১. ৰিভঙ্গৰারো

হেতুপচ্চযো

৮৭. পরামট্ঠো চেৰ নো চ পরামাসো ধম্মো পরামট্ঠস্স চেৰ নো চ পরামাসস্স ধম্মস্স হেতুপচ্চযেন পচ্চযো – পরামট্ঠা চেৰ নো চ পরামাসা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

পরামট্ঠো চেৰ নো চ পরামাসো ধম্মো পরামাসস্স চেৰ পরামট্ঠস্স চ ধম্মস্স হেতুপচ্চযেন পচ্চযো – পরামট্ঠা চেৰ নো চ পরামাসা হেতূ পরামাসস্স হেতুপচ্চযেন পচ্চযো. (২)

পরামট্ঠো চেৰ নো চ পরামাসো ধম্মো পরামাসস্স চেৰ পরামট্ঠস্স চ পরামট্ঠস্স চেৰ নো চ পরামাসস্স চ ধম্মস্স হেতুপচ্চযেন পচ্চযো – পরামট্ঠা চেৰ নো চ পরামাসা হেতূ সম্পযুত্তকানং খন্ধানং পরামাসস্স চ চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

আরম্মণপচ্চযো

৮৮. পরামাসো চেৰ পরামট্ঠো চ ধম্মো পরামাসস্স চেৰ পরামট্ঠস্স চ ধম্মস্স আরম্মণপচ্চযেন পচ্চযো… তীণি (আরব্ভ কাতব্বানি পরামাসদুকসদিসং).

৮৯. পরামট্ঠো চেৰ নো চ পরামাসো ধম্মো পরামট্ঠস্স চেৰ নো চ পরামাসস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৰা তং পচ্চৰেক্খতি, অস্সাদেতি অভিনন্দতি, তং আরব্ভ রাগো…পে… ৰিচিকিচ্ছা, উদ্ধচ্চং, দোমনস্সং উপ্পজ্জতি, পুব্বে…পে… ঝানা…পে… অরিযা গোত্রভুং পচ্চৰেক্খন্তি, ৰোদানং পচ্চৰেক্খন্তি, পহীনে কিলেসে…পে… ৰিক্খম্ভিতে কিলেসে…পে… পুব্বে…পে… চক্খুং…পে… ৰত্থুং পরামট্ঠে চেৰ নো চ পরামাসে খন্ধে অনিচ্চতো…পে… দোমনস্সং উপ্পজ্জতি. দিব্বেন চক্খুনা রূপং পস্সতি (যাৰ আৰজ্জনা সব্বং কাতব্বং). (১)

পরামট্ঠো চেৰ নো চ পরামাসো ধম্মো পরামাসস্স চেৰ পরামট্ঠস্স চ ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৰত্থুং পরামট্ঠে চেৰ নো চ পরামাসে খন্ধে অস্সাদেতি অভিনন্দতি, তং আরব্ভ দিট্ঠি উপ্পজ্জতি. (২)

পরামট্ঠো চেৰ নো চ পরামাসো ধম্মো পরামাসস্স চেৰ পরামট্ঠস্স চ পরামট্ঠস্স চেৰ নো চ পরামাসস্স চ ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৰত্থুং পরামট্ঠে চেৰ নো চ পরামাসে খন্ধে অস্সাদেতি অভিনন্দতি, তং আরব্ভ পরামাসো চ সম্পযুত্তকা চ খন্ধা উপ্পজ্জন্তি. (৩)

(এৰং ইতরেপি তীণি আরব্ভ কাতব্বানি. ইমং দুকং পরামাসদুকসদিসং. লোকুত্তরং যহিং ন লব্ভতি তহিং ন কাতব্বং.)

পরামাসপরামট্ঠদুকং নিট্ঠিতং.