১. ৰিভঙ্গৰারো

হেতুপচ্চযো

৭৫. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স হেতুপচ্চযেন পচ্চযো – দস্সনেন পহাতব্বহেতুকা হেতূ সম্পযুত্তকানং খন্ধানং হেতুপচ্চযেন পচ্চযো. (১)

দস্সনেন পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স হেতুপচ্চযেন পচ্চযো – দস্সনেন পহাতব্বহেতুকা হেতূ চিত্তসমুট্ঠানানং রূপানং হেতুপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স হেতুপচ্চযেন পচ্চযো – দস্সনেন পহাতব্বহেতুকা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

ভাৰনায পহাতব্বহেতুকো ধম্মো… তীণি.

৭৬. নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স হেতুপচ্চযেন পচ্চযো…পে….

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স হেতুপচ্চযেন পচ্চযো – ৰিচিকিচ্ছাসহগতো মোহো সম্পযুত্তকানং খন্ধানং হেতুপচ্চযেন পচ্চযো. (২)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স হেতুপচ্চযেন পচ্চযো – উদ্ধচ্চসহগতো মোহো সম্পযুত্তকানং খন্ধানং হেতুপচ্চযেন পচ্চযো. (৩)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স হেতুপচ্চযেন পচ্চযো – ৰিচিকিচ্ছাসহগতো মোহো সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৪)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স হেতুপচ্চযেন পচ্চযো – উদ্ধচ্চসহগতো মোহো সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৫)

আরম্মণপচ্চযো

৭৭. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আরম্মণপচ্চযেন পচ্চযো – দস্সনেন পহাতব্বহেতুকং রাগং অস্সাদেতি অভিনন্দতি; তং আরব্ভ দস্সনেন পহাতব্বহেতুকো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি. দিট্ঠিং অস্সাদেতি অভিনন্দতি; তং আরব্ভ দস্সনেন পহাতব্বহেতুকো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি. ৰিচিকিচ্ছং আরব্ভ ৰিচিকিচ্ছা উপ্পজ্জতি, দিট্ঠি উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি. দস্সনেন পহাতব্বহেতুকং দোমনস্সং আরব্ভ দস্সনেন পহাতব্বহেতুকং দোমনস্সং উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি. (১)

দস্সনেন পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো – অরিযা দস্সনেন পহাতব্বহেতুকে পহীনে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি, দস্সনেন পহাতব্বহেতুকে খন্ধে অনিচ্চতো…পে… চেতোপরিযঞাণেন…পে… দস্সনেন পহাতব্বহেতুকা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স অনাগতংসঞাণস্স, আৰজ্জনায মোহস্স চ আরম্মণপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স আরম্মণপচ্চযেন পচ্চযো – দস্সনেন পহাতব্বহেতুকে খন্ধে আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. (৩)

৭৮. ভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো – ভাৰনায পহাতব্বহেতুকং রাগং অস্সাদেতি অভিনন্দতি; তং আরব্ভ ভাৰনায পহাতব্বহেতুকো রাগো উপ্পজ্জতি, উদ্ধচ্চং উপ্পজ্জতি, ভাৰনায পহাতব্বহেতুকং দোমনস্সং উপ্পজ্জতি. উদ্ধচ্চং আরব্ভ উদ্ধচ্চং উপ্পজ্জতি, ভাৰনায পহাতব্বহেতুকং দোমনস্সং উপ্পজ্জতি. ভাৰনায পহাতব্বহেতুকং দোমনস্সং আরব্ভ ভাৰনায পহাতব্বহেতুকং দোমনস্সং উপ্পজ্জতি, উদ্ধচ্চং উপ্পজ্জতি. (১)

ভাৰনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আরম্মণপচ্চযেন পচ্চযো – ভাৰনায পহাতব্বহেতুকং রাগং অস্সাদেতি অভিনন্দতি; তং আরব্ভ দস্সনেন পহাতব্বহেতুকো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি. উদ্ধচ্চং আরব্ভ দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি. ভাৰনায পহাতব্বহেতুকং দোমনস্সং আরব্ভ দস্সনেন পহাতব্বহেতুকং দোমনস্সং উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি. (২)

ভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো – অরিযা ভাৰনায পহাতব্বহেতুকে পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি, ভাৰনায পহাতব্বহেতুকে খন্ধে অনিচ্চতো…পে… চেতোপরিযঞাণেন…পে… ভাৰনায পহাতব্বহেতুকা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায মোহস্স চ আরম্মণপচ্চযেন পচ্চযো. (৩)

ভাৰনায পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স আরম্মণপচ্চযেন পচ্চযো – ভাৰনায পহাতব্বহেতুকে খন্ধে আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. (৪)

ভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স আরম্মণপচ্চযেন পচ্চযো – ভাৰনায পহাতব্বহেতুকে খন্ধে আরব্ভ উদ্ধচ্চসহগতা খন্ধা চ মোহো চ উপ্পজ্জন্তি. (৫)

৭৯. নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো – দানং দত্ৰা…(ৰিত্থারেতব্বং দস্সনত্তিকসদিসং) আৰজ্জনায মোহস্স চ আরম্মণপচ্চযেন পচ্চযো. (১)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আরম্মণপচ্চযেন পচ্চযো – দানং দত্ৰা… (যথা দস্সনত্তিকং). (২)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো – দানং দত্ৰা… (যথা দস্সনত্তিকং). (৩)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স আরম্মণপচ্চযেন পচ্চযো – চক্খুং আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. সোতং…পে… ৰত্থুং… নেৰদস্সনেন নভাৰনায পহাতব্বহেতুকে খন্ধে আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. (৪)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স আরম্মণপচ্চযেন পচ্চযো – চক্খুং…পে… ৰত্থুং… নেৰদস্সনেন নভাৰনায পহাতব্বহেতুকে খন্ধে আরব্ভ উদ্ধচ্চসহগতা খন্ধা চ মোহো চ উপ্পজ্জন্তি. (৫)

৮০. দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স আরম্মণপচ্চযেন পচ্চযো – ৰিচিকিচ্ছাসহগতে খন্ধে চ মোহঞ্চ আরব্ভ দস্সনেন পহাতব্বহেতুকা খন্ধা উপ্পজ্জন্তি. (১)

দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা নেৰদস্সনেন নভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো – ৰিচিকিচ্ছাসহগতে খন্ধে চ মোহঞ্চ আরব্ভ নেৰদস্সনেন নভাৰনায পহাতব্বহেতুকা খন্ধা চ মোহো চ উপ্পজ্জন্তি. (২)

দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স আরম্মণপচ্চযেন পচ্চযো – ৰিচিকিচ্ছাসহগতে খন্ধে চ মোহঞ্চ আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. (৩)

৮১. ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স আরম্মণপচ্চযেন পচ্চযো – উদ্ধচ্চসহগতে খন্ধে চ মোহঞ্চ আরব্ভ দস্সনেন পহাতব্বহেতুকা খন্ধা উপ্পজ্জন্তি. (১)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা ভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো – উদ্ধচ্চসহগতে খন্ধে চ মোহঞ্চ আরব্ভ ভাৰনায পহাতব্বহেতুকা খন্ধা উপ্পজ্জন্তি. (২)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা নেৰদস্সনেন নভাৰনায পহাতব্বহেতুকস্স ধম্মস্স আরম্মণপচ্চযেন পচ্চযো – উদ্ধচ্চসহগতে খন্ধে চ মোহঞ্চ আরব্ভ নেৰদস্সনেন নভাৰনায পহাতব্বহেতুকা খন্ধা চ মোহো চ উপ্পজ্জন্তি. (৩)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স আরম্মণপচ্চযেন পচ্চযো – উদ্ধচ্চসহগতে খন্ধে চ মোহঞ্চ আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. (৪)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স আরম্মণপচ্চযেন পচ্চযো – উদ্ধচ্চসহগতে খন্ধে চ মোহঞ্চ আরব্ভ উদ্ধচ্চসহগতা খন্ধা চ মোহো চ উপ্পজ্জন্তি. (৫)

অধিপতিপচ্চযো

৮২. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অধিপতিপচ্চযেন পচ্চযো (দস্সনত্তিকসদিসং, দস পঞ্হা).

অনন্তরপচ্চযো

৮৩. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা দস্সনেন পহাতব্বহেতুকা খন্ধা পচ্ছিমানং পচ্ছিমানং দস্সনেন পহাতব্বহেতুকানং খন্ধানং অনন্তরপচ্চযেন পচ্চযো. (১)

দস্সনেন পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা খন্ধা পচ্ছিমস্স পচ্ছিমস্স মোহস্স অনন্তরপচ্চযেন পচ্চযো; দস্সনেন পহাতব্বহেতুকা খন্ধা ৰুট্ঠানস্স অনন্তরপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা খন্ধা পচ্ছিমানং পচ্ছিমানং ৰিচিকিচ্ছাসহগতানং খন্ধানং মোহস্স চ অনন্তরপচ্চযেন পচ্চযো. (৩)

৮৪. ভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা ভাৰনায পহাতব্বহেতুকা খন্ধা পচ্ছিমানং পচ্ছিমানং ভাৰনায পহাতব্বহেতুকানং খন্ধানং অনন্তরপচ্চযেন পচ্চযো. (১)

ভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা উদ্ধচ্চসহগতা খন্ধা পচ্ছিমস্স পচ্ছিমস্স মোহস্স অনন্তরপচ্চযেন পচ্চযো; ভাৰনায পহাতব্বহেতুকা খন্ধা ৰুট্ঠানস্স অনন্তরপচ্চযেন পচ্চযো. (২)

ভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স অনন্তরপচ্চযেন পচ্চযো – পুরিমা পুরিমা উদ্ধচ্চসহগতা খন্ধা পচ্ছিমানং পচ্ছিমানং উদ্ধচ্চসহগতানং খন্ধানং মোহস্স চ অনন্তরপচ্চযেন পচ্চযো. (৩)

৮৫. নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমো পুরিমো ৰিচিকিচ্ছাসহগতো উদ্ধচ্চসহগতো মোহো পচ্ছিমস্স পচ্ছিমস্স ৰিচিকিচ্ছাসহগতস্স উদ্ধচ্চসহগতস্স মোহস্স অনন্তরপচ্চযেন পচ্চযো; পুরিমা পুরিমা নেৰদস্সনেন নভাৰনায পহাতব্বহেতুকা খন্ধা পচ্ছিমানং পচ্ছিমানং নেৰদস্সনেন নভাৰনায পহাতব্বহেতুকানং খন্ধানং অনন্তরপচ্চযেন পচ্চযো; অনুলোমং গোত্রভুস্স… অনুলোমং ৰোদানস্স…পে… নিরোধা ৰুট্ঠহন্তস্স নেৰসঞ্ঞানাসঞ্ঞাযতনং ফলসমাপত্তিযা অনন্তরপচ্চযেন পচ্চযো. (১)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমো পুরিমো ৰিচিকিচ্ছাসহগতো মোহো পচ্ছিমানং পচ্ছিমানং ৰিচিকিচ্ছাসহগতানং খন্ধানং অনন্তরপচ্চযেন পচ্চযো; আৰজ্জনা দস্সনেন পহাতব্বহেতুকানং খন্ধানং অনন্তরপচ্চযেন পচ্চযো. (২)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমো পুরিমো উদ্ধচ্চসহগতো মোহো পচ্ছিমানং পচ্ছিমানং উদ্ধচ্চসহগতানং খন্ধানং অনন্তরপচ্চযেন পচ্চযো; আৰজ্জনা ভাৰনায পহাতব্বহেতুকানং খন্ধানং অনন্তরপচ্চযেন পচ্চযো. (৩)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স অনন্তরপচ্চযেন পচ্চযো – পুরিমো পুরিমো ৰিচিকিচ্ছাসহগতো মোহো পচ্ছিমানং পচ্ছিমানং ৰিচিকিচ্ছাসহগতানং খন্ধানং মোহস্স চ অনন্তরপচ্চযেন পচ্চযো; আৰজ্জনা ৰিচিকিচ্ছাসহগতানং খন্ধানং মোহস্স চ অনন্তরপচ্চযেন পচ্চযো. (৪)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স অনন্তরপচ্চযেন পচ্চযো – পুরিমো পুরিমো উদ্ধচ্চসহগতো মোহো পচ্ছিমানং পচ্ছিমানং উদ্ধচ্চসহগতানং খন্ধানং মোহস্স চ অনন্তরপচ্চযেন পচ্চযো; আৰজ্জনা উদ্ধচ্চসহগতানং খন্ধানং মোহস্স চ অনন্তরপচ্চযেন পচ্চযো. (৫)

৮৬. দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা খন্ধা চ মোহো চ পচ্ছিমানং পচ্ছিমানং ৰিচিকিচ্ছাসহগতানং খন্ধানং অনন্তরপচ্চযেন পচ্চযো. (১)

দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা নেৰদস্সনেন নভাৰনায পহাতব্বহেতুকস্স ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা খন্ধা চ মোহো চ পচ্ছিমস্স পচ্ছিমস্স মোহস্স অনন্তরপচ্চযেন পচ্চযো; ৰিচিকিচ্ছাসহগতা খন্ধা চ মোহো চ ৰুট্ঠানস্স অনন্তরপচ্চযেন পচ্চযো. (২)

দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স অনন্তরপচ্চযেন পচ্চযো – পুরিমা পুরিমা ৰিচিকিচ্ছাসহগতা খন্ধা চ মোহো চ পচ্ছিমানং পচ্ছিমানং ৰিচিকিচ্ছাসহগতানং খন্ধানং মোহস্স চ অনন্তরপচ্চযেন পচ্চযো. (৩)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা ভাৰনায পহাতব্বহেতুকস্স ধম্মস্স অনন্তরপচ্চযেন পচ্চযো… তীণি (দস্সনেন সদিসং গমনং).

সমনন্তরপচ্চযাদি

৮৭. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স সমনন্তরপচ্চযেন পচ্চযো… (অনন্তরসদিসং) সহজাতপচ্চযেন পচ্চযো… (সংখিত্তং. পটিচ্চৰারে সহজাতসদিসং) অঞ্ঞমঞ্ঞপচ্চযেন পচ্চযো… (সংখিত্তং. পটিচ্চৰারে অঞ্ঞমঞ্ঞসদিসং) নিস্সযপচ্চযেন পচ্চযো… (সংখিত্তং. পচ্চযৰারে নিস্সযৰারসদিসং. ৰিসুং ঘটনা নত্থি).

উপনিস্সযপচ্চযো

৮৮. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, ৫১অনন্তরূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বহেতুকং রাগং উপনিস্সায পাণং হনতি…পে… সঙ্ঘং ভিন্দতি. দস্সনেন পহাতব্বহেতুকং দোসং… মোহং… দিট্ঠিং… পত্থনং উপনিস্সায পাণং হনতি…পে… সঙ্ঘং ভিন্দতি. দস্সনেন পহাতব্বহেতুকো রাগো… দোসো… মোহো… দিট্ঠি… পত্থনা দস্সনেন পহাতব্বহেতুকস্স রাগস্স…পে… পত্থনায উপনিস্সযপচ্চযেন পচ্চযো. (১)

দস্সনেন পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বহেতুকং রাগং উপনিস্সায দানং দেতি…পে… সমাপত্তিং উপ্পাদেতি. দস্সনেন পহাতব্বহেতুকং দোসং… মোহং… দিট্ঠিং… পত্থনং উপনিস্সায দানং দেতি…পে… সমাপত্তিং উপ্পাদেতি. দস্সনেন পহাতব্বহেতুকো রাগো…পে… পত্থনা… সদ্ধায…পে… পঞ্ঞায… কাযিকস্স সুখস্স, কাযিকস্স দুক্খস্স ফলসমাপত্তিযা মোহস্স চ উপনিস্সযপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বহেতুকো রাগো… দোসো… মোহো… দিট্ঠি… পত্থনা ৰিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

৮৯. ভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – ভাৰনায পহাতব্বহেতুকো রাগো… দোসো… মোহো… মানো… পত্থনা ভাৰনায পহাতব্বহেতুকস্স রাগস্স… দোসস্স… মোহস্স… মানস্স… পত্থনায উপনিস্সযপচ্চযেন পচ্চযো. (১)

ভাৰনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে…. পকতূপনিস্সযো – ভাৰনায পহাতব্বহেতুকং রাগং উপনিস্সায পাণং হনতি…পে… সঙ্ঘং ভিন্দতি. ভাৰনায পহাতব্বহেতুকং দোসং… মোহং… মানং… পত্থনং উপনিস্সায পাণং হনতি…পে… সঙ্ঘং ভিন্দতি. ভাৰনায পহাতব্বহেতুকো রাগো…পে… পত্থনা দস্সনেন পহাতব্বহেতুকস্স রাগস্স… দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. সকভণ্ডে ছন্দরাগো পরভণ্ডে ছন্দরাগস্স উপনিস্সযপচ্চযেন পচ্চযো. সকপরিগ্গহে ছন্দরাগো পরপরিগ্গহে ছন্দরাগস্স উপনিস্সযপচ্চযেন পচ্চযো. (২)

ভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ভাৰনায পহাতব্বহেতুকং রাগং উপনিস্সায দানং দেতি…পে… সমাপত্তিং উপ্পাদেতি. ভাৰনায পহাতব্বহেতুকং দোসং… মোহং… মানং… পত্থনং উপনিস্সায দানং দেতি…পে… সমাপত্তিং উপ্পাদেতি. ভাৰনায পহাতব্বহেতুকো রাগো…পে… পত্থনা সদ্ধায…পে… পঞ্ঞায… কাযিকস্স সুখস্স, কাযিকস্স দুক্খস্স ফলসমাপত্তিযা মোহস্স চ উপনিস্সযপচ্চযেন পচ্চযো. (৩)

ভাৰনায পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো…. পকতূপনিস্সযো – ভাৰনায পহাতব্বহেতুকো রাগো…পে… পত্থনা ৰিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৪)

ভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ভাৰনায পহাতব্বহেতুকো রাগো…পে… পত্থনা উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৫)

৯০. নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি. সীলং…পে… পঞ্ঞং… কাযিকং সুখং… কাযিকং দুক্খং… উতুং… ভোজনং… সেনাসনং… মোহং উপনিস্সায দানং দেতি…পে… সদ্ধা…পে… মোহো সদ্ধায…পে… ফলসমাপত্তিযা মোহস্স চ উপনিস্সযপচ্চযেন পচ্চযো. (১)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দিট্ঠিং গণ্হাতি. সীলং…পে… পঞ্ঞং… কাযিকং সুখং… কাযিকং দুক্খং…পে… সেনাসনং… মোহং উপনিস্সায পাণং হনতি…পে… সঙ্ঘং ভিন্দতি. সদ্ধা…পে… সেনাসনং মোহো চ দস্সনেন পহাতব্বহেতুকস্স রাগস্স…পে… পত্থনায উপনিস্সযপচ্চযেন পচ্চযো. (২)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি…পে… মোহং উপনিস্সায মানং জপ্পেতি. সদ্ধা…পে… সেনাসনং মোহো চ ভাৰনায পহাতব্বহেতুকস্স রাগস্স…পে… পত্থনায উপনিস্সযপচ্চযেন পচ্চযো. (৩)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধা…পে… পঞ্ঞা… কাযিকং সুখং… কাযিকং দুক্খং…পে… সেনাসনং মোহো চ ৰিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৪)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – সদ্ধা…পে… সেনাসনং মোহো চ উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৫)

৯১. দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ৰিচিকিচ্ছাসহগতা খন্ধা চ মোহো চ দস্সনেন পহাতব্বহেতুকস্স রাগস্স…পে… পত্থনায উপনিস্সযপচ্চযেন পচ্চযো. (১)

দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা নেৰদস্সনেন নভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ৰিচিকিচ্ছাসহগতা খন্ধা চ মোহো চ সদ্ধায…পে… পঞ্ঞায… কাযিকস্স সুখস্স, কাযিকস্স দুক্খস্স ফলসমাপত্তিযা মোহস্স চ উপনিস্সযপচ্চযেন পচ্চযো. (২)

দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – ৰিচিকিচ্ছাসহগতা খন্ধা চ মোহো চ ৰিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

৯২. ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো. পকতূপনিস্সযো – উদ্ধচ্চসহগতা খন্ধা চ মোহো চ দস্সনেন পহাতব্বহেতুকস্স রাগস্স…পে… পত্থনায উপনিস্সযপচ্চযেন পচ্চযো. (১)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা ভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – উদ্ধচ্চসহগতা খন্ধা চ মোহো চ ভাৰনায পহাতব্বহেতুকস্স রাগস্স…পে… পত্থনায উপনিস্সযপচ্চযেন পচ্চযো. (২)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা নেৰদস্সনেন নভাৰনায পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – উদ্ধচ্চসহগতা খন্ধা চ মোহো চ সদ্ধায…পে… ফলসমাপত্তিযা মোহস্স চ উপনিস্সযপচ্চযেন পচ্চযো. (৩)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো. পকতূপনিস্সযো – উদ্ধচ্চসহগতা খন্ধা চ মোহো চ ৰিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৪)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে…. পকতূপনিস্সযো – উদ্ধচ্চসহগতা খন্ধা চ মোহো চ উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৫)

পুরেজাতপচ্চযো

৯৩. নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং অনিচ্চতো…পে… ৰিপস্সতি, সোতং…পে… ৰত্থুং অনিচ্চতো…পে… ৰিপস্সতি; দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু নেৰদস্সনেন নভাৰনায পহাতব্বহেতুকানং খন্ধানং মোহস্স চ পুরেজাতপচ্চযেন পচ্চযো. (১)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি; তং আরব্ভ দস্সনেন পহাতব্বহেতুকো রাগো…পে… দিট্ঠি…পে… ৰিচিকিচ্ছা…পে… দস্সনেন পহাতব্বহেতুকং দোমনস্সং উপ্পজ্জতি. ৰত্থুপুরেজাতং – ৰত্থু দস্সনেন পহাতব্বহেতুকানং খন্ধানং পুরেজাতপচ্চযেন পচ্চযো. (২)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং অস্সাদেতি অভিনন্দতি; তং আরব্ভ ভাৰনায পহাতব্বহেতুকো রাগো উপ্পজ্জতি, উদ্ধচ্চং উপ্পজ্জতি, ভাৰনায পহাতব্বহেতুকং দোমনস্সং উপ্পজ্জতি. ৰত্থুপুরেজাতং – ৰত্থু ভাৰনায পহাতব্বহেতুকানং খন্ধানং পুরেজাতপচ্চযেন পচ্চযো. (৩)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি. ৰত্থুপুরেজাতং – ৰত্থু ৰিচিকিচ্ছাসহগতানং খন্ধানং মোহস্স চ পুরেজাতপচ্চযেন পচ্চযো. (৪)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং. আরম্মণপুরেজাতং – চক্খুং…পে… ৰত্থুং আরব্ভ উদ্ধচ্চসহগতা খন্ধা চ মোহো চ উপ্পজ্জন্তি. ৰত্থুপুরেজাতং – ৰত্থু উদ্ধচ্চসহগতানং খন্ধানং মোহস্স চ পুরেজাতপচ্চযেন পচ্চযো. (৫)

পচ্ছাজাতপচ্চযো

৯৪. দস্সনেন পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা দস্সনেন পহাতব্বহেতুকা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

ভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা ভাৰনায পহাতব্বহেতুকা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা নেৰদস্সনেন নভাৰনায পহাতব্বহেতুকা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা নেৰদস্সনেন নভাৰনায পহাতব্বহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা ৰিচিকিচ্ছাসহগতা খন্ধা চ মোহো চ পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা নেৰদস্সনেন নভাৰনায পহাতব্বহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা উদ্ধচ্চসহগতা খন্ধা চ মোহো চ পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৰনপচ্চযো

৯৫. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আসেৰনপচ্চযেন পচ্চযো – পুরিমা পুরিমা দস্সনেন পহাতব্বহেতুকা খন্ধা পচ্ছিমানং পচ্ছিমানং দস্সনেন পহাতব্বহেতুকানং খন্ধানং আসেৰনপচ্চযেন পচ্চযো. (১)

দস্সনেন পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স আসেৰনপচ্চযেন পচ্চযো – পুরিমা পুরিমা ৰিচিকিচ্ছাসহগতা খন্ধা পচ্ছিমস্স পচ্ছিমস্স মোহস্স আসেৰনপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স আসেৰনপচ্চযেন পচ্চযো – পুরিমা পুরিমা ৰিচিকিচ্ছাসহগতা খন্ধা পচ্ছিমানং পচ্ছিমানং ৰিচিকিচ্ছাসহগতানং খন্ধানং মোহস্স চ আসেৰনপচ্চযেন পচ্চযো.

ভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স (সংখিত্তং) তীণি.

নেৰদস্সনেন নভাৰনায পহাতব্বহেতুকো ধম্মো…পে…. (আসেৰনমূলকে ৰুট্ঠানস্সপি আৰজ্জনাযপি পহাতব্বং, সত্তরস পঞ্হা পরিপুণ্ণা, অনন্তরসদিসা).

কম্মপচ্চযো

৯৬. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স কম্মপচ্চযেন পচ্চযো – দস্সনেন পহাতব্বহেতুকা চেতনা সম্পযুত্তকানং খন্ধানং কম্মপচ্চযেন পচ্চযো. (১)

দস্সনেন পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা দস্সনেন পহাতব্বহেতুকা চেতনা মোহস্স চিত্তসমুট্ঠানানঞ্চ রূপানং কম্মপচ্চযেন পচ্চযো. নানাক্খণিকা – দস্সনেন পহাতব্বহেতুকা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স কম্মপচ্চযেন পচ্চযো – দস্সনেন পহাতব্বহেতুকা চেতনা সম্পযুত্তকানং খন্ধানং মোহস্স চ চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

৯৭. ভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স কম্মপচ্চযেন পচ্চযো – ভাৰনায পহাতব্বহেতুকা চেতনা সম্পযুত্তকানং খন্ধানং কম্মপচ্চযেন পচ্চযো. (১)

ভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স কম্মপচ্চযেন পচ্চযো – ভাৰনায পহাতব্বহেতুকা চেতনা মোহস্স চিত্তসমুট্ঠানানঞ্চ রূপানং কম্মপচ্চযেন পচ্চযো. (২)

ভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স কম্মপচ্চযেন পচ্চযো – ভাৰনায পহাতব্বহেতুকা চেতনা সম্পযুত্তকানং খন্ধানং মোহস্স চ চিত্তসমুট্ঠানানঞ্চ রূপানং কম্মপচ্চযেন পচ্চযো. (৩)

৯৮. নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নেৰদস্সনেন নভাৰনায পহাতব্বহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. পটিসন্ধিক্খণে…পে…. নানাক্খণিকা – নেৰদস্সনেন নভাৰনায পহাতব্বহেতুকা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (১)

ৰিপাকপচ্চযো

৯৯. নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স ৰিপাকপচ্চযেন পচ্চযো (পৰত্তিপটিসন্ধি) ৰিপাকা খন্ধা ৰত্থুস্স…পে….

আহারপচ্চযো

১০০. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আহারপচ্চযেন পচ্চযো – দস্সনেন পহাতব্বহেতুকা আহারা সম্পযুত্তকানং খন্ধানং আহারপচ্চযেন পচ্চযো. (১)

দস্সনেন পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স আহারপচ্চযেন পচ্চযো – দস্সনেন পহাতব্বহেতুকা আহারা মোহস্স চিত্তসমুট্ঠানানঞ্চ রূপানং আহারপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স আহারপচ্চযেন পচ্চযো – দস্সনেন পহাতব্বহেতুকা আহারা সম্পযুত্তকানং খন্ধানং মোহস্স চ চিত্তসমুট্ঠানানঞ্চ রূপানং আহারপচ্চযেন পচ্চযো. (৩)

ভাৰনায পহাতব্বহেতুকো ধম্মো… তীণি (দস্সনেন সদিসং).

নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স আহারপচ্চযেন পচ্চযো – নেৰদস্সনেন নভাৰনায পহাতব্বহেতুকা আহারা সম্পযুত্তকানং খন্ধানং চিত্তসমুট্ঠানানঞ্চ রূপানং আহারপচ্চযেন পচ্চযো. পটিসন্ধিক্খণে…পে… কবল়ীকারো আহারো ইমস্স কাযস্স আহারপচ্চযেন পচ্চযো.

ইন্দ্রিযপচ্চযাদি

১০১. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স ইন্দ্রিযপচ্চযেন পচ্চযো… তীণি (আহারসদিসং. মোহো কাতব্বো).

ভাৰনায পহাতব্বহেতুকো ধম্মো… তীণি.

নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স ইন্দ্রিযপচ্চযেন পচ্চযো – নেৰদস্সনেন নভাৰনায পহাতব্বহেতুকা ইন্দ্রিযা সম্পযুত্তকানং খন্ধানং…পে… চক্খুন্দ্রিযং চক্খুৰিঞ্ঞাণস্স…পে… কাযিন্দ্রিযং কাযৰিঞ্ঞাণস্স…পে… রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… (ইমে সহেতুকা কাতব্বা) সম্পযুত্তপচ্চযেন পচ্চযো (পটিচ্চৰারে সম্পযুত্তৰারসদিসং).

ৰিপ্পযুত্তপচ্চযো

১০২. দস্সনেন পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (দস্সনত্তিকসদিসং).

ভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং (দস্সনত্তিকসদিসং).

নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং (দস্সনত্তিকসদিসং). পচ্ছাজাতা – নেৰদস্সনেন নভাৰনায পহাতব্বহেতুকা খন্ধা চ মোহো চ পুরেজাতস্স ইমস্স কাযস্স…পে…. (১)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু দস্সনেন পহাতব্বহেতুকানং খন্ধানং…পে…. (২)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু ভাৰনায পহাতব্বহেতুকানং খন্ধানং…পে…. (৩)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু ৰিচিকিচ্ছাসহগতানং খন্ধানং মোহস্স চ ৰিপ্পযুত্তপচ্চযেন পচ্চযো. (৪)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু উদ্ধচ্চসহগতানং খন্ধানং মোহস্স চ ৰিপ্পযুত্তপচ্চযেন পচ্চযো. (৫)

১০৩. দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা নেৰদস্সনেন নভাৰনায পহাতব্বহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – ৰিচিকিচ্ছাসহগতা খন্ধা চ মোহো চ চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – ৰিচিকিচ্ছাসহগতা খন্ধা চ মোহো চ পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা নেৰদস্সনেন নভাৰনায পহাতব্বহেতুকস্স ধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – উদ্ধচ্চসহগতা খন্ধা চ মোহো চ চিত্তসমুট্ঠানানং রূপানং…পে…. পচ্ছাজাতা – উদ্ধচ্চসহগতা খন্ধা চ মোহো চ পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

অত্থিপচ্চযাদি

১০৪. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – দস্সনেন পহাতব্বহেতুকো একো খন্ধো তিণ্ণন্নং খন্ধানং…পে…. (১)

দস্সনেন পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – দস্সনেন পহাতব্বহেতুকা খন্ধা চিত্তসমুট্ঠানানং রূপানং অত্থিপচ্চযেন পচ্চযো. সহজাতা – ৰিচিকিচ্ছাসহগতা খন্ধা মোহস্স চিত্তসমুট্ঠানানঞ্চ রূপানং অত্থিপচ্চযেন পচ্চযো. পচ্ছাজাতা – দস্সনেন পহাতব্বহেতুকা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স অত্থিপচ্চযেন পচ্চযো – দস্সনেন পহাতব্বহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো. ৰিচিকিচ্ছাসহগতো একো খন্ধো তিণ্ণন্নং খন্ধানং মোহস্স চ চিত্তসমুট্ঠানানঞ্চ রূপানং অত্থিপচ্চযেন পচ্চযো…পে…. (৩)

ভাৰনায পহাতব্বহেতুকো ধম্মো… তীণি.

১০৫. নেৰদস্সনেন নভাৰনায পহাতব্বহেতুকো ধম্মো নেৰদস্সনেন নভাৰনায পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – নেৰদস্সনেন নভাৰনায পহাতব্বহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… ৰিচিকিচ্ছাসহগতো উদ্ধচ্চসহগতো মোহো চিত্তসমুট্ঠানানং রূপানং অত্থিপচ্চযেন পচ্চযো. পটিসন্ধিক্খণে…পে… অসঞ্ঞসত্তানং…পে…. পুরেজাতং – চক্খুং…পে… ৰত্থুং অনিচ্চতো…পে… দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং…পে… কাযাযতনং…পে… ৰত্থু নেৰদস্সনেন নভাৰনায পহাতব্বহেতুকানং খন্ধানং মোহস্স চ অত্থিপচ্চযেন পচ্চযো. পচ্ছাজাতা – নেৰদস্সনেন নভাৰনায পহাতব্বহেতুকা খন্ধা চ মোহো চ পুরেজাতস্স ইমস্স কাযস্স অত্থিপচ্চযেন পচ্চযো; কবল়ীকারো আহারো ইমস্স কাযস্স…পে… রূপজীৰিতিন্দ্রিযং কটত্তারূপানং…পে…. (১)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – ৰিচিকিচ্ছাসহগতো মোহো সম্পযুত্তকানং খন্ধানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অস্সাদেতি অভিনন্দতি; তং আরব্ভ দস্সনেন পহাতব্বহেতুকো রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, দস্সনেন পহাতব্বহেতুকং দোমনস্সং উপ্পজ্জতি, ৰত্থু দস্সনেন পহাতব্বহেতুকানং খন্ধানং অত্থিপচ্চযেন পচ্চযো. (২)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – উদ্ধচ্চসহগতো মোহো সম্পযুত্তকানং খন্ধানং অত্থিপচ্চযেন পচ্চযো. পুরেজাতং – চক্খুং…পে… ৰত্থুং অস্সাদেতি অভিনন্দতি…পে… ৰত্থু ভাৰনায পহাতব্বহেতুকানং খন্ধানং অত্থিপচ্চযেন পচ্চযো. (৩)

নেৰদস্সনেন নভাৰনায পহাতব্বহেতুকো ধম্মো দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – ৰিচিকিচ্ছাসহগতো মোহো সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো. পুরেজাতং – চক্খুং আরব্ভ ৰিচিকিচ্ছাসহগতা খন্ধা চ মোহো চ উপ্পজ্জন্তি…পে… ৰত্থুং আরব্ভ…পে… ৰত্থু ৰিচিকিচ্ছাসহগতানং খন্ধানং মোহস্স চ অত্থিপচ্চযেন পচ্চযো. (৪)

নেৰদস্সনেন নভাৰনায পহাতব্বহেতুকো ধম্মো ভাৰনায পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – উদ্ধচ্চসহগতো মোহো সম্পযুত্তকানং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো. পুরেজাতং – চক্খুং আরব্ভ উদ্ধচ্চসহগতা খন্ধা চ মোহো চ উপ্পজ্জন্তি…পে… ৰত্থুং আরব্ভ…পে… ৰত্থু উদ্ধচ্চসহগতানং খন্ধানং মোহস্স চ অত্থিপচ্চযেন পচ্চযো. (৫)

১০৬. দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – দস্সনেন পহাতব্বহেতুকো একো খন্ধো চ ৰত্থু চ তিণ্ণন্নং খন্ধানং অত্থিপচ্চযেন পচ্চযো …পে… দ্ৰে খন্ধা…পে… ৰিচিকিচ্ছাসহগতো একো খন্ধো চ মোহো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৰে খন্ধা…পে…. (১)

দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা নেৰদস্সনেন নভাৰনায পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতা – দস্সনেন পহাতব্বহেতুকা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. সহজাতা – ৰিচিকিচ্ছাসহগতা খন্ধা চ মোহো চ চিত্তসমুট্ঠানানং রূপানং অত্থিপচ্চযেন পচ্চযো. সহজাতা – ৰিচিকিচ্ছাসহগতা খন্ধা চ ৰত্থু চ মোহস্স অত্থিপচ্চযেন পচ্চযো. পচ্ছাজাতা – ৰিচিকিচ্ছাসহগতা খন্ধা চ মোহো চ পুরেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – দস্সনেন পহাতব্বহেতুকা খন্ধা চ কবল়ীকারো আহারো চ ইমস্স কাযস্স অত্থিপচ্চযেন পচ্চযো. পচ্ছাজাতা – দস্সনেন পহাতব্বহেতুকা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)

দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা দস্সনেন পহাতব্বহেতুকস্স চ নেৰদস্সনেন নভাৰনায পহাতব্বহেতুকস্স চ ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – ৰিচিকিচ্ছাসহগতো একো খন্ধো চ ৰত্থু চ তিণ্ণন্নং খন্ধানং মোহস্স চ অত্থিপচ্চযেন পচ্চযো…পে… দ্ৰে খন্ধা…পে… ৰিচিকিচ্ছাসহগতো একো খন্ধো চ মোহো চ তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা চ মোহো চ…পে…. (৩)

ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা ভাৰনায পহাতব্বহেতুকস্স ধম্মস্স অত্থিপচ্চযেন পচ্চযো (সংখিত্তং. তিস্সো পঞ্হা, দস্সনেন নযেন ৰিভজিতব্বা, ‘‘উদ্ধচ্চ’’ন্তি নিযামেতব্বং) নত্থিপচ্চযেন পচ্চযো… ৰিগতপচ্চযেন পচ্চযো… অৰিগতপচ্চযেন পচ্চযো….