১-৭. পটিচ্চৰারাদি

৮৬. সুখায ৰেদনায সম্পযুত্তং কুসলং ধম্মং পটিচ্চ সুখায ৰেদনায সম্পযুত্তো কুসলো ধম্মো উপ্পজ্জতি হেতুপচ্চযা. (১)

অদুক্খমসুখায ৰেদনায সম্পযুত্তং কুসলং ধম্মং পটিচ্চ অদুক্খমসুখায ৰেদনায সম্পযুত্তো কুসলো ধম্মো উপ্পজ্জতি হেতুপচ্চযা. (১)

হেতুযা দ্ৰে…পে… অৰিগতে দ্ৰে. (সংখিত্তং.) (সহজাতৰারম্পি…পে… সম্পযুত্তৰারম্পি পটিচ্চৰারসদিসং.)

৮৭. সুখায ৰেদনায সম্পযুত্তো কুসলো ধম্মো সুখায ৰেদনায সম্পযুত্তস্স কুসলস্স ধম্মস্স হেতুপচ্চযেন পচ্চযো. (১)

অদুক্খমসুখায ৰেদনায সম্পযুত্তো কুসলো ধম্মো অদুক্খমসুখায ৰেদনায সম্পযুত্তস্স কুসলস্স ধম্মস্স হেতুপচ্চযেন পচ্চযো. (১) (সংখিত্তং.)

হেতুযা দ্ৰে, অৰিগতে দ্ৰে. (সংখিত্তং. সব্বত্থ ৰিত্থারো.)

৮৮. সুখায ৰেদনায সম্পযুত্তং অকুসলং ধম্মং পটিচ্চ সুখায ৰেদনায সম্পযুত্তো অকুসলো ধম্মো উপ্পজ্জতি হেতুপচ্চযা. (১)

দুক্খায ৰেদনায সম্পযুত্তং অকুসলং ধম্মং পটিচ্চ দুক্খায ৰেদনায সম্পযুত্তো অকুসলো ধম্মো উপ্পজ্জতি হেতুপচ্চযা. (১)

অদুক্খমসুখায ৰেদনায সম্পযুত্তং অকুসলং ধম্মং পটিচ্চ অদুক্খমসুখায ৰেদনায সম্পযুত্তো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা তীণি…পে… অৰিগতে তীণি. (সংখিত্তং. সব্বত্থ ৰিত্থারো.)

৮৯. সুখায ৰেদনায সম্পযুত্তং অব্যাকতং ধম্মং পটিচ্চ সুখায ৰেদনায সম্পযুত্তো অব্যাকতো ধম্মো উপ্পজ্জতি হেতুপচ্চযা. (১)

অদুক্খমসুখায ৰেদনায সম্পযুত্তং অব্যাকতং ধম্মং পটিচ্চ অদুক্খমসুখায ৰেদনায সম্পযুত্তো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা দ্ৰে, অৰিগতে তীণি. (সংখিত্তং.)