১-৭. পটিচ্চৰারাদি

পচ্চযচতুক্কং

হেতুপচ্চযো

২৯. কুসলং সৰিতক্কসৰিচারং ধম্মং পটিচ্চ কুসলো সৰিতক্কসৰিচারো ধম্মো উপ্পজ্জতি হেতুপচ্চযা. (১)

অকুসলং সৰিতক্কসৰিচারং ধম্মং পটিচ্চ অকুসলো সৰিতক্কসৰিচারো ধম্মো উপ্পজ্জতি হেতুপচ্চযা. (১)

অব্যাকতং সৰিতক্কসৰিচারং ধম্মং পটিচ্চ অব্যাকতো সৰিতক্কসৰিচারো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা তীণি, আরম্মণে তীণি, অৰিগতে তীণি. (সংখিত্তং. সহজাতৰারম্পি…পে… সম্পযুত্তৰারম্পি পটিচ্চৰারসদিসং.)

৩০. কুসলো সৰিতক্কসৰিচারো ধম্মো কুসলস্স সৰিতক্কসৰিচারস্স ধম্মস্স হেতুপচ্চযেন পচ্চযো. (১)

অকুসলো সৰিতক্কসৰিচারো ধম্মো অকুসলস্স সৰিতক্কসৰিচারস্স ধম্মস্স হেতুপচ্চযেন পচ্চযো. (১)

অব্যাকতো সৰিতক্কসৰিচারো ধম্মো অব্যাকতস্স সৰিতক্কসৰিচারস্স ধম্মস্স হেতুপচ্চযেন পচ্চযো. (১) (সংখিত্তং.)

৩১. হেতুযা তীণি, আরম্মণে নৰ, অৰিগতে তীণি. (সংখিত্তং.) (যথা কুসলত্তিকে পঞ্হাৰারং এৰং ৰিত্থারেতব্বং).

৩২. কুসলং অৰিতক্কৰিচারমত্তং ধম্মং পটিচ্চ কুসলো অৰিতক্কৰিচারমত্তো ধম্মো উপ্পজ্জতি হেতুপচ্চযা. (১)

অব্যাকতং অৰিতক্কৰিচারমত্তং ধম্মং পটিচ্চ অব্যাকতো অৰিতক্কৰিচারমত্তো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা দ্ৰে, অৰিগতে দ্ৰে. (সংখিত্তং.)

(সহজাতৰারেপি…পে… সম্পযুত্তৰারেপি পঞ্হাৰারেপি সব্বত্থ ৰিত্থারো.)

৩৩. কুসলং অৰিতক্কঅৰিচারং ধম্মং পটিচ্চ কুসলো অৰিতক্কঅৰিচারো ধম্মো উপ্পজ্জতি হেতুপচ্চযা… তীণি.

অব্যাকতং অৰিতক্কঅৰিচারং ধম্মং পটিচ্চ অব্যাকতো অৰিতক্কঅৰিচারো ধম্মো উপ্পজ্জতি হেতুপচ্চযা. (১)

কুসলং অৰিতক্কঅৰিচারঞ্চ অব্যাকতং অৰিতক্কঅৰিচারঞ্চ ধম্মং পটিচ্চ অব্যাকতো অৰিতক্কঅৰিচারো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা পঞ্চ, আরম্মণে দ্ৰে, অৰিগতে পঞ্চ. (সংখিত্তং. সহজাতৰারম্পি…পে… পঞ্হাৰারম্পি ৰিত্থারেতব্বং.)