১. ৰিভঙ্গৰারো

হেতুপচ্চযো

১২৭. হেতুঞ্চেৰ সহেতুকঞ্চ ধম্মং পটিচ্চ হেতু চেৰ সহেতুকো চ ধম্মো উপ্পজ্জতি হেতুপচ্চযা – অলোভং পটিচ্চ অদোসো অমোহো (চক্কং). লোভং পটিচ্চ মোহো (চক্কং); পটিসন্ধিক্খণে অলোভং পটিচ্চ অদোসো অমোহো (চক্কং). (১)

হেতুঞ্চেৰ সহেতুকঞ্চ ধম্মং পটিচ্চ সহেতুকো চেৰ ন চ হেতু ধম্মো উপ্পজ্জতি হেতুপচ্চযা – হেতুং পটিচ্চ সম্পযুত্তকা খন্ধা; পটিসন্ধিক্খণে…পে…. (২)

হেতুঞ্চেৰ সহেতুকঞ্চ ধম্মং পটিচ্চ হেতু চেৰ সহেতুকো চ সহেতুকো চেৰ ন চ হেতু চ ধম্মা উপ্পজ্জন্তি হেতুপচ্চযা – অলোভং পটিচ্চ অদোসো অমোহো সম্পযুত্তকা চ খন্ধা (চক্কং). লোভং পটিচ্চ মোহো সম্পযুত্তকা চ খন্ধা (চক্কং); পটিসন্ধিক্খণে…পে…. (৩)

১২৮. সহেতুকঞ্চেৰ ন চ হেতুং ধম্মং পটিচ্চ সহেতুকো চেৰ ন চ হেতু ধম্মো উপ্পজ্জতি হেতুপচ্চযা – সহেতুকঞ্চেৰ ন চ হেতুং একং খন্ধং পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে….(১)

সহেতুকঞ্চেৰ ন চ হেতুং ধম্মং পটিচ্চ হেতু চেৰ সহেতুকো চ ধম্মো উপ্পজ্জতি হেতুপচ্চযা – সহেতুকে চেৰ ন চ হেতূ খন্ধে পটিচ্চ হেতূ; পটিসন্ধিক্খণে…পে…. (২)

সহেতুকঞ্চেৰ ন চ হেতুং ধম্মং পটিচ্চ হেতু চেৰ সহেতুকো চ সহেতুকো চেৰ ন চ হেতু চ ধম্মা উপ্পজ্জন্তি হেতুপচ্চযা – সহেতুকঞ্চেৰ ন চ হেতুং একং খন্ধং পটিচ্চ তযো খন্ধা হেতু চ…পে… দ্ৰে খন্ধে…পে… পটিসন্ধিক্খণে…পে…. (৩)

১২৯. হেতুঞ্চেৰ সহেতুকঞ্চ সহেতুকঞ্চেৰ ন চ হেতুঞ্চ ধম্মং পটিচ্চ হেতু চেৰ সহেতুকো চ ধম্মো উপ্পজ্জতি হেতুপচ্চযা – অলোভঞ্চ সম্পযুত্তকে চ খন্ধে পটিচ্চ অদোসো অমোহো (চক্কং). লোভঞ্চ সম্পযুত্তকে চ খন্ধে পটিচ্চ মোহো (চক্কং); পটিসন্ধিক্খণে…পে…. (১)

হেতুঞ্চেৰ সহেতুকঞ্চ সহেতুকঞ্চেৰ ন চ হেতুঞ্চ ধম্মং পটিচ্চ সহেতুকো চেৰ ন চ হেতু ধম্মো উপ্পজ্জতি হেতুপচ্চযা – সহেতুকঞ্চেৰ ন চ হেতুং একং খন্ধঞ্চ হেতুঞ্চ পটিচ্চ তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (২)

হেতুঞ্চেৰ সহেতুকঞ্চ সহেতুকঞ্চেৰ ন চ হেতুঞ্চ ধম্মং পটিচ্চ হেতু চেৰ সহেতুকো চ সহেতুকো চেৰ ন চ হেতু চ ধম্মা উপ্পজ্জন্তি হেতুপচ্চযা – সহেতুকঞ্চেৰ ন চ হেতুং একং খন্ধঞ্চ অলোভঞ্চ পটিচ্চ তযো খন্ধা অদোসো অমোহো চ…পে… দ্ৰে খন্ধে…পে… পটিসন্ধিক্খণে…পে…. (৩)

(সংখিত্তং. এৰং ৰিত্থারেতব্বং.)