১-৭. পটিচ্চৰারাদি

পচ্চযচতুক্কং

৫১. কুসলং পরিত্তং ধম্মং পটিচ্চ কুসলো পরিত্তো ধম্মো উপ্পজ্জতি হেতুপচ্চযা. কুসলং পরিত্তং ধম্মং পটিচ্চ অব্যাকতো পরিত্তো ধম্মো উপ্পজ্জতি হেতুপচ্চযা. কুসলং পরিত্তং ধম্মং পটিচ্চ কুসলো পরিত্তো চ অব্যাকতো পরিত্তো চ ধম্মা উপ্পজ্জন্তি হেতুপচ্চযা. (৩)

অকুসলং পরিত্তং ধম্মং পটিচ্চ অকুসলো পরিত্তো ধম্মো উপ্পজ্জতি হেতুপচ্চযা… তীণি.

অব্যাকতং পরিত্তং ধম্মং পটিচ্চ অব্যাকতো পরিত্তো ধম্মো উপ্পজ্জতি হেতুপচ্চযা. (১)

কুসলং পরিত্তঞ্চ অব্যাকতং পরিত্তঞ্চ ধম্মং পটিচ্চ অব্যাকতো পরিত্তো ধম্মো উপ্পজ্জতি হেতুপচ্চযা. (১)

অকুসলং পরিত্তঞ্চ অব্যাকতং পরিত্তঞ্চ ধম্মং পটিচ্চ অব্যাকতো পরিত্তো ধম্মো উপ্পজ্জতি হেতুপচ্চযা. (সংখিত্তং.)

হেতুযা নৰ, আরম্মণে তীণি, অৰিগতে নৰ. (সংখিত্তং. সহজাতৰারম্পি…পে… সম্পযুত্তৰারম্পি পটিচ্চৰারসদিসং.)

৫২. কুসলো পরিত্তো ধম্মো কুসলস্স পরিত্তস্স ধম্মস্স হেতুপচ্চযেন পচ্চযো… তীণি.

অকুসলো পরিত্তো ধম্মো অকুসলস্স পরিত্তস্স ধম্মস্স হেতুপচ্চযেন পচ্চযো… তীণি.

অব্যাকতো পরিত্তো ধম্মো অব্যাকতস্স পরিত্তস্স ধম্মস্স হেতুপচ্চযেন পচ্চযো. (১)

কুসলো পরিত্তো ধম্মো কুসলস্স পরিত্তস্স ধম্মস্স আরম্মণপচ্চযেন পচ্চযো. (সংখিত্তং.)

হেতুযা সত্ত, আরম্মণে নৰ, অৰিগতে তেরস. (সংখিত্তং. যথা কুসলত্তিকে পঞ্হাৰারং এৰং ৰিত্থারেতব্বং.)

মহগ্গতাদিপদানি

হেতুপচ্চযো

৫৩. কুসলং মহগ্গতং ধম্মং পটিচ্চ কুসলো মহগ্গতো ধম্মো উপ্পজ্জতি হেতুপচ্চযা. (১)

অব্যাকতং মহগ্গতং ধম্মং পটিচ্চ অব্যাকতো মহগ্গতো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা দ্ৰে, আরম্মণে দ্ৰে, অৰিগতে দ্ৰে. (সংখিত্তং. সহজাতৰারেপি…পে… পঞ্হাৰারেপি সব্বত্থ ৰিত্থারো).

৫৪. কুসলং অপ্পমাণং ধম্মং পটিচ্চ কুসলো অপ্পমাণো ধম্মো উপ্পজ্জতি হেতুপচ্চযা. (১)

অব্যাকতং অপ্পমাণং ধম্মং পটিচ্চ অব্যাকতো অপ্পমাণো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা দ্ৰে, অৰিগতে দ্ৰে. (সংখিত্তং. সহজাতৰারেপি…পে… পঞ্হাৰারেপি সব্বত্থ ৰিত্থারো.)