১. ৰিভঙ্গৰারো

হেতুপচ্চযো

১৫. সঞ্ঞোজনো ধম্মো সঞ্ঞোজনস্স ধম্মস্স হেতুপচ্চযেন পচ্চযো – সঞ্ঞোজনা হেতূ সম্পযুত্তকানং সঞ্ঞোজনানং হেতুপচ্চযেন পচ্চযো. (১)

সঞ্ঞোজনো ধম্মো নোসঞ্ঞোজনস্স ধম্মস্স হেতুপচ্চযেন পচ্চযো – সঞ্ঞোজনা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (২)

সঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স হেতুপচ্চযেন পচ্চযো – সঞ্ঞোজনা হেতূ সম্পযুত্তকানং খন্ধানং সঞ্ঞোজনানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

১৬. নোসঞ্ঞোজনো ধম্মো নোসঞ্ঞোজনস্স ধম্মস্স হেতুপচ্চযেন পচ্চযো – নোসঞ্ঞোজনা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (১)

আরম্মণপচ্চযো

১৭. সঞ্ঞোজনো ধম্মো সঞ্ঞোজনস্স ধম্মস্স আরম্মণপচ্চযেন পচ্চযো – সঞ্ঞোজনে আরব্ভ সঞ্ঞোজনা উপ্পজ্জন্তি. (মূলং কাতব্বং) সঞ্ঞোজনে আরব্ভ নোসঞ্ঞোজনা খন্ধা উপ্পজ্জন্তি. (মূলং কাতব্বং) সঞ্ঞোজনে আরব্ভ সঞ্ঞোজনা চ সম্পযুত্তকা চ খন্ধা উপ্পজ্জন্তি. (৩)

১৮. নোসঞ্ঞোজনো ধম্মো নোসঞ্ঞোজনস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি…পে… ঝানা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং…পে… নিব্বানং পচ্চৰেক্খন্তি, নিব্বানং গোত্রভুস্স, ৰোদানস্স, মগ্গস্স, ফলস্স, আৰজ্জনায আরম্মণপচ্চযেন পচ্চযো; অরিযা নোসঞ্ঞোজনে পহীনে কিলেসে…পে… ৰিক্খম্ভিতে কিলেসে…পে… পুব্বে…পে… চক্খুং …পে… ৰত্থুং নোসঞ্ঞোজনে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন নোসঞ্ঞোজনচিত্তসমঙ্গিস্স চিত্তং জানাতি, আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… নোসঞ্ঞোজনা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নোসঞ্ঞোজনো ধম্মো সঞ্ঞোজনস্স ধম্মস্স আরম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৰত্থুং নোসঞ্ঞোজনে খন্ধে অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি. (২)

নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৰত্থুং নোসঞ্ঞোজনে খন্ধে অস্সাদেতি অভিনন্দতি, তং আরব্ভ সঞ্ঞোজনা চ সঞ্ঞোজনসম্পযুত্তকা চ খন্ধা উপ্পজ্জন্তি. (৩)

সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স আরম্মণপচ্চযেন পচ্চযো… তীণি (আরব্ভযেৰ কাতব্বা).

অধিপতিপচ্চযো

১৯. সঞ্ঞোজনো ধম্মো সঞ্ঞোজনস্স ধম্মস্স অধিপতিপচ্চযেন পচ্চযো. আরম্মণাধিপতি – সঞ্ঞোজনং গরুং কত্ৰা…পে… তীণি (গরুকারম্মণা).

নোসঞ্ঞোজনো ধম্মো নোসঞ্ঞোজনস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং…পে… তীণি (তিণ্ণম্পি আরম্মণাধিপতি, সহজাতাধিপতিপি কাতব্বা, ৰিভজিতব্বা তীণিপি).

সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স অধিপতিপচ্চযেন পচ্চযো. আরম্মণাধিপতি – সঞ্ঞোজনে চ সম্পযুত্তকে চ খন্ধে গরুং কত্ৰা…পে… তীণি.

অনন্তরপচ্চযো

২০. সঞ্ঞোজনো ধম্মো সঞ্ঞোজনস্স ধম্মস্স অনন্তরপচ্চযেন পচ্চযো – পুরিমা পুরিমা সঞ্ঞোজনা পচ্ছিমানং পচ্ছিমানং সঞ্ঞোজনানং অনন্তরপচ্চযেন পচ্চযো… তীণি.

নোসঞ্ঞোজনো ধম্মো নোসঞ্ঞোজনস্স ধম্মস্স অনন্তরপচ্চযেন পচ্চযো – পুরিমা পুরিমা নোসঞ্ঞোজনা খন্ধা পচ্ছিমানং…পে… ফলসমাপত্তিযা অনন্তরপচ্চযেন পচ্চযো. (১)

নোসঞ্ঞোজনো ধম্মো সঞ্ঞোজনস্স ধম্মস্স অনন্তরপচ্চযেন পচ্চযো – পুরিমা পুরিমা নোসঞ্ঞোজনা খন্ধা পচ্ছিমানং পচ্ছিমানং সঞ্ঞোজনানং অনন্তরপচ্চযেন পচ্চযো; আৰজ্জনা সঞ্ঞোজনানং অনন্তরপচ্চযেন পচ্চযো (এৰং দ্ৰেপি কাতব্বা). (৩)

সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স অনন্তরপচ্চযেন পচ্চযো… তীণি.

সমনন্তরপচ্চযাদি

২১. সঞ্ঞোজনো ধম্মো সঞ্ঞোজনস্স ধম্মস্স সমনন্তরপচ্চযেন পচ্চযো… নৰ… সহজাতপচ্চযেন পচ্চযো… নৰ… অঞ্ঞমঞ্ঞপচ্চযেন পচ্চযো… নৰ… নিস্সযপচ্চযেন পচ্চযো… নৰ.

উপনিস্সযপচ্চযো

২২. সঞ্ঞোজনো ধম্মো সঞ্ঞোজনস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সঞ্ঞোজনা সঞ্ঞোজনানং উপনিস্সযপচ্চযেন পচ্চযো (এৰং তীণিপি).

২৩. নোসঞ্ঞোজনো ধম্মো নোসঞ্ঞোজনস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… পঞ্ঞং, রাগং…পে… পত্থনং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

নোসঞ্ঞোজনো ধম্মো সঞ্ঞোজনস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং রাগস্স…পে… পত্থনায উপনিস্সযপচ্চযেন পচ্চযো. (২)

নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং সঞ্ঞোজনানং সম্পযুত্তকানঞ্চ খন্ধানং উপনিস্সযপচ্চযেন পচ্চযো. (৩)

সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স উপনিস্সযপচ্চযেন পচ্চযো… তীণি.

পুরেজাতপচ্চযো

২৪. নোসঞ্ঞোজনো ধম্মো নোসঞ্ঞোজনস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নোসঞ্ঞোজনানং খন্ধানং পুরেজাতপচ্চযেন পচ্চযো. (১)

নোসঞ্ঞোজনো ধম্মো সঞ্ঞোজনস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি. ৰত্থুপুরেজাতং – ৰত্থু সঞ্ঞোজনানং পুরেজাতপচ্চযেন পচ্চযো. (২)

নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি, অভিনন্দতি, তং আরব্ভ সঞ্ঞোজনা চ সম্পযুত্তকা চ খন্ধা উপ্পজ্জন্তি. ৰত্থুপুরেজাতং – ৰত্থু সঞ্ঞোজনানং সম্পযুত্তকানঞ্চ খন্ধানং পুরেজাতপচ্চযেন পচ্চযো. (৩)

পচ্ছাজাতপচ্চযো

২৫. সঞ্ঞোজনো ধম্মো নোসঞ্ঞোজনস্স ধম্মস্স পচ্ছাজাতপচ্চযেন পচ্চযো… একং.

নোসঞ্ঞোজনো ধম্মো নোসঞ্ঞোজনস্স ধম্মস্স পচ্ছাজাতপচ্চযেন পচ্চযো…পে…. (১)

সঞ্ঞোজনো চ নোসঞ্ঞোজনো চ ধম্মা নোসঞ্ঞোজনস্স ধম্মস্স পচ্ছাজাতপচ্চযেন পচ্চযো…পে…. (১)

আসেৰনপচ্চযো

২৬. সঞ্ঞোজনো ধম্মো সঞ্ঞোজনস্স ধম্মস্স আসেৰনপচ্চযেন পচ্চযো… নৰ.

কম্মপচ্চযাদি

২৭. নোসঞ্ঞোজনো ধম্মো নোসঞ্ঞোজনস্স ধম্মস্স কম্মপচ্চযেন পচ্চযো… তীণি… ৰিপাকপচ্চযেন পচ্চযো… একং… আহারপচ্চযেন পচ্চযো… তীণি… ইন্দ্রিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৰ… সম্পযুত্তপচ্চযেন পচ্চযো… নৰ.

ৰিপ্পযুত্তপচ্চযো

২৮. সঞ্ঞোজনো ধম্মো নোসঞ্ঞোজনস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (ৰিভজিতব্বং). (১)

নোসঞ্ঞোজনো ধম্মো নোসঞ্ঞোজনস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (ৰিভজিতব্বং). (১)

নোসঞ্ঞোজনো ধম্মো সঞ্ঞোজনস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু সঞ্ঞোজনানং ৰিপ্পযুত্তপচ্চযেন পচ্চযো. (২)

নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু সঞ্ঞোজনানং সম্পযুত্তকানঞ্চ খন্ধানং ৰিপ্পযুত্তপচ্চযেন পচ্চযো. (৩)

সঞ্ঞোজনো চ নোসঞ্ঞোজনো চ ধম্মা নোসঞ্ঞোজনস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (ৰিভজিতব্বং). (১)

অত্থিপচ্চযো

২৯. সঞ্ঞোজনো ধম্মো সঞ্ঞোজনস্স ধম্মস্স অত্থিপচ্চযেন পচ্চযো… একং (পটিচ্চসদিসং). (১)

সঞ্ঞোজনো ধম্মো নোসঞ্ঞোজনস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)

সঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)

৩০. নোসঞ্ঞোজনো ধম্মো নোসঞ্ঞোজনস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (সংখিত্তং). (১)

নোসঞ্ঞোজনো ধম্মো সঞ্ঞোজনস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতা – নোসঞ্ঞোজনা খন্ধা সম্পযুত্তকানং সঞ্ঞোজনানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অস্সাদেতি অভিনন্দতি, তং আরব্ভ রাগো উপ্পজ্জতি…পে… দোমনস্সং উপ্পজ্জতি, ৰত্থু সঞ্ঞোজনানং অত্থিপচ্চযেন পচ্চযো. (২)

নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – নোসঞ্ঞোজনো…পে… (সংখিত্তং, আসৰসদিসং). (৩)

৩১. সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স অত্থিপচ্চযেন পচ্চযো – সহজাতং, পুরেজাতং (আসৰসদিসং). (১)

সঞ্ঞোজনো চ নোসঞ্ঞোজনো চ ধম্মা নোসঞ্ঞোজনস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং (ৰিভজিতব্বং আসৰসদিসং). (২)

সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স চ নোসঞ্ঞোজনস্স চ ধম্মস্স অত্থিপচ্চযেন পচ্চযো – সহজাতং, পুরেজাতং (ৰিভজিতব্বং আসৰসদিসং). (৩)