১. ৰিভঙ্গৰারো

হেতুপচ্চযো

১৩৬. হেতু চেৰ সহেতুকো চ ধম্মো হেতুস্স চেৰ সহেতুকস্স চ ধম্মস্স হেতুপচ্চযেন পচ্চযো – অলোভো অদোসস্স অমোহস্স হেতুপচ্চযেন পচ্চযো (যথা পটিচ্চৰারসদিসং). (১)

হেতু চেৰ সহেতুকো চ ধম্মো সহেতুকস্স চেৰ ন চ হেতুস্স ধম্মস্স হেতুপচ্চযেন পচ্চযো – হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (২)

হেতু চেৰ সহেতুকো চ ধম্মো হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স হেতুপচ্চযেন পচ্চযো – অলোভো অদোসস্স অমোহস্স সম্পযুত্তকানঞ্চ খন্ধানং হেতুপচ্চযেন পচ্চযো (ৰিত্থারেতব্বং). (৩)

আরম্মণপচ্চযো

১৩৭. হেতু চেৰ সহেতুকো চ ধম্মো হেতুস্স চেৰ সহেতুকস্স চ ধম্মস্স আরম্মণপচ্চযেন পচ্চযো – হেতুং আরব্ভ হেতূ উপ্পজ্জন্তি. (১)

হেতু চেৰ সহেতুকো চ ধম্মো সহেতুকস্স চেৰ ন চ হেতুস্স ধম্মস্স আরম্মণপচ্চযেন পচ্চযো – হেতুং আরব্ভ সহেতুকা চেৰ ন চ হেতূ খন্ধা উপ্পজ্জন্তি. (২)

হেতু চেৰ সহেতুকো চ ধম্মো হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স আরম্মণপচ্চযেন পচ্চযো – হেতুং আরব্ভ হেতূ চ সম্পযুত্তকা চ খন্ধা উপ্পজ্জন্তি. (৩)

সহেতুকো চেৰ ন চ হেতু ধম্মো সহেতুকস্স চেৰ ন চ হেতুস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি. ঝানা ৰুট্ঠহিত্ৰা…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি. পহীনে কিলেসে…পে… ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি. সহেতুকে চেৰ ন চ হেতূ খন্ধে অনিচ্চতো…পে… দোমনস্সং উপ্পজ্জতি. চেতোপরিযঞাণেন সহেতুকা চেৰ ন চ হেতুচিত্তসমঙ্গিস্স চিত্তং জানাতি; আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… সহেতুকা চেৰ ন চ হেতূ খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো. (১)

সহেতুকো চেৰ ন চ হেতু ধম্মো হেতুস্স চেৰ সহেতুকস্স চ ধম্মস্স আরম্মণপচ্চযেন পচ্চযো – দানং দত্ৰা… (যথা পঠমগমনং এৰং নিন্নানং). (২)

সহেতুকো চেৰ ন চ হেতু ধম্মো হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স আরম্মণপচ্চযেন পচ্চযো – দানং দত্ৰা… (যথা পঠমগমনং এৰং নিন্নানং). (৩)

১৩৮. হেতু চেৰ সহেতুকো চ সহেতুকো চেৰ ন চ হেতু চ ধম্মা হেতুস্স চেৰ সহেতুকস্স চ ধম্মস্স আরম্মণপচ্চযেন পচ্চযো – হেতুঞ্চ সম্পযুত্তকে চ খন্ধে আরব্ভ হেতূ উপ্পজ্জন্তি. (১)

হেতু চেৰ সহেতুকো চ সহেতুকো চেৰ ন চ হেতু চ ধম্মা সহেতুকস্স চেৰ ন চ হেতুস্স ধম্মস্স আরম্মণপচ্চযেন পচ্চযো – হেতুঞ্চ সম্পযুত্তকে চ খন্ধে আরব্ভ সহেতুকা চেৰ ন চ হেতূ খন্ধা উপ্পজ্জন্তি. (২)

হেতু চেৰ সহেতুকো চ সহেতুকো চেৰ ন চ হেতু চ ধম্মা হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স আরম্মণপচ্চযেন পচ্চযো – হেতুঞ্চ সম্পযুত্তকে চ খন্ধে আরব্ভ হেতূ চ সম্পযুত্তকা চ খন্ধা উপ্পজ্জন্তি. (৩)

অধিপতিপচ্চযো

১৩৯. হেতু চেৰ সহেতুকো চ ধম্মো হেতুস্স চেৰ সহেতুকস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – হেতুং গরুং কত্ৰা হেতূ উপ্পজ্জন্তি. সহজাতাধিপতি – হেতু চেৰ সহেতুকাধিপতি সম্পযুত্তকানং হেতূনং অধিপতিপচ্চযেন পচ্চযো. (১)

হেতু চেৰ সহেতুকো চ ধম্মো সহেতুকস্স চেৰ ন চ হেতুস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – হেতুং গরুং কত্ৰা সহেতুকা চেৰ ন চ হেতূ খন্ধা উপ্পজ্জন্তি. সহজাতাধিপতি – হেতু চেৰ সহেতুকাধিপতি সম্পযুত্তকানং খন্ধানং অধিপতিপচ্চযেন পচ্চযো. (২)

হেতু চেৰ সহেতুকো চ ধম্মো হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – হেতুং গরুং কত্ৰা হেতূ চ সম্পযুত্তকা চ খন্ধা উপ্পজ্জন্তি. সহজাতাধিপতি – হেতু চেৰ সহেতুকাধিপতি সম্পযুত্তকানং খন্ধানং হেতূনঞ্চ অধিপতিপচ্চযেন পচ্চযো. (৩)

১৪০. সহেতুকো চেৰ ন চ হেতু ধম্মো সহেতুকস্স চেৰ ন চ হেতুস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি…পে… ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা পচ্চৰেক্খন্তি, সহেতুকে চেৰ ন চ হেতূ খন্ধে গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – সহেতুকো চেৰ ন চ হেতু অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সহেতুকো চেৰ ন চ হেতু ধম্মো হেতুস্স চেৰ সহেতুকস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা… (পঠমগমনংযেৰ). সহজাতাধিপতি – সহেতুকো চেৰ ন চ হেতু অধিপতি সম্পযুত্তকানং হেতূনং অধিপতিপচ্চযেন পচ্চযো. (২)

সহেতুকো চেৰ ন চ হেতু ধম্মো হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা… (পঠমগমনংযেৰ). সহজাতাধিপতি – সহেতুকো চেৰ ন চ হেতু অধিপতি সম্পযুত্তকানং খন্ধানং হেতূনঞ্চ অধিপতিপচ্চযেন পচ্চযো. (৩)

১৪১. হেতু চেৰ সহেতুকো চ সহেতুকো চেৰ ন চ হেতু চ ধম্মা হেতুস্স চেৰ সহেতুকস্স চ ধম্মস্স অধিপতিপচ্চযেন পচ্চযো. আরম্মণাধিপতি – হেতূ চ সম্পযুত্তকে চ খন্ধে গরুং কত্ৰা হেতূ উপ্পজ্জন্তি. (১)

হেতু চেৰ সহেতুকো চ সহেতুকো চেৰ ন চ হেতু চ ধম্মা সহেতুকস্স চেৰ ন চ হেতুস্স ধম্মস্স অধিপতিপচ্চযেন পচ্চযো. আরম্মণাধিপতি – হেতুঞ্চ সম্পযুত্তকে চ খন্ধে গরুং কত্ৰা সহেতুকা চেৰ ন চ হেতূ খন্ধা উপ্পজ্জন্তি. (২)

হেতু চেৰ সহেতুকো চ সহেতুকো চেৰ ন চ হেতু চ ধম্মা হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স অধিপতিপচ্চযেন পচ্চযো. আরম্মণাধিপতি – হেতুঞ্চ সম্পযুত্তকে চ খন্ধে গরুং কত্ৰা হেতূ চ সম্পযুত্তকা চ খন্ধা উপ্পজ্জন্তি. (৩)

অনন্তরপচ্চযো

১৪২. হেতু চেৰ সহেতুকো চ ধম্মো হেতুস্স চেৰ সহেতুকস্স চ ধম্মস্স অনন্তরপচ্চযেন পচ্চযো – পুরিমা পুরিমা হেতূ পচ্ছিমানং পচ্ছিমানং হেতূনং অনন্তরপচ্চযেন পচ্চযো. (১)

হেতু চেৰ সহেতুকো চ ধম্মো সহেতুকস্স চেৰ ন চ হেতুস্স ধম্মস্স অনন্তরপচ্চযেন পচ্চযো – পুরিমা পুরিমা হেতূ পচ্ছিমানং পচ্ছিমানং সহেতুকানঞ্চেৰ ন চ হেতূনং খন্ধানং অনন্তরপচ্চযেন পচ্চযো. (২)

হেতু চেৰ সহেতুকো চ ধম্মো হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স অনন্তরপচ্চযেন পচ্চযো – পুরিমা পুরিমা হেতূ পচ্ছিমানং পচ্ছিমানং হেতূনং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

১৪৩. সহেতুকো চেৰ ন চ হেতু ধম্মো সহেতুকস্স চেৰ ন চ হেতুস্স ধম্মস্স অনন্তরপচ্চযেন পচ্চযো – পুরিমা পুরিমা সহেতুকা চেৰ ন চ হেতূ খন্ধা পচ্ছিমানং পচ্ছিমানং সহেতুকানঞ্চেৰ ন চ হেতূনং খন্ধানং অনন্তরপচ্চযেন পচ্চযো; অনুলোমং গোত্রভুস্স… অনুলোমং ৰোদানস্স…পে… নিরোধা ৰুট্ঠহন্তস্স, নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (১)

সহেতুকো চেৰ ন চ হেতু ধম্মো হেতুস্স চেৰ সহেতুকস্স চ ধম্মস্স অনন্তরপচ্চযেন পচ্চযো – পুরিমা পুরিমা সহেতুকা চেৰ ন চ হেতূ খন্ধা পচ্ছিমানং পচ্ছিমানং হেতূনং অনন্তরপচ্চযেন পচ্চযো; অনুলোমং গোত্রভুস্স… (সংখিত্তং). (২)

সহেতুকো চেৰ ন চ হেতু ধম্মো হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স অনন্তরপচ্চযেন পচ্চযো – পুরিমা পুরিমা সহেতুকা চেৰ ন চ হেতূ খন্ধা পচ্ছিমানং পচ্ছিমানং হেতূনং সম্পযুত্তকানঞ্চ খন্ধানং অনন্তরপচ্চযেন পচ্চযো; অনুলোমং গোত্রভুস্স…পে…. (৩)

(সহেতুকো চেৰ ন চ হেতুমূলকং তীণিপি একসদিসা.)

১৪৪. হেতু চেৰ সহেতুকো চ সহেতুকো চেৰ ন চ হেতু চ ধম্মা হেতুস্স চেৰ সহেতুকস্স চ ধম্মস্স অনন্তরপচ্চযেন পচ্চযো – পুরিমা পুরিমা হেতূ চ সম্পযুত্তকা চ খন্ধা পচ্ছিমানং পচ্ছিমানং হেতূনং অনন্তরপচ্চযেন পচ্চযো. (১)

হেতু চেৰ সহেতুকো চ সহেতুকো চেৰ ন চ হেতু চ ধম্মা সহেতুকস্স চেৰ ন চ হেতুস্স ধম্মস্স অনন্তরপচ্চযেন পচ্চযো – পুরিমা পুরিমা হেতূ চ সম্পযুত্তকা চ খন্ধা পচ্ছিমানং পচ্ছিমানং সহেতুকানঞ্চেৰ ন চ হেতূনং খন্ধানং অনন্তরপচ্চযেন পচ্চযো.(২)

হেতু চেৰ সহেতুকো চ সহেতুকো চেৰ ন চ হেতু চ ধম্মা হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স অনন্তরপচ্চযেন পচ্চযো – পুরিমা পুরিমা হেতূ চ সম্পযুত্তকা চ খন্ধা পচ্ছিমানং পচ্ছিমানং হেতূনং সম্পযুত্তকানঞ্চ খন্ধানং অনন্তরপচ্চযেন পচ্চযো. (৩)

সহজাতপচ্চযাদি

১৪৫. হেতু চেৰ সহেতুকো চ ধম্মো হেতুস্স চেৰ সহেতুকস্স চ ধম্মস্স সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো (তীণিপি পচ্চযা পটিচ্চৰারে হেতুসদিসা).

উপনিস্সযপচ্চযো

১৪৬. হেতু চেৰ সহেতুকো চ ধম্মো হেতুস্স চেৰ সহেতুকস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – হেতূ হেতূনং উপনিস্সযপচ্চযেন পচ্চযো. (মূলং কাতব্বং) হেতূ সহেতুকানঞ্চেৰ ন চ হেতূনং খন্ধানং উপনিস্সযপচ্চযেন পচ্চযো. (মূলং কাতব্বং) হেতূ হেতূনং সম্পযুত্তকানঞ্চ খন্ধানং উপনিস্সযপচ্চযেন পচ্চযো (ইমেসং দ্ৰিন্নম্পি পঞ্হানং মূলানি পুচ্ছিতব্বানি).

সহেতুকো চেৰ ন চ হেতু ধম্মো সহেতুকস্স চেৰ ন চ হেতুস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি, সীলং…পে… পত্থনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… পত্থনা সদ্ধায…পে… পত্থনায মগ্গস্স ফলসমাপত্তিযা উপনিস্সযপচ্চযেন পচ্চযো. (১)

(সহেতুকো চেৰ ন চ হেতুমূলকে ইমিনাকারেন ৰিত্থারেতব্বা অৰসেসা দ্ৰে পঞ্হা.)

হেতু চেৰ সহেতুকো চ সহেতুকো চেৰ ন চ হেতু চ ধম্মা হেতুস্স চেৰ সহেতুকস্স চ ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – হেতূ চ সম্পযুত্তকা চ খন্ধা হেতূনং উপনিস্সযপচ্চযেন পচ্চযো. (দ্ৰে মূলানি পুচ্ছিতব্বানি) হেতূ চ সম্পযুত্তকা চ খন্ধা সহেতুকানঞ্চেৰ ন চ হেতূনং খন্ধানং উপনিস্সযপচ্চযেন পচ্চযো. (মূলং পুচ্ছিতব্বং) হেতূ চ সম্পযুত্তকা চ খন্ধা হেতূনং সম্পযুত্তকানঞ্চ খন্ধানং উপনিস্সযপচ্চযেন পচ্চযো. (১)

আসেৰনপচ্চযো

১৪৭. হেতু চেৰ সহেতুকো চ ধম্মো হেতুস্স চেৰ সহেতুকস্স চ ধম্মস্স আসেৰনপচ্চযেন পচ্চযো (অনন্তরসদিসং).

কম্মপচ্চযো

১৪৮. সহেতুকো চেৰ ন চ হেতু ধম্মো সহেতুকস্স চেৰ ন চ হেতুস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সহেতুকা চেৰ ন চ হেতূ চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সহেতুকা চেৰ ন চ হেতূ চেতনা ৰিপাকানং সহেতুকানঞ্চেৰ ন চ হেতূনং খন্ধানং কম্মপচ্চযেন পচ্চযো. (১)

সহেতুকো চেৰ ন চ হেতু ধম্মো হেতুস্স চেৰ সহেতুকস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সহেতুকা চেৰ ন চ হেতূ চেতনা সম্পযুত্তকানং হেতূনং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সহেতুকা চেৰ ন চ হেতূ চেতনা ৰিপাকানং হেতূনং কম্মপচ্চযেন পচ্চযো. (২)

সহেতুকো চেৰ ন চ হেতু ধম্মো হেতুস্স চেৰ সহেতুকস্স চ সহেতুকস্স চেৰ ন চ হেতুস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সহেতুকা চেৰ ন চ হেতূ চেতনা সম্পযুত্তকানং খন্ধানং হেতূনঞ্চ কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সহেতুকা চেৰ ন চ হেতূ চেতনা ৰিপাকানং খন্ধানং হেতূনঞ্চ কম্মপচ্চযেন পচ্চযো. (৩)

ৰিপাকপচ্চযো

১৪৯. হেতু চেৰ সহেতুকো চ ধম্মো হেতুস্স চেৰ সহেতুকস্স চ ধম্মস্স ৰিপাকপচ্চযেন পচ্চযো – ৰিপাকো অলোভো অদোসস্স অমোহস্স চ ৰিপাকপচ্চযেন পচ্চযো (চক্কং); পটিসন্ধিক্খণে অলোভো (যথা হেতুপচ্চযা এৰং ৰিত্থারেতব্বং, নৰপি ৰিপাকন্তি নিযামেতব্বং).

আহারপচ্চযাদি

১৫০. সহেতুকো চেৰ ন চ হেতু ধম্মো সহেতুকস্স চেৰ ন চ হেতুস্স ধম্মস্স আহারপচ্চযেন পচ্চযো… তীণি.

হেতু চেৰ সহেতুকো চ ধম্মো হেতুস্স চেৰ সহেতুকস্স চ ধম্মস্স ইন্দ্রিযপচ্চযেন পচ্চযো (ইন্দ্রিযন্তি নিযামেতব্বং, নৰপি পরিপুণ্ণং).

সহেতুকো চেৰ ন চ হেতু ধম্মো সহেতুকস্স চেৰ ন চ হেতুস্স ধম্মস্স ঝানপচ্চযেন পচ্চযো… তীণি.

হেতু চেৰ সহেতুকো চ ধম্মো হেতুস্স চেৰ সহেতুকস্স চ ধম্মস্স মগ্গপচ্চযেন পচ্চযো … সম্পযুত্তপচ্চযেন পচ্চযো… অত্থিপচ্চযেন পচ্চযো… নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো.