুপচ্চযা (একং). অনিদস্সনসপ্পটিঘং অব্যাকতং ধম্মং পটিচ্চ সনিদস্সনসপ্পটিঘো অব্যাকতো ধম্মো উপ্পজ্জতি হেতুপচ্চযা (দ্ৰে). অনিদস্সনসপ্পটিঘং অব্যাকতং ধম্মং পটিচ্চ অনিদস্সনঅপ্পটিঘো অব্যাকতো ধম্মো উপ্পজ্জতি হেতুপচ্চযা (তীণি). অনিদস্সনসপ্পটিঘং অব্যাকতং ধম্মং পটিচ্চ সনিদস্সনসপ্পটিঘো অব্যাকতো চ অনিদস্সনঅপ্পটিঘো অব্যাকতো চ ধম্মা উপ্পজ্জন্তি হেতুপচ্চযা (চত্তারি). অনিদস্সনসপ্পটিঘং অব্যাকতং ধম্মং পটিচ্চ অনিদস্সনসপ্পটিঘো অব্যাকতো চ অনিদস্সনঅপ্পটিঘো অব্যাকতো চ ধম্মা উপ্পজ্জন্তি হেতুপচ্চযা (পঞ্চ). অনিদস্সনসপ্পটিঘং অব্যাকতং ধম্মং পটিচ্চ সনিদস্সনসপ্পটিঘো অব্যাকতো চ অনিদস্সনসপ্পটিঘো অব্যাকতো চ ধম্মা উপ্পজ্জন্তি হেতুপচ্চযা (ছ). অনিদস্সনসপ্পটিঘং অব্যাকতং ধম্মং পটিচ্চ সনিদস্সনসপ্পটিঘো অব্যাকতো চ অনিদস্সনসপ্পটিঘো অব্যাকতো চ অনিদস্সনঅপ্পটিঘো অব্যাকতো চ ধম্মা উপ্পজ্জন্তি হেতুপচ্চযা (সত্ত).

১৩৩. অনিদস্সনঅপ্পটিঘং অব্যাকতং ধম্মং পটিচ্চ অনিদস্সনঅপ্পটিঘো অব্যাকতো ধম্মো উপ্পজ্জতি হেতুপচ্চযা (সত্ত). অনিদস্সনঅপ্পটিঘং অব্যাকতঞ্চ অনিদস্সনসপ্পটিঘং অব্যাকতঞ্চ ধম্মং পটিচ্চ সনিদস্সনসপ্পটিঘো অব্যাকতো ধম্মো উপ্পজ্জতি হেতুপচ্চযা (সত্ত, সংখিত্তং).

১৩৪. হেতুযা একৰীস, অৰিগতে একৰীস. (সংখিত্তং.)

(সহজাতৰারম্পি…পে… পঞ্হাৰারম্পি ৰিত্থারেতব্বং.)

ধম্মানুলোমে তিকতিকপট্ঠানং নিট্ঠিতং.