১-৭. পটিচ্চৰারাদি

হেতুপচ্চযো

৯৩. অনুপাদিন্নুপাদানিযং কুসলং ধম্মং পটিচ্চ অনুপাদিন্নুপাদানিযো কুসলো ধম্মো উপ্পজ্জতি হেতুপচ্চযা.

অনুপাদিন্নঅনুপাদানিযং কুসলং ধম্মং পটিচ্চ অনুপাদিন্নঅনুপাদানিযো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা দ্ৰে. (সব্বত্থ ৰিত্থারো.)

অনুপাদিন্নুপাদানিযং অকুসলং ধম্মং পটিচ্চ অনুপাদিন্নুপাদানিযো অকুসলো ধম্মো উপ্পজ্জতি হেতুপচ্চযা. (সব্বত্থ একং. সব্বত্থ ৰিত্থারো.)

৯৪. উপাদিন্নুপাদানিযং অব্যাকতং ধম্মং পটিচ্চ উপাদিন্নুপাদানিযো অব্যাকতো ধম্মো উপ্পজ্জতি হেতুপচ্চযা… তীণি. (সব্বত্থ ৰিত্থারো.)

অনুপাদিন্নুপাদানিযং অব্যাকতং ধম্মং পটিচ্চ অনুপাদিন্নুপাদানিযো অব্যাকতো ধম্মো উপ্পজ্জতি হেতুপচ্চযা… তীণি.

অনুপাদিন্নঅনুপাদানিযং অব্যাকতং ধম্মং পটিচ্চ অনুপাদিন্নঅনুপাদানিযো অব্যাকতো ধম্মো উপ্পজ্জতি হেতুপচ্চযা. (১)

অনুপাদিন্নুপাদানিযং অব্যাকতঞ্চ অনুপাদিন্নঅনুপাদানিযং অব্যাকতঞ্চ ধম্মং পটিচ্চ অনুপাদিন্নুপাদানিযো অব্যাকতো ধম্মো উপ্পজ্জতি হেতুপচ্চযা. (১)

উপাদিন্নুপাদানিযং অব্যাকতঞ্চ অনুপাদিন্নুপাদানিযং অব্যাকতঞ্চ ধম্মং পটিচ্চ অনুপাদিন্নুপাদানিযো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা নৰ. (সব্বত্থ ৰিত্থারো.)