১. ৰিভঙ্গৰারো

হেতুপচ্চযো

১. হেতুং ধম্মং পটিচ্চ হেতু ধম্মো উপ্পজ্জতি হেতুপচ্চযা – অলোভং পটিচ্চ অদোসো অমোহো, অদোসং পটিচ্চ অলোভো অমোহো, অমোহং পটিচ্চ অলোভো অদোসো, লোভং পটিচ্চ মোহো, মোহং পটিচ্চ লোভো, দোসং পটিচ্চ মোহো, মোহং পটিচ্চ দোসো; পটিসন্ধিক্খণে…পে…. (১)

হেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা – হেতুং ধম্মং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং; পটিসন্ধিক্খণে…পে…. (২)

হেতুং ধম্মং পটিচ্চ হেতু চ নহেতু চ ধম্মা উপ্পজ্জন্তি হেতুপচ্চযা – অলোভং পটিচ্চ অদোসো অমোহো সম্পযুত্তকা চ খন্ধা চিত্তসমুট্ঠানঞ্চ রূপং (চক্কং). লোভং পটিচ্চ মোহো সম্পযুত্তকা চ খন্ধা চিত্তসমুট্ঠানঞ্চ রূপং…পে… পটিসন্ধিক্খণে…পে…. (৩)

২. নহেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা – নহেতুং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং…পে…. (১)

নহেতুং ধম্মং পটিচ্চ হেতু ধম্মো উপ্পজ্জতি হেতুপচ্চযা – নহেতূ খন্ধে পটিচ্চ হেতূ; পটিসন্ধিক্খণে…পে… ৰত্থুং পটিচ্চ হেতূ. (২)

নহেতুং ধম্মং পটিচ্চ হেতু চ নহেতু চ ধম্মা উপ্পজ্জন্তি হেতুপচ্চযা – নহেতুং একং খন্ধং পটিচ্চ তযো খন্ধা হেতু চ চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা হেতু চ চিত্তসমুট্ঠানঞ্চ রূপং; পটিসন্ধিক্খণে…পে… পটিসন্ধিক্খণে ৰত্থুং পটিচ্চ হেতূ সম্পযুত্তকা চ খন্ধা. (৩)

৩. হেতুঞ্চ নহেতুঞ্চ ধম্মং পটিচ্চ হেতু ধম্মো উপ্পজ্জতি হেতুপচ্চযা – অলোভঞ্চ সম্পযুত্তকে চ খন্ধে পটিচ্চ অদোসো অমোহো (চক্কং). লোভঞ্চ সম্পযুত্তকে চ খন্ধে পটিচ্চ মোহো, দোসঞ্চ সম্পযুত্তকে চ খন্ধে পটিচ্চ মোহো…পে… পটিসন্ধিক্খণে…পে… অলোভঞ্চ ৰত্থুঞ্চ পটিচ্চ অদোসো অমোহো…পে…. (১)

হেতুঞ্চ নহেতুঞ্চ ধম্মং পটিচ্চ নহেতু ধম্মো উপ্পজ্জতি হেতুপচ্চযা – নহেতুং একং খন্ধঞ্চ হেতুঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ হেতুঞ্চ পটিচ্চ দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে…পে… পটিসন্ধিক্খণে ৰত্থুঞ্চ হেতুঞ্চ পটিচ্চ সম্পযুত্তকা খন্ধা. (২)

হেতুঞ্চ নহেতুঞ্চ ধম্মং পটিচ্চ হেতু চ নহেতু চ ধম্মা উপ্পজ্জন্তি হেতুপচ্চযা – নহেতুং একং খন্ধঞ্চ অলোভঞ্চ পটিচ্চ তযো খন্ধা অদোসো অমোহো চ চিত্তসমুট্ঠানঞ্চ রূপং…পে… দ্ৰে খন্ধে চ অলোভঞ্চ পটিচ্চ দ্ৰে খন্ধা অদোসো অমোহো চ চিত্তসমুট্ঠানঞ্চ রূপং (চক্কং). নহেতুং একং খন্ধঞ্চ লোভঞ্চ পটিচ্চ তযো খন্ধা মোহো চ চিত্তসমুট্ঠানঞ্চ রূপং…পে… দ্ৰে খন্ধে…পে… পটিসন্ধিক্খণে…পে… ৰত্থুঞ্চ অলোভঞ্চ পটিচ্চ অদোসো অমোহো সম্পযুত্তকা চ খন্ধা. (৩)

আরম্মণপচ্চযাদি

৪. হেতুং ধম্মং পটিচ্চ হেতু ধম্মো উপ্পজ্জতি আরম্মণপচ্চযা (রূপং ছড্ডেত্ৰা অরূপেযেৰ নৰ পঞ্হা)… অধিপতিপচ্চযা (পটিসন্ধি নত্থি, পরিপুণ্ণং) একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং রূপং উপাদারূপং… (ইমং নানং) অনন্তরপচ্চযা… সমনন্তরপচ্চযা… সহজাতপচ্চযা (সব্বে মহাভূতা যাৰ অসঞ্ঞসত্তা)… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা (দ্ৰীসুপি পটিসন্ধি নত্থি)… কম্মপচ্চযা… ৰিপাকপচ্চযা (সংখিত্তং)… অৰিগতপচ্চযা.