১. ৰিভঙ্গৰারো

হেতুপচ্চযো

১০৬. সঞ্ঞোজনো চেৰ সঞ্ঞোজনসম্পযুত্তো চ ধম্মো সঞ্ঞোজনস্স চেৰ সঞ্ঞোজনসম্পযুত্তস্স চ ধম্মস্স হেতুপচ্চযেন পচ্চযো – কামরাগসঞ্ঞোজনো দিট্ঠিসঞ্ঞোজনস্স অৰিজ্জাসঞ্ঞোজনস্স হেতুপচ্চযেন পচ্চযো (চক্কং). (১)

সঞ্ঞোজনো চেৰ সঞ্ঞোজনসম্পযুত্তো চ ধম্মো সঞ্ঞোজনসম্পযুত্তস্স চেৰ নো চ সঞ্ঞোজনস্স ধম্মস্স হেতুপচ্চযেন পচ্চযো – সঞ্ঞোজনা চেৰ সঞ্ঞোজনসম্পযুত্তা চ হেতূ সম্পযুত্তকানং খন্ধানং হেতুপচ্চযেন পচ্চযো. (২)

সঞ্ঞোজনো চেৰ সঞ্ঞোজনসম্পযুত্তো চ ধম্মো সঞ্ঞোজনস্স চেৰ সঞ্ঞোজনসম্পযুত্তস্স চ সঞ্ঞোজনসম্পযুত্তস্স চেৰ নো চ সঞ্ঞোজনস্স চ ধম্মস্স হেতুপচ্চযেন পচ্চযো – কামরাগসঞ্ঞোজনো দিট্ঠিসঞ্ঞোজনস্স অৰিজ্জাসঞ্ঞোজনস্স সম্পযুত্তকানঞ্চ খন্ধানং হেতুপচ্চযেন পচ্চযো (চক্কং). (৩)

আরম্মণপচ্চযো

১০৭. সঞ্ঞোজনো চেৰ সঞ্ঞোজনসম্পযুত্তো চ ধম্মো সঞ্ঞোজনস্স চেৰ সঞ্ঞোজনসম্পযুত্তস্স চ ধম্মস্স আরম্মণপচ্চযেন পচ্চযো – সঞ্ঞোজনে আরব্ভ সঞ্ঞোজনা উপ্পজ্জন্তি. (মূলং কাতব্বং) সঞ্ঞোজনে আরব্ভ সঞ্ঞোজনসম্পযুত্তা চেৰ নো চ সঞ্ঞোজনা খন্ধা উপ্পজ্জন্তি. (মূলং কাতব্বং) সঞ্ঞোজনে আরব্ভ সঞ্ঞোজনা চ সঞ্ঞোজনসম্পযুত্তকা চ খন্ধা উপ্পজ্জন্তি. (১)

সঞ্ঞোজনসম্পযুত্তো চেৰ নো চ সঞ্ঞোজনো ধম্মো সঞ্ঞোজনসম্পযুত্তস্স চেৰ নো চ সঞ্ঞোজনস্স ধম্মস্স আরম্মণপচ্চযেন পচ্চযো – সঞ্ঞোজনসম্পযুত্তে চেৰ নো চ সঞ্ঞোজনে খন্ধে আরব্ভ সঞ্ঞোজনসম্পযুত্তা চেৰ নো চ সঞ্ঞোজনা খন্ধা উপ্পজ্জন্তি. (১)

সঞ্ঞোজনসম্পযুত্তো চেৰ নো চ সঞ্ঞোজনো ধম্মো সঞ্ঞোজনস্স চেৰ সঞ্ঞোজনসম্পযুত্তস্স চ ধম্মস্স আরম্মণপচ্চযেন পচ্চযো – সঞ্ঞোজনসম্পযুত্তে চেৰ নো চ সঞ্ঞোজনে খন্ধে আরব্ভ সঞ্ঞোজনা উপ্পজ্জন্তি. (২)

সঞ্ঞোজনসম্পযুত্তো চেৰ নো চ সঞ্ঞোজনো ধম্মো সঞ্ঞোজনস্স চেৰ সঞ্ঞোজনসম্পযুত্তস্স চ সঞ্ঞোজনসম্পযুত্তস্স চেৰ নো চ সঞ্ঞোজনস্স চ ধম্মস্স আরম্মণপচ্চযেন পচ্চযো – সঞ্ঞোজনসম্পযুত্তে চেৰ নো চ সঞ্ঞোজনে খন্ধে আরব্ভ সঞ্ঞোজনা চ সঞ্ঞোজনসম্পযুত্তকা চ খন্ধা উপ্পজ্জন্তি. (৩)

সঞ্ঞোজনো চেৰ সঞ্ঞোজনসম্পযুত্তো চ সঞ্ঞোজনসম্পযুত্তো চেৰ নো চ সঞ্ঞোজনো চ ধম্মা সঞ্ঞোজনস্স চেৰ সঞ্ঞোজনসম্পযুত্তস্স চ ধম্মস্স আরম্মণপচ্চযেন পচ্চযো… তীণি.

অধিপতিপচ্চযো

১০৮. সঞ্ঞোজনো চেৰ সঞ্ঞোজনসম্পযুত্তো চ ধম্মো সঞ্ঞোজনস্স চেৰ সঞ্ঞোজনসম্পযুত্তস্স চ ধম্মস্স অধিপতিপচ্চযেন পচ্চযো – আরম্মণাধিপতি… তীণি.

সঞ্ঞোজনসম্পযুত্তো চেৰ নো চ সঞ্ঞোজনো ধম্মো সঞ্ঞোজনসম্পযুত্তস্স চেৰ নো চ সঞ্ঞোজনস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি (ইমাসু তীসুপি পঞ্হাসু আরম্মণাধিপতিপি সহজাতাধিপতিপি কাতব্বা).

সঞ্ঞোজনো চেৰ সঞ্ঞোজনসম্পযুত্তো চ সঞ্ঞোজনসম্পযুত্তো চেৰ নো চ সঞ্ঞোজনো চ ধম্মা সঞ্ঞোজনস্স চেৰ সঞ্ঞোজনসম্পযুত্তস্স চ ধম্মস্স অধিপতিপচ্চযেন পচ্চযো – আরম্মণাধিপতি… তীণি.

অনন্তরপচ্চযাদি

১০৯. সঞ্ঞোজনো চেৰ সঞ্ঞোজনসম্পযুত্তো চ ধম্মো সঞ্ঞোজনস্স চেৰ সঞ্ঞোজনসম্পযুত্তস্স চ ধম্মস্স অনন্তরপচ্চযেন পচ্চযো… নৰ (নিন্নানাকরণং, ৰিভজনা নত্থি. আরম্মণসদিসা)… সমনন্তরপচ্চযেন পচ্চযো… নৰ… সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… নৰ… নিস্সযপচ্চযেন পচ্চযো… নৰ… উপনিস্সযপচ্চযেন পচ্চযো… নৰ (আরম্মণনযেন কাতব্বা)… আসেৰনপচ্চযেন পচ্চযো… নৰ.

কম্মপচ্চযাদি

১১০. সঞ্ঞোজনসম্পযুত্তো চেৰ নো চ সঞ্ঞোজনো ধম্মো সঞ্ঞোজনসম্পযুত্তস্স চেৰ নো চ সঞ্ঞোজনস্স ধম্মস্স কম্মপচ্চযেন পচ্চযো… তীণি… আহারপচ্চযেন পচ্চযো… তীণি… ইন্দ্রিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৰ … সম্পযুত্তপচ্চযেন পচ্চযো… নৰ… অত্থিপচ্চযেন পচ্চযো … নৰ… নত্থিপচ্চযেন পচ্চযো… নৰ… ৰিগতপচ্চযেন পচ্চযো… নৰ… অৰিগতপচ্চযেন পচ্চযো… নৰ.