২. সঙ্খ্যাৰারো

সুদ্ধং

৮০. হেতুযা চত্তারি, আরম্মণে চত্তারি, অধিপতিযা পঞ্চ, অনন্তরে চত্তারি, সমনন্তরে চত্তারি, সহজাতে পঞ্চ, অঞ্ঞমঞ্ঞে দ্ৰে, নিস্সযে সত্ত, উপনিস্সযে চত্তারি, পুরেজাতে দ্ৰে, পচ্ছাজাতে দ্ৰে, আসেৰনে দ্ৰে, কম্মে চত্তারি, ৰিপাকে একং, আহারে চত্তারি, ইন্দ্রিযে চত্তারি, ঝানে চত্তারি, মগ্গে চত্তারি, সম্পযুত্তে দ্ৰে, ৰিপ্পযুত্তে তীণি, অত্থিযা সত্ত, নত্থিযা চত্তারি, ৰিগতে চত্তারি, অৰিগতে সত্ত.

অনুলোমং.

পচ্চনীযুদ্ধারো

৮১. পরামাসসম্পযুত্তো ধম্মো পরামাসসম্পযুত্তস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

পরামাসসম্পযুত্তো ধম্মো পরামাসৰিপ্পযুত্তস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (২)

পরামাসসম্পযুত্তো ধম্মো পরামাসসম্পযুত্তস্স চ পরামাসৰিপ্পযুত্তস্স চ ধম্মস্স সহজাতপচ্চযেন পচ্চযো. (৩)

৮২. পরামাসৰিপ্পযুত্তো ধম্মো পরামাসৰিপ্পযুত্তস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহারপচ্চযেন পচ্চযো… ইন্দ্রিযপচ্চযেন পচ্চযো. (১)

পরামাসৰিপ্পযুত্তো ধম্মো পরামাসসম্পযুত্তস্স ধম্মস্স আরম্মণপচ্চযেন পচ্চযো… উপনিস্সযপচ্চযেন পচ্চযো… পুরেজাতপচ্চযেন পচ্চযো. (২)

পরামাসসম্পযুত্তো চ পরামাসৰিপ্পযুত্তো চ ধম্মা পরামাসসম্পযুত্তস্স ধম্মস্স সহজাতং, পুরেজাতং. (১)

পরামাসসম্পযুত্তো চ পরামাসৰিপ্পযুত্তো চ ধম্মা পরামাসৰিপ্পযুত্তস্স ধম্মস্স সহজাতং, পচ্ছাজাতং, আহারং, ইন্দ্রিযং. (২)