১. ৰিভঙ্গৰারো

আরম্মণপচ্চযো

১৭৬. নহেতু সহেতুকো ধম্মো নহেতুসহেতুকস্স ধম্মস্স আরম্মণপচ্চযেন পচ্চযো – দানং দত্ৰা সীলং…পে… উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি; ঝানং…পে… অরিযা মগ্গা ৰুট্ঠহিত্ৰা মগ্গং পচ্চৰেক্খন্তি, ফলং পচ্চৰেক্খন্তি; পহীনে কিলেসে…পে… ৰিক্খম্ভিতে কিলেসে…পে… পুব্বে…পে… নহেতূ সহেতুকে খন্ধে অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে নহেতু সহেতুকো ৰিপাকো তদারম্মণতা উপ্পজ্জতি; চেতোপরিযঞাণেন নহেতুসহেতুকচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং…পে… নহেতূ সহেতুকা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আরম্মণপচ্চযেন পচ্চযো; নহেতূ সহেতুকে খন্ধে আরব্ভ নহেতূ সহেতুকা খন্ধা উপ্পজ্জন্তি. (১)

নহেতু সহেতুকো ধম্মো নহেতুঅহেতুকস্স ধম্মস্স আরম্মণপচ্চযেন পচ্চযো – নহেতূ সহেতুকে খন্ধে অনিচ্চতো…পে… দোমনস্সং উপ্পজ্জতি, কুসলাকুসলে নিরুদ্ধে নহেতু অহেতুকো ৰিপাকো তদারম্মণতা উপ্পজ্জতি, নহেতূ সহেতুকে খন্ধে আরব্ভ নহেতূ অহেতুকা খন্ধা উপ্পজ্জন্তি. (২)

১৭৭. নহেতু অহেতুকো ধম্মো নহেতুঅহেতুকস্স ধম্মস্স আরম্মণপচ্চযেন পচ্চযো – নিব্বানং আৰজ্জনায আরম্মণপচ্চযেন পচ্চযো; চক্খুং…পে… ৰত্থুং… নহেতূ অহেতুকে খন্ধে অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে নহেতু অহেতুকো ৰিপাকো তদারম্মণতা উপ্পজ্জতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… নহেতূ অহেতুকে খন্ধে আরব্ভ নহেতূ অহেতুকা খন্ধা উপ্পজ্জন্তি. (১)

নহেতু অহেতুকো ধম্মো নহেতুসহেতুকস্স ধম্মস্স আরম্মণপচ্চযেন পচ্চযো – অরিযা নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স আরম্মণপচ্চযেন পচ্চযো; চক্খুং…পে… ৰত্থুং… নহেতূ অহেতুকে খন্ধে অনিচ্চতো …পে… দোমনস্সং উপ্পজ্জতি; কুসলাকুসলে নিরুদ্ধে নহেতু সহেতুকো ৰিপাকো তদারম্মণতা উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. চেতোপরিযঞাণেন নহেতুঅহেতুকচিত্তসমঙ্গিস্স চিত্তং জানাতি. নহেতূ অহেতুকা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আরম্মণপচ্চযেন পচ্চযো; নহেতূ অহেতুকে খন্ধে আরব্ভ নহেতূ সহেতুকা খন্ধা উপ্পজ্জন্তি. (২)

অধিপতিপচ্চযো

১৭৮. নহেতু সহেতুকো ধম্মো নহেতুসহেতুকস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি, ঝানং…পে… অরিযা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ফলং গরুং কত্ৰা পচ্চৰেক্খন্তি. নহেতূ সহেতুকে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সহজাতাধিপতি – নহেতুসহেতুকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

নহেতু সহেতুকো ধম্মো নহেতুঅহেতুকস্স ধম্মস্স অধিপতিপচ্চযেন পচ্চযো. সহজাতাধিপতি – নহেতু সহেতুকাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

নহেতু সহেতুকো ধম্মো নহেতুসহেতুকস্স চ নহেতুঅহেতুকস্স চ ধম্মস্স অধিপতিপচ্চযেন পচ্চযো. সহজাতাধিপতি – নহেতু সহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

নহেতু অহেতুকো ধম্মো নহেতুসহেতুকস্স ধম্মস্স অধিপতিপচ্চযেন পচ্চযো. আরম্মণাধিপতি – অরিযা নিব্বানং গরুং কত্ৰা পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৰত্থুং… নহেতূ অহেতুকে খন্ধে গরুং কত্ৰা অস্সাদেতি অভিনন্দতি, তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (১)

অনন্তরপচ্চযো

১৭৯. নহেতু সহেতুকো ধম্মো নহেতুসহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা নহেতূ সহেতুকা খন্ধা পচ্ছিমানং পচ্ছিমানং নহেতুসহেতুকানং খন্ধানং অনন্তরপচ্চযেন পচ্চযো; অনুলোমং গোত্রভুস্স…পে… নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (১)

নহেতু সহেতুকো ধম্মো নহেতুঅহেতুকস্স ধম্মস্স অনন্তরপচ্চযেন পচ্চযো – নহেতু সহেতুকং চুতিচিত্তং নহেতুঅহেতুকস্স উপপত্তিচিত্তস্স অনন্তরপচ্চযেন পচ্চযো; নহেতু সহেতুকং ভৰঙ্গং আৰজ্জনায, নহেতু সহেতুকং ভৰঙ্গং নহেতুঅহেতুকস্স ভৰঙ্গস্স, নহেতূ সহেতুকা খন্ধা নহেতুঅহেতুকস্স ৰুট্ঠানস্স অনন্তরপচ্চযেন পচ্চযো. (২)

নহেতু অহেতুকো ধম্মো নহেতুঅহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা নহেতূ অহেতুকা খন্ধা পচ্ছিমানং পচ্ছিমানং নহেতুঅহেতুকানং খন্ধানং অনন্তরপচ্চযেন পচ্চযো; আৰজ্জনা পঞ্চন্নং ৰিঞ্ঞাণানং অনন্তরপচ্চযেন পচ্চযো. (১)

নহেতু অহেতুকো ধম্মো নহেতুসহেতুকস্স ধম্মস্স অনন্তরপচ্চযেন পচ্চযো – নহেতু অহেতুকং চুতিচিত্তং নহেতুসহেতুকস্স উপপত্তিচিত্তস্স অনন্তরপচ্চযেন পচ্চযো; আৰজ্জনা নহেতুসহেতুকানং খন্ধানং অনন্তরপচ্চযেন পচ্চযো; নহেতূ অহেতুকা খন্ধা নহেতুসহেতুকস্স ৰুট্ঠানস্স অনন্তরপচ্চযেন পচ্চযো. (২)

সমনন্তরপচ্চযাদি

১৮০. নহেতু সহেতুকো ধম্মো নহেতুসহেতুকস্স ধম্মস্স সমনন্তরপচ্চযেন পচ্চযো… সহজাতপচ্চযেন পচ্চযো (ইহ ঘটনা নত্থি, সত্ত পঞ্হা)… অঞ্ঞমঞ্ঞপচ্চযেন পচ্চযো (ছ পঞ্হা)… নিস্সযপচ্চযেন পচ্চযো (পৰত্তিপটিসন্ধি সত্ত পঞ্হা, ইহ ঘটনা নত্থি).

উপনিস্সযপচ্চযো

১৮১. নহেতু সহেতুকো ধম্মো নহেতুসহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… মানং জপ্পেতি, দিট্ঠিং গণ্হাতি; সীলং…পে… পত্থনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… পত্থনা সদ্ধায…পে… পত্থনায মগ্গস্স ফলসমাপত্তিযা উপনিস্সযপচ্চযেন পচ্চযো. (১)

নহেতু সহেতুকো ধম্মো নহেতুঅহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধা কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো; সীলং…পে… পত্থনা কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো; সদ্ধা…পে… পত্থনা কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. (২)

১৮২. নহেতু অহেতুকো ধম্মো নহেতুঅহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো; কাযিকং দুক্খং… উতু… ভোজনং… সেনাসনং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো; কাযিকং সুখং… কাযিকং দুক্খং… উতু… ভোজনং… সেনাসনং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. (১)

নহেতু অহেতুকো ধম্মো নহেতুসহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায দানং দেতি…পে… সঙ্ঘং ভিন্দতি; কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি; কাযিকং সুখং …পে… সেনাসনং সদ্ধায…পে… পত্থনায মগ্গস্স ফলসমাপত্তিযা উপনিস্সযপচ্চযেন পচ্চযো. (২)

পুরেজাতপচ্চযো

১৮৩. নহেতু অহেতুকো ধম্মো নহেতুঅহেতুকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে নহেতু অহেতুকো ৰিপাকো তদারম্মণতা উপ্পজ্জতি; রূপাযতনং চক্খুৰিঞ্ঞাণস্স পুরেজাতপচ্চযেন পচ্চযো…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স… ৰত্থু নহেতুঅহেতুকানং খন্ধানং পুরেজাতপচ্চযেন পচ্চযো. (১)

নহেতু অহেতুকো ধম্মো নহেতুসহেতুকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি, কুসলাকুসলে নিরুদ্ধে নহেতু সহেতুকো ৰিপাকো তদারম্মণতা উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. ৰত্থুপুরেজাতং – ৰত্থু নহেতুসহেতুকানং খন্ধানং পুরেজাতপচ্চযেন পচ্চযো. (২)

পচ্ছাজাতপচ্চযো

১৮৪. নহেতু সহেতুকো ধম্মো নহেতুঅহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা নহেতূ সহেতুকা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নহেতু অহেতুকো ধম্মো নহেতুঅহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা নহেতূ অহেতুকা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

১৮৫. নহেতু সহেতুকো ধম্মো নহেতুসহেতুকস্স ধম্মস্স আসেৰনপচ্চযেন পচ্চযো – পুরিমা পুরিমা নহেতূ সহেতুকা খন্ধা পচ্ছিমানং পচ্ছিমানং নহেতুসহেতুকানং খন্ধানং আসেৰনপচ্চযেন পচ্চযো… অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

নহেতু অহেতুকো ধম্মো নহেতুঅহেতুকস্স ধম্মস্স আসেৰনপচ্চযেন পচ্চযো – পুরিমা পুরিমা নহেতূ অহেতুকা খন্ধা পচ্ছিমানং পচ্ছিমানং নহেতুঅহেতুকানং খন্ধানং আসেৰনপচ্চযেন পচ্চযো. (১)

কম্মপচ্চযো

১৮৬. নহেতু সহেতুকো ধম্মো নহেতুসহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নহেতু সহেতুকা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নহেতু সহেতুকা চেতনা ৰিপাকানং নহেতুসহেতুকানং খন্ধানং কম্মপচ্চযেন পচ্চযো. (১)

নহেতু সহেতুকো ধম্মো নহেতুঅহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নহেতু সহেতুকা চেতনা চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নহেতু সহেতুকা চেতনা ৰিপাকানং নহেতুঅহেতুকানং খন্ধানং কটত্তা চ রূপানং কম্মপচ্চযেন পচ্চযো. (১)

নহেতু সহেতুকো ধম্মো নহেতুসহেতুকস্স চ নহেতুঅহেতুকস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নহেতু সহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নহেতু সহেতুকা চেতনা ৰিপাকানং নহেতুসহেতুকানং খন্ধানং কটত্তা চ রূপানং কম্মপচ্চযেন পচ্চযো. (১)

নহেতু অহেতুকো ধম্মো নহেতুঅহেতুকস্স ধম্মস্স কম্মপচ্চযেন পচ্চযো. সহজাতা – নহেতু অহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে নহেতু অহেতুকা চেতনা সম্পযুত্তকানং খন্ধানং কটত্তা চ রূপানং কম্মপচ্চযেন পচ্চযো. (১)

ৰিপাকপচ্চযো

১৮৭. নহেতু সহেতুকো ধম্মো নহেতুসহেতুকস্স ধম্মস্স ৰিপাকপচ্চযেন পচ্চযো… তীণি.

নহেতু অহেতুকো ধম্মো নহেতুঅহেতুকস্স ধম্মস্স ৰিপাকপচ্চযেন পচ্চযো… একং.

আহারপচ্চযো

১৮৮. নহেতু সহেতুকো ধম্মো নহেতুসহেতুকস্স ধম্মস্স আহারপচ্চযেন পচ্চযো… তীণি.

নহেতু অহেতুকো ধম্মো নহেতুঅহেতুকস্স ধম্মস্স আহারপচ্চযেন পচ্চযো – নহেতু অহেতুকা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো; পটিসন্ধিক্খণে…পে… কবল়ীকারো আহারো ইমস্স কাযস্স আহারপচ্চযেন পচ্চযো. (১)

ইন্দ্রিযপচ্চযো

১৮৯. নহেতু সহেতুকো ধম্মো নহেতুসহেতুকস্স ধম্মস্স ইন্দ্রিযপচ্চযেন পচ্চযো… তীণি.

নহেতু অহেতুকো ধম্মো নহেতুঅহেতুকস্স ধম্মস্স ইন্দ্রিযপচ্চযেন পচ্চযো – নহেতু অহেতুকা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো; পটিসন্ধিক্খণে…পে… রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো.

ঝানপচ্চযাদি

১৯০. নহেতু সহেতুকো ধম্মো নহেতুসহেতুকস্স ধম্মস্স ঝানপচ্চযেন পচ্চযো…পে… (চত্তারিপি কাতব্বানি), মগ্গপচ্চযেন পচ্চযো… তীণি.

সম্পযুত্তপচ্চযো

১৯১. নহেতু সহেতুকো ধম্মো নহেতুসহেতুকস্স ধম্মস্স সম্পযুত্তপচ্চযেন পচ্চযো – নহেতু সহেতুকো একো খন্ধো তিণ্ণন্নং খন্ধানং…পে… পটিসন্ধিক্খণে…পে…. (১)

নহেতু অহেতুকো ধম্মো নহেতুঅহেতুকস্স ধম্মস্স সম্পযুত্তপচ্চযেন পচ্চযো – নহেতু অহেতুকো একো খন্ধো তিণ্ণন্নং খন্ধানং…পে… পটিসন্ধিক্খণে…পে…. (২)

ৰিপ্পযুত্তপচ্চযো

১৯২. নহেতু সহেতুকো ধম্মো নহেতুঅহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – নহেতূ সহেতুকা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – নহেতূ সহেতুকা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

নহেতু অহেতুকো ধম্মো নহেতুঅহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – নহেতূ অহেতুকা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে…পে… খন্ধা ৰত্থুস্স ৰিপ্পযুত্তপচ্চযেন পচ্চযো; ৰত্থু খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নহেতুসহেতুকানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – নহেতূ অহেতুকা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

নহেতু অহেতুকো ধম্মো নহেতুসহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু নহেতুসহেতুকানং খন্ধানং ৰিপ্পযুত্তপচ্চযেন পচ্চযো. পুরেজাতং – ৰত্থু নহেতুসহেতুকানং খন্ধানং ৰিপ্পযুত্তপচ্চযেন পচ্চযো. (২)

অত্থিপচ্চযো

১৯৩. নহেতু সহেতুকো ধম্মো নহেতুসহেতুকস্স ধম্মস্স অত্থিপচ্চযেন পচ্চযো – নহেতু সহেতুকো একো খন্ধো তিণ্ণন্নং খন্ধানং…পে… পটিসন্ধিক্খণে…পে…. (১)

নহেতু সহেতুকো ধম্মো নহেতুঅহেতুকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং…পে…. (২)

নহেতু সহেতুকো ধম্মো নহেতুসহেতুকস্স চ নহেতুঅহেতুকস্স চ ধম্মস্স অত্থিপচ্চযেন পচ্চযো – নহেতু সহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… পটিসন্ধিক্খণে…পে…. (৩)

নহেতু অহেতুকো ধম্মো নহেতুঅহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – নহেতু অহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… (যাৰ অসঞ্ঞসত্তা). পুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি; কুসলাকুসলে নিরুদ্ধে নহেতু অহেতুকো ৰিপাকো তদারম্মণতা উপ্পজ্জতি; রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং…পে… কাযাযতনং…পে… ৰত্থু নহেতুঅহেতুকানং খন্ধানং অত্থিপচ্চযেন পচ্চযো. পচ্ছাজাতা – নহেতূ অহেতুকা খন্ধা পুরেজাতস্স…পে… কবল়ীকারো আহারো ইমস্স কাযস্স…পে… রূপজীৰিতিন্দ্রিযং কটত্তারূপানং অত্থিপচ্চযেন পচ্চযো. (১)

নহেতু অহেতুকো ধম্মো নহেতুসহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু নহেতুসহেতুকানং খন্ধানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অনিচ্চতো…পে… দোমনস্সং উপ্পজ্জতি, কুসলাকুসলে নিরুদ্ধে নহেতু সহেতুকো ৰিপাকো তদারম্মণতা উপ্পজ্জতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি. ৰত্থুপুরেজাতং – ৰত্থু নহেতুসহেতুকানং খন্ধানং অত্থিপচ্চযেন পচ্চযো. (২)

১৯৪. নহেতু সহেতুকো চ নহেতু অহেতুকো চ ধম্মা নহেতুসহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – নহেতু সহেতুকো একো খন্ধো চ ৰত্থু চ তিণ্ণন্নং খন্ধানং…পে… পটিসন্ধিক্খণে…পে… নহেতু সহেতুকো একো খন্ধো চ ৰত্থু চ তিণ্ণন্নং খন্ধানং…পে…. (১)

নহেতু সহেতুকো চ নহেতু অহেতুকো চ ধম্মা নহেতুঅহেতুকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – নহেতূ সহেতুকা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – নহেতূ সহেতুকা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – নহেতূ সহেতুকা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো…পে…. (২)