১. ৰিভঙ্গৰারো

হেতুপচ্চযো

৯৬. সহেতুকো ধম্মো সহেতুকস্স ধম্মস্স হেতুপচ্চযেন পচ্চযো – সহেতুকা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (১)

সহেতুকো ধম্মো অহেতুকস্স ধম্মস্স হেতুপচ্চযেন পচ্চযো – সহেতুকা হেতূ চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে…পে…. (২)

সহেতুকো ধম্মো সহেতুকস্স চ অহেতুকস্স চ ধম্মস্স হেতুপচ্চযেন পচ্চযো – সহেতুকা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে…পে…. (৩)

৯৭. অহেতুকো ধম্মো অহেতুকস্স ধম্মস্স হেতুপচ্চযেন পচ্চযো – ৰিচিকিচ্ছাসহগতো উদ্ধচ্চসহগতো মোহো চিত্তসমুট্ঠানানং রূপানং হেতুপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স হেতুপচ্চযেন পচ্চযো – ৰিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং হেতুপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স হেতুপচ্চযেন পচ্চযো – ৰিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

আরম্মণপচ্চযো

৯৮. সহেতুকো ধম্মো সহেতুকস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং পচ্চৰেক্খতি. অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি. পহীনে কিলেসে…পে… ৰিক্খম্ভিতে কিলেসে…পে… পুব্বে…পে… সহেতুকে খন্ধে অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে সহেতুকো ৰিপাকো তদারম্মণতা উপ্পজ্জতি; চেতোপরিযঞাণেন সহেতুকচিত্তসমঙ্গিস্স চিত্তং জানন্তি. আকাসানঞ্চাযতনং ৰিঞ্ঞাণঞ্চাযতনস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… সহেতুকা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো; সহেতুকে খন্ধে আরব্ভ সহেতুকা খন্ধা উপ্পজ্জন্তি. (১)

সহেতুকো ধম্মো অহেতুকস্স ধম্মস্স আরম্মণপচ্চযেন পচ্চযো – সহেতুকে খন্ধে অনিচ্চতো …পে… দোমনস্সং উপ্পজ্জতি, কুসলাকুসলে নিরুদ্ধে অহেতুকো ৰিপাকো তদারম্মণতা উপ্পজ্জতি, সহেতুকে খন্ধে আরব্ভ অহেতুকা খন্ধা চ মোহো চ উপ্পজ্জন্তি. (২)

সহেতুকো ধম্মো সহেতুকস্স চ অহেতুকস্স চ ধম্মস্স আরম্মণপচ্চযেন পচ্চযো – সহেতুকে খন্ধে আরব্ভ ৰিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. (৩)

৯৯. অহেতুকো ধম্মো অহেতুকস্স ধম্মস্স আরম্মণপচ্চযেন পচ্চযো – নিব্বানং আৰজ্জনায আরম্মণপচ্চযেন পচ্চযো; চক্খুং…পে… ৰত্থুং… অহেতুকে খন্ধে চ মোহঞ্চ অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে অহেতুকো ৰিপাকো তদারম্মণতা উপ্পজ্জতি; রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… অহেতুকে খন্ধে চ মোহঞ্চ আরব্ভ অহেতুকা খন্ধা চ মোহো চ উপ্পজ্জন্তি. (১)

অহেতুকো ধম্মো সহেতুকস্স ধম্মস্স আরম্মণপচ্চযেন পচ্চযো – অরিযা নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স আরম্মণপচ্চযেন পচ্চযো. অরিযা অহেতুকে পহীনে কিলেসে পচ্চৰেক্খন্তি, ৰিক্খম্ভিতে কিলেসে…পে… পুব্বে…পে… চক্খুং…পে… ৰত্থুং…পে… অহেতুকে খন্ধে চ মোহঞ্চ অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে সহেতুকো ৰিপাকো তদারম্মণতা উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন অহেতুকচিত্তসমঙ্গিস্স চিত্তং জানন্তি; অহেতুকা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স আরম্মণপচ্চযেন পচ্চযো; অহেতুকে খন্ধে চ মোহঞ্চ আরব্ভ সহেতুকা খন্ধা উপ্পজ্জন্তি. (২)

অহেতুকো ধম্মো সহেতুকস্স চ অহেতুকস্স চ ধম্মস্স আরম্মণপচ্চযেন পচ্চযো – চক্খুং আরব্ভ ৰিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি; সোতং …পে… ৰত্থুং… অহেতুকে খন্ধে চ মোহঞ্চ আরব্ভ ৰিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. (৩)

১০০. সহেতুকো চ অহেতুকো চ ধম্মা সহেতুকস্স ধম্মস্স আরম্মণপচ্চযেন পচ্চযো – ৰিচিকিচ্ছাসহগতে উদ্ধচ্চসহগতে খন্ধে চ মোহঞ্চ আরব্ভ সহেতুকা খন্ধা উপ্পজ্জন্তি. (১)

সহেতুকো চ অহেতুকো চ ধম্মা অহেতুকস্স ধম্মস্স আরম্মণপচ্চযেন পচ্চযো – ৰিচিকিচ্ছাসহগতে উদ্ধচ্চসহগতে খন্ধে চ মোহঞ্চ আরব্ভ অহেতুকা খন্ধা চ মোহো চ উপ্পজ্জন্তি. (২)

সহেতুকো চ অহেতুকো চ ধম্মা সহেতুকস্স চ অহেতুকস্স চ ধম্মস্স আরম্মণপচ্চযেন পচ্চযো – ৰিচিকিচ্ছাসহগতে উদ্ধচ্চসহগতে খন্ধে চ মোহঞ্চ আরব্ভ ৰিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. (৩)

অধিপতিপচ্চযো

১০১. সহেতুকো ধম্মো সহেতুকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং…পে… উপোসথকম্মং কত্ৰা তং গরুং কত্ৰা পচ্চৰেক্খতি, ঝানা…পে… অরিযা মগ্গা ৰুট্ঠহিত্ৰা মগ্গং গরুং কত্ৰা…পে… ফলং…পে… সহেতুকে খন্ধে গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – সহেতুকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সহেতুকো ধম্মো অহেতুকস্স ধম্মস্স অধিপতিপচ্চযেন পচ্চযো. সহজাতাধিপতি – সহেতুকাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

সহেতুকো ধম্মো সহেতুকস্স চ অহেতুকস্স চ ধম্মস্স অধিপতিপচ্চযেন পচ্চযো. সহজাতাধিপতি – সহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

অহেতুকো ধম্মো সহেতুকস্স ধম্মস্স অধিপতিপচ্চযেন পচ্চযো. আরম্মণাধিপতি – অরিযা নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং… অহেতুকে খন্ধে গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

অনন্তরপচ্চযো

১০২. সহেতুকো ধম্মো সহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা সহেতুকা খন্ধা পচ্ছিমানং পচ্ছিমানং সহেতুকানং খন্ধানং অনন্তরপচ্চযেন পচ্চযো; অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স… মগ্গো ফলস্স… ফলং ফলস্স… অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (১)

সহেতুকো ধম্মো অহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা উদ্ধচ্চসহগতা খন্ধা পচ্ছিমস্স পচ্ছিমস্স ৰিচিকিচ্ছাসহগতস্স উদ্ধচ্চসহগতস্স মোহস্স অনন্তরপচ্চযেন পচ্চযো; সহেতুকং চুতিচিত্তং অহেতুকস্স উপপত্তিচিত্তস্স অনন্তরপচ্চযেন পচ্চযো; সহেতুকং ভৰঙ্গং আৰজ্জনায অনন্তরপচ্চযেন পচ্চযো; সহেতুকং ভৰঙ্গং অহেতুকস্স ভৰঙ্গস্স অনন্তরপচ্চযেন পচ্চযো; সহেতুকা খন্ধা অহেতুকস্স ৰুট্ঠানস্স অনন্তরপচ্চযেন পচ্চযো. (২)

সহেতুকো ধম্মো সহেতুকস্স চ অহেতুকস্স চ ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা উদ্ধচ্চসহগতা খন্ধা পচ্ছিমানং পচ্ছিমানং ৰিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তরপচ্চযেন পচ্চযো. (৩)

১০৩. অহেতুকো ধম্মো অহেতুকস্স ধম্মস্স অনন্তরপচ্চযেন পচ্চযো – পুরিমো পুরিমো ৰিচিকিচ্ছাসহগতো উদ্ধচ্চসহগতো মোহো পচ্ছিমস্স পচ্ছিমস্স ৰিচিকিচ্ছাসহগতস্স উদ্ধচ্চসহগতস্স মোহস্স অনন্তরপচ্চযেন পচ্চযো; পুরিমা পুরিমা অহেতুকা খন্ধা পচ্ছিমানং পচ্ছিমানং অহেতুকানং খন্ধানং অনন্তরপচ্চযেন পচ্চযো; আৰজ্জনা পঞ্চন্নং ৰিঞ্ঞাণানং অনন্তরপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স অনন্তরপচ্চযেন পচ্চযো – পুরিমো পুরিমো ৰিচিকিচ্ছাসহগতো উদ্ধচ্চসহগতো মোহো পচ্ছিমানং পচ্ছিমানং ৰিচিকিচ্ছাসহগতানং উদ্ধচ্চসহগতানং খন্ধানং অনন্তরপচ্চযেন পচ্চযো; অহেতুকং চুতিচিত্তং সহেতুকস্স উপপত্তিচিত্তস্স অনন্তরপচ্চযেন পচ্চযো; অহেতুকং ভৰঙ্গং সহেতুকস্স ভৰঙ্গস্স অনন্তরপচ্চযেন পচ্চযো; আৰজ্জনা সহেতুকানং খন্ধানং অনন্তরপচ্চযেন পচ্চযো; অহেতুকা খন্ধা সহেতুকস্স ৰুট্ঠানস্স অনন্তরপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স অনন্তরপচ্চযেন পচ্চযো – পুরিমো পুরিমো ৰিচিকিচ্ছাসহগতো উদ্ধচ্চসহগতো মোহো পচ্ছিমানং পচ্ছিমানং ৰিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তরপচ্চযেন পচ্চযো; আৰজ্জনা ৰিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তরপচ্চযেন পচ্চযো. (৩)

১০৪. সহেতুকো চ অহেতুকো চ ধম্মা সহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা উদ্ধচ্চসহগতা খন্ধা চ মোহো চ পচ্ছিমানং পচ্ছিমানং ৰিচিকিচ্ছাসহগতানং উদ্ধচ্চসহগতানং খন্ধানং অনন্তরপচ্চযেন পচ্চযো. (১)

সহেতুকো চ অহেতুকো চ ধম্মা অহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা উদ্ধচ্চসহগতা খন্ধা চ মোহো চ পচ্ছিমস্স পচ্ছিমস্স ৰিচিকিচ্ছাসহগতস্স উদ্ধচ্চসহগতস্স মোহস্স অনন্তরপচ্চযেন পচ্চযো; ৰিচিকিচ্ছাসহগতা উদ্ধচ্চসহগতা খন্ধা চ মোহো চ অহেতুকস্স ৰুট্ঠানস্স অনন্তরপচ্চযেন পচ্চযো. (২)

সহেতুকো চ অহেতুকো চ ধম্মা সহেতুকস্স চ অহেতুকস্স চ ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা উদ্ধচ্চসহগতা খন্ধা চ মোহো চ পচ্ছিমানং পচ্ছিমানং ৰিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তরপচ্চযেন পচ্চযো. (৩)

সহজাতপচ্চযাদি

১০৫. সহেতুকো ধম্মো সহেতুকস্স ধম্মস্স সহজাতপচ্চযেন পচ্চযো (পটিচ্চৰারে সহজাতসদিসং, ইহ ঘটনা নত্থি)… অঞ্ঞমঞ্ঞপচ্চযেন পচ্চযো (পটিচ্চৰারসদিসং)… নিস্সযপচ্চযেন পচ্চযো (পটিচ্চৰারে নিস্সযপচ্চযসদিসং, ইহ ঘটনা নত্থি).

উপনিস্সযপচ্চযো

১০৬. সহেতুকো ধম্মো সহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সহেতুকা খন্ধা সহেতুকানং খন্ধানং উপনিস্সযপচ্চযেন পচ্চযো. (১)

সহেতুকো ধম্মো অহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – সহেতুকা খন্ধা অহেতুকানং খন্ধানং মোহস্স চ উপনিস্সযপচ্চযেন পচ্চযো. (২)

সহেতুকো ধম্মো সহেতুকস্স চ অহেতুকস্স চ ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – সহেতুকা খন্ধা ৰিচিকিচ্ছাসহগতানং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

১০৭. অহেতুকো ধম্মো অহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং কাযিকস্স সুখস্স, কাযিকস্স দুক্খস্স, মোহস্স চ উপনিস্সযপচ্চযেন পচ্চযো; কাযিকং দুক্খং… উতু… ভোজনং… সেনাসনং কাযিকস্স সুখস্স, কাযিকস্স দুক্খস্স, মোহস্স চ উপনিস্সযপচ্চযেন পচ্চযো; মোহো কাযিকস্স সুখস্স, কাযিকস্স দুক্খস্স, মোহস্স চ উপনিস্সযপচ্চযেন পচ্চযো; কাযিকং সুখং… কাযিকং দুক্খং… উতু… ভোজনং, সেনাসনং, মোহো চ কাযিকস্স সুখস্স, কাযিকস্স দুক্খস্স, মোহস্স চ উপনিস্সযপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায দানং দেতি…পে… সঙ্ঘং ভিন্দতি; কাযিকং দুক্খং… উতুং… ভোজনং… সেনাসনং… মোহং উপনিস্সায দানং দেতি…পে… সঙ্ঘং ভিন্দতি; কাযিকং সুখং…পে… মোহো চ সদ্ধায…পে… পঞ্ঞায রাগস্স…পে… পত্থনায মগ্গস্স ফলসমাপত্তিযা উপনিস্সযপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং মোহো চ ৰিচিকিচ্ছাসহগতানং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

১০৮. সহেতুকো চ অহেতুকো চ ধম্মা সহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ৰিচিকিচ্ছাসহগতা উদ্ধচ্চসহগতা খন্ধা চ মোহো চ সহেতুকানং খন্ধানং উপনিস্সযপচ্চযেন পচ্চযো. (১)

সহেতুকো চ অহেতুকো চ ধম্মা অহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ৰিচিকিচ্ছাসহগতা উদ্ধচ্চসহগতা খন্ধা চ মোহো চ অহেতুকানং খন্ধানং মোহস্স চ উপনিস্সযপচ্চযেন পচ্চযো. (২)

সহেতুকো চ অহেতুকো চ ধম্মা সহেতুকস্স চ অহেতুকস্স চ ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ৰিচিকিচ্ছাসহগতা উদ্ধচ্চসহগতা খন্ধা চ মোহো চ ৰিচিকিচ্ছাসহগতানং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

পুরেজাতপচ্চযো

১০৯. অহেতুকো ধম্মো অহেতুকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি, কুসলাকুসলে নিরুদ্ধে অহেতুকো ৰিপাকো তদারম্মণতা উপ্পজ্জতি; রূপাযতনং চক্খুৰিঞ্ঞাণস্স …পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স… পুরেজাতং ৰত্থু অহেতুকানং খন্ধানং মোহস্স চ পুরেজাতপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে সহেতুকো ৰিপাকো তদারম্মণতা উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. ৰত্থুপুরেজাতং – ৰত্থু সহেতুকানং খন্ধানং পুরেজাতপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং আরব্ভ ৰিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. ৰত্থুপুরেজাতং – ৰত্থু ৰিচিকিচ্ছাসহগতানং উদ্ধচ্চসহগতানং খন্ধানং মোহস্স চ পুরেজাতপচ্চযেন পচ্চযো. (৩)

পচ্ছাজাতপচ্চযাদি

১১০. সহেতুকো ধম্মো অহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা সহেতুকা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অহেতুকো ধম্মো অহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা অহেতুকা খন্ধা চ মোহো চ পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

সহেতুকো চ অহেতুকো চ ধম্মা অহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা ৰিচিকিচ্ছাসহগতা উদ্ধচ্চসহগতা খন্ধা চ মোহো চ পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

সহেতুকো ধম্মো সহেতুকস্স ধম্মস্স আসেৰনপচ্চযেন পচ্চযো (অনন্তরসদিসং. আৰজ্জনম্পি ভৰঙ্গম্পি নত্থি, আসেৰনপচ্চযে ৰজ্জেতব্বা নৰপি ).

কম্মপচ্চযো

১১১. সহেতুকো ধম্মো সহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সহেতুকা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সহেতুকা চেতনা ৰিপাকানং সহেতুকানং খন্ধানং কম্মপচ্চযেন পচ্চযো. (১)

সহেতুকো ধম্মো অহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সহেতুকা চেতনা চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সহেতুকা চেতনা ৰিপাকানং অহেতুকানং খন্ধানং কটত্তা চ রূপানং কম্মপচ্চযেন পচ্চযো. (২)

সহেতুকো ধম্মো সহেতুকস্স চ অহেতুকস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. নানাক্খণিকা – সহেতুকা চেতনা ৰিপাকানং সহেতুকানং খন্ধানং কটত্তা চ রূপানং কম্মপচ্চযেন পচ্চযো. (৩)

অহেতুকো ধম্মো অহেতুকস্স ধম্মস্স কম্মপচ্চযেন পচ্চযো – অহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. (১)

ৰিপাকপচ্চযো

১১২. সহেতুকো ধম্মো সহেতুকস্স ধম্মস্স ৰিপাকপচ্চযেন পচ্চযো – ৰিপাকো সহেতুকো একো খন্ধো তিণ্ণন্নং খন্ধানং…পে… দ্ৰে খন্ধা…পে… পটিসন্ধিক্খণে…পে…. (১)

সহেতুকো ধম্মো অহেতুকস্স ধম্মস্স ৰিপাকপচ্চযেন পচ্চযো – ৰিপাকা সহেতুকা খন্ধা চিত্তসমুট্ঠানানং রূপানং ৰিপাকপচ্চযেন পচ্চযো; পটিসন্ধিক্খণে…পে…. (২)

সহেতুকো ধম্মো সহেতুকস্স চ অহেতুকস্স চ ধম্মস্স ৰিপাকপচ্চযেন পচ্চযো – ৰিপাকো সহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং…পে… দ্ৰে খন্ধা…পে… পটিসন্ধিক্খণে…পে…. (৩)

অহেতুকো ধম্মো অহেতুকস্স ধম্মস্স ৰিপাকপচ্চযেন পচ্চযো – ৰিপাকো অহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং…পে… দ্ৰে খন্ধা…পে… পটিসন্ধিক্খণে…পে… খন্ধা ৰত্থুস্স ৰিপাকপচ্চযেন পচ্চযো. (১)

আহারপচ্চযো

১১৩. সহেতুকো ধম্মো সহেতুকস্স ধম্মস্স আহারপচ্চযেন পচ্চযো… তীণি.

অহেতুকো ধম্মো অহেতুকস্স ধম্মস্স আহারপচ্চযেন পচ্চযো – অহেতুকা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং…পে… পটিসন্ধিক্খণে…পে… কবল়ীকারো আহারো ইমস্স কাযস্স আহারপচ্চযেন পচ্চযো. (১)

ইন্দ্রিযপচ্চযাদি

১১৪. সহেতুকো ধম্মো সহেতুকস্স ধম্মস্স ইন্দ্রিযপচ্চযেন পচ্চযো… তীণি.

অহেতুকো ধম্মো অহেতুকস্স ধম্মস্স ইন্দ্রিযপচ্চযেন পচ্চযো – অহেতুকা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং…পে… পটিসন্ধিক্খণে…পে… চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স ইন্দ্রিযপচ্চযেন পচ্চযো; রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (১)

সহেতুকো ধম্মো সহেতুকস্স ধম্মস্স ঝানপচ্চযেন পচ্চযো… তীণি.

অহেতুকো ধম্মো অহেতুকস্স ধম্মস্স ঝানপচ্চযেন পচ্চযো – অহেতুকানি ঝানঙ্গানি সম্পযুত্তকানং খন্ধানং চিত্তসমুট্ঠানানঞ্চ রূপানং…পে… পটিসন্ধিক্খণে…পে…. (১)

সহেতুকো ধম্মো সহেতুকস্স ধম্মস্স মগ্গপচ্চযেন পচ্চযো… তীণি.

সহেতুকো ধম্মো সহেতুকস্স ধম্মস্স সম্পযুত্তপচ্চযেন পচ্চযো (পটিচ্চৰারে সম্পযুত্তসদিসা ছ পঞ্হা).

ৰিপ্পযুত্তপচ্চযো

১১৫. সহেতুকো ধম্মো অহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – সহেতুকা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে সহেতুকা খন্ধা কটত্তারূপানং ৰিপ্পযুত্তপচ্চযেন পচ্চযো. পচ্ছাজাতা – সহেতুকা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অহেতুকো ধম্মো অহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – অহেতুকা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে অহেতুকা খন্ধা কটত্তারূপানং ৰিপ্পযুত্তপচ্চযেন পচ্চযো; খন্ধা ৰত্থুস্স ৰিপ্পযুত্তপচ্চযেন পচ্চযো; ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স… ৰত্থু অহেতুকানং খন্ধানং মোহস্স চ ৰিপ্পযুত্তপচ্চযেন পচ্চযো. পচ্ছাজাতা – অহেতুকা খন্ধা চ মোহো চ পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু সহেতুকানং খন্ধানং ৰিপ্পযুত্তপচ্চযেন পচ্চযো. পুরেজাতং – ৰত্থু সহেতুকানং খন্ধানং ৰিপ্পযুত্তপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু ৰিচিকিচ্ছাসহগতানং উদ্ধচ্চসহগতানং খন্ধানং মোহস্স চ ৰিপ্পযুত্তপচ্চযেন পচ্চযো. (৩)

সহেতুকো চ অহেতুকো চ ধম্মা অহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – ৰিচিকিচ্ছাসহগতা উদ্ধচ্চসহগতা খন্ধা চ মোহো চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – ৰিচিকিচ্ছাসহগতা উদ্ধচ্চসহগতা খন্ধা চ মোহো চ পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অত্থিপচ্চযো

১১৬. সহেতুকো ধম্মো সহেতুকস্স ধম্মস্স অত্থিপচ্চযেন পচ্চযো – সহেতুকো একো খন্ধো তিণ্ণন্নং খন্ধানং…পে… দ্ৰে খন্ধা…পে… পটিসন্ধিক্খণে…পে…. (১)

সহেতুকো ধম্মো অহেতুকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – সহেতুকা খন্ধা চিত্তসমুট্ঠানানং রূপানং অত্থিপচ্চযেন পচ্চযো; ৰিচিকিচ্ছাসহগতা উদ্ধচ্চসহগতা খন্ধা মোহস্স চ চিত্তসমুট্ঠানানঞ্চ রূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – সহেতুকা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

সহেতুকো ধম্মো সহেতুকস্স চ অহেতুকস্স চ ধম্মস্স অত্থিপচ্চযেন পচ্চযো – সহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো; ৰিচিকিচ্ছাসহগতো উদ্ধচ্চসহগতো একো খন্ধো তিণ্ণন্নং খন্ধানং মোহস্স চ চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে… পটিসন্ধিক্খণে সহেতুকো…পে…. (৩)

১১৭. অহেতুকো ধম্মো অহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – অহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা…পে… ৰিচিকিচ্ছাসহগতো উদ্ধচ্চসহগতো মোহো চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে…পে… (যাৰ অসঞ্ঞসত্তা কাতব্বং). পুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি, কুসলাকুসলে নিরুদ্ধে অহেতুকো ৰিপাকো তদারম্মণতা উপ্পজ্জতি; রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স অত্থিপচ্চযেন পচ্চযো; ৰত্থু অহেতুকানং খন্ধানং মোহস্স চ অত্থিপচ্চযেন পচ্চযো. পচ্ছাজাতা – অহেতুকা খন্ধা চ মোহো চ পুরেজাতস্স ইমস্স কাযস্স অত্থিপচ্চযেন পচ্চযো; কবল়ীকারো আহারো ইমস্স কাযস্স অত্থিপচ্চযেন পচ্চযো; রূপজীৰিতিন্দ্রিযং কটত্তারূপানং অত্থিপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – ৰিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং অত্থিপচ্চযেন পচ্চযো; পটিসন্ধিক্খণে ৰত্থু সহেতুকানং খন্ধানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে সহেতুকো ৰিপাকো তদারম্মণতা উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, ৰত্থু সহেতুকানং খন্ধানং অত্থিপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – ৰিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং আরব্ভ ৰিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি, ৰত্থু ৰিচিকিচ্ছাসহগতানং উদ্ধচ্চসহগতানং খন্ধানং মোহস্স চ অত্থিপচ্চযেন পচ্চযো. (৩)

১১৮. সহেতুকো চ অহেতুকো চ ধম্মা সহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – ৰিচিকিচ্ছাসহগতো উদ্ধচ্চসহগতো একো খন্ধো চ মোহো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে… পটিসন্ধিক্খণে সহেতুকো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. সহজাতো – সহেতুকো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা চ…পে…. (১)

সহেতুকো চ অহেতুকো চ ধম্মা অহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতা – সহেতুকা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো; ৰিচিকিচ্ছাসহগতা উদ্ধচ্চসহগতা খন্ধা চ মোহো চ চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে সহেতুকা খন্ধা চ মহাভূতা চ কটত্তারূপানং অত্থিপচ্চযেন পচ্চযো. সহজাতা – ৰিচিকিচ্ছাসহগতা উদ্ধচ্চসহগতা খন্ধা চ ৰত্থু চ মোহস্স অত্থিপচ্চযেন পচ্চযো. পচ্ছাজাতা – ৰিচিকিচ্ছাসহগতা উদ্ধচ্চসহগতা খন্ধা চ মোহো চ পুরেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – সহেতুকা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – সহেতুকা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

সহেতুকো চ অহেতুকো চ ধম্মা সহেতুকস্স চ অহেতুকস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – ৰিচিকিচ্ছাসহগতো উদ্ধচ্চসহগতো একো খন্ধো চ মোহো চ তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে…. সহজাতো – ৰিচিকিচ্ছাসহগতো উদ্ধচ্চসহগতো একো খন্ধো চ ৰত্থু চ তিণ্ণন্নং খন্ধানং মোহস্স চ অত্থিপচ্চযেন পচ্চযো…পে… দ্ৰে খন্ধা চ…পে…. (৩)