১. ৰিভঙ্গৰারো

হেতুপচ্চযো

৮৬. সহেতুকং ধম্মং সংসট্ঠো সহেতুকো ধম্মো উপ্পজ্জতি হেতুপচ্চযা – সহেতুকং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

অহেতুকং ধম্মং সংসট্ঠো সহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং উদ্ধচ্চসহগতং মোহং সংসট্ঠা ৰিচিকিচ্ছাসহগতা উদ্ধচ্চসহগতা খন্ধা. (১)

সহেতুকঞ্চ অহেতুকঞ্চ ধম্মং সংসট্ঠো সহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং উদ্ধচ্চসহগতং একং খন্ধঞ্চ মোহঞ্চ সংসট্ঠা তযো খন্ধা…পে… দ্ৰে খন্ধে…পে…. (১)

আরম্মণপচ্চযো

৮৭. সহেতুকং ধম্মং সংসট্ঠো সহেতুকো ধম্মো উপ্পজ্জতি আরম্মণপচ্চযা – সহেতুকং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

সহেতুকং ধম্মং সংসট্ঠো অহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতে উদ্ধচ্চসহগতে খন্ধে সংসট্ঠো ৰিচিকিচ্ছাসহগতো উদ্ধচ্চসহগতো মোহো. (২)

সহেতুকং ধম্মং সংসট্ঠো সহেতুকো চ অহেতুকো চ ধম্মা উপ্পজ্জন্তি আরম্মণপচ্চযা – ৰিচিকিচ্ছাসহগতং উদ্ধচ্চসহগতং একং খন্ধং সংসট্ঠা তযো খন্ধা মোহো চ…পে… দ্ৰে খন্ধে…পে…. (৩)

৮৮. অহেতুকং ধম্মং সংসট্ঠো অহেতুকো ধম্মো উপ্পজ্জতি আরম্মণপচ্চযা – অহেতুকং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে…. (১)

অহেতুকং ধম্মং সংসট্ঠো সহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতং উদ্ধচ্চসহগতং মোহং সংসট্ঠা ৰিচিকিচ্ছাসহগতা উদ্ধচ্চসহগতা খন্ধা. (২)

সহেতুকঞ্চ অহেতুকঞ্চ ধম্মং সংসট্ঠো সহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতং উদ্ধচ্চসহগতং একং খন্ধঞ্চ মোহঞ্চ সংসট্ঠা তযো খন্ধা…পে… দ্ৰে খন্ধে…পে…. (১)

অধিপতিপচ্চযো

৮৯. সহেতুকং ধম্মং সংসট্ঠো সহেতুকো ধম্মো উপ্পজ্জতি অধিপতিপচ্চযা – সহেতুকং একং খন্ধং সংসট্ঠা তযো খন্ধা…পে… দ্ৰে খন্ধে…পে…. (১)

অনন্তরপচ্চযাদি

৯০. সহেতুকং ধম্মং সংসট্ঠো সহেতুকো ধম্মো উপ্পজ্জতি অনন্তরপচ্চযা… সমনন্তরপচ্চযা… সহজাতপচ্চযা…পে… ৰিপাকপচ্চযা – ৰিপাকং সহেতুকং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে….

অহেতুকং ধম্মং সংসট্ঠো অহেতুকো ধম্মো উপ্পজ্জতি ৰিপাকপচ্চযা – ৰিপাকং অহেতুকং একং খন্ধং সংসট্ঠা তযো খন্ধা…পে… দ্ৰে খন্ধে…পে… পটিসন্ধিক্খণে…পে… ঝানপচ্চযা…পে… অৰিগতপচ্চযা.