১. ৰিভঙ্গৰারো

হেতুপচ্চযো

১. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৰে খন্ধা. (১)

দস্সনেন পহাতব্বহেতুকং ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকে খন্ধে পটিচ্চ চিত্তসমুট্ঠানং রূপং. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা উপ্পজ্জন্তি হেতুপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধা…পে…. (৩)

২. ভাৰনায পহাতব্বহেতুকং ধম্মং পটিচ্চ ভাৰনায পহাতব্বহেতুকো ধম্মো উপ্পজ্জতি হেতুপচ্চযা – ভাৰনায পহাতব্বহেতুকং একং খন্ধং পটিচ্চ তযো খন্ধা…পে… দ্ৰে খন্ধা. (১)

ভাৰনায পহাতব্বহেতুকং ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি হেতুপচ্চযা – ভাৰনায পহাতব্বহেতুকে খন্ধে পটিচ্চ চিত্তসমুট্ঠানং রূপং. (২)

ভাৰনায পহাতব্বহেতুকং ধম্মং পটিচ্চ ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা উপ্পজ্জন্তি হেতুপচ্চযা – ভাৰনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে…. (৩)

৩. নেৰদস্সনেন নভাৰনায পহাতব্বহেতুকং ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি হেতুপচ্চযা – নেৰদস্সনেন নভাৰনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; ৰিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং রূপং. পটিসন্ধিক্খণে নেৰদস্সনেন নভাৰনায পহাতব্বহেতুকং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধা…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

নেৰদস্সনেন নভাৰনায পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

নেৰদস্সনেন নভাৰনায পহাতব্বহেতুকং ধম্মং পটিচ্চ ভাৰনায পহাতব্বহেতুকো ধম্মো উপ্পজ্জতি হেতুপচ্চযা – উদ্ধচ্চসহগতং মোহং পটিচ্চ সম্পযুত্তকা খন্ধা. (৩)

নেৰদস্সনেন নভাৰনায পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা উপ্পজ্জন্তি হেতুপচ্চযা – ৰিচিকিচ্ছাসহগতং মোহং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (৪)

নেৰদস্সনেন নভাৰনায পহাতব্বহেতুকং ধম্মং পটিচ্চ ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা উপ্পজ্জন্তি হেতুপচ্চযা – উদ্ধচ্চসহগতং মোহং পটিচ্চ সম্পযুত্তকা খন্ধা চিত্তসমুট্ঠানঞ্চ রূপং. (৫)

৪. দস্সনেন পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৰে খন্ধে চ মোহঞ্চ পটিচ্চ দ্ৰে খন্ধা. (১)

দস্সনেন পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং রূপং; ৰিচিকিচ্ছাসহগতে খন্ধে চ মোহঞ্চ পটিচ্চ চিত্তসমুট্ঠানং রূপং. (২)

দস্সনেন পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা উপ্পজ্জন্তি হেতুপচ্চযা – ৰিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে চ মোহঞ্চ পটিচ্চ দ্ৰে খন্ধা…পে…. (৩)

৫. ভাৰনায পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পটিচ্চ ভাৰনায পহাতব্বহেতুকো ধম্মো উপ্পজ্জতি হেতুপচ্চযা – উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৰে খন্ধে চ মোহঞ্চ পটিচ্চ দ্ৰে খন্ধা. (১)

ভাৰনায পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি হেতুপচ্চযা – ভাৰনায পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং রূপং; উদ্ধচ্চসহগতে খন্ধে চ মোহঞ্চ পটিচ্চ চিত্তসমুট্ঠানং রূপং. (২)

ভাৰনায পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পটিচ্চ ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা উপ্পজ্জন্তি হেতুপচ্চযা – উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা চিত্তসমুট্ঠানঞ্চ রূপং…পে…. (৩)

আরম্মণপচ্চযো

৬. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

দস্সনেন পহাতব্বহেতুকং ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতে খন্ধে পটিচ্চ ৰিচিকিচ্ছাসহগতো মোহো. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা উপ্পজ্জন্তি আরম্মণপচ্চযা – ৰিচিকিচ্ছাসহগতং একং খন্ধং পটিচ্চ তযো খন্ধা চ মোহো চ…পে… দ্ৰে খন্ধে পটিচ্চ দ্ৰে খন্ধা চ মোহো চ. (৩)

ভাৰনায পহাতব্বহেতুকং ধম্মং পটিচ্চ ভাৰনায পহাতব্বহেতুকো ধম্মো উপ্পজ্জতি আরম্মণপচ্চযা… তীণি. (দস্সনেন সদিসং ৰিভজিতব্বং.)

৭. নেৰদস্সনেন নভাৰনায পহাতব্বহেতুকং ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি আরম্মণপচ্চযা – নেৰদস্সনেন নভাৰনায পহাতব্বহেতুকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. পটিসন্ধিক্খণে…পে… ৰত্থুং পটিচ্চ খন্ধা. (১)

নেৰদস্সনেন নভাৰনায পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

নেৰদস্সনেন নভাৰনায পহাতব্বহেতুকং ধম্মং পটিচ্চ ভাৰনায পহাতব্বহেতুকো ধম্মো উপ্পজ্জতি আরম্মণপচ্চযা – উদ্ধচ্চসহগতং মোহং পটিচ্চ সম্পযুত্তকা খন্ধা. (৩)

৮. দস্সনেন পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৰে খন্ধে চ মোহঞ্চ পটিচ্চ দ্ৰে খন্ধা. (১)

ভাৰনায পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পটিচ্চ ভাৰনায পহাতব্বহেতুকো ধম্মো উপ্পজ্জতি আরম্মণপচ্চযা – উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৰে খন্ধে চ মোহঞ্চ পটিচ্চ দ্ৰে খন্ধা. (১)

অধিপতিপচ্চযো

৯. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি অধিপতিপচ্চযা… তীণি (হেতুসদিসা).

ভাৰনায পহাতব্বহেতুকং ধম্মং পটিচ্চ…পে… তীণি (হেতুসদিসা, অধিপতিযা মোহো নত্থি).

নেৰদস্সনেন নভাৰনায পহাতব্বহেতুকং ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি অধিপতিপচ্চযা – নেৰদস্সনেন নভাৰনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধা. একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং উপাদারূপং. (১)

১০. দস্সনেন পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি অধিপতিপচ্চযা – দস্সনেন পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

ভাৰনায পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি অধিপতিপচ্চযা – ভাৰনায পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অনন্তর-সমনন্তরপচ্চযা

১১. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি অনন্তরপচ্চযা. সমনন্তরপচ্চযা (আরম্মণসদিসং).

সহজাতপচ্চযো

১২. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি সহজাতপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

দস্সনেন পহাতব্বহেতুকং ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি সহজাতপচ্চযা – দস্সনেন পহাতব্বহেতুকে খন্ধে পটিচ্চ চিত্তসমুট্ঠানং রূপং; ৰিচিকিচ্ছাসহগতে খন্ধে পটিচ্চ মোহো চিত্তসমুট্ঠানঞ্চ রূপং. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা উপ্পজ্জন্তি সহজাতপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; ৰিচিকিচ্ছাসহগতং একং খন্ধং পটিচ্চ তযো খন্ধা মোহো চ চিত্তসমুট্ঠানঞ্চ রূপং…পে…. (৩)

১৩. ভাৰনায পহাতব্বহেতুকং ধম্মং পটিচ্চ ভাৰনায পহাতব্বহেতুকো ধম্মো উপ্পজ্জতি সহজাতপচ্চযা – ভাৰনায পহাতব্বহেতুকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

ভাৰনায পহাতব্বহেতুকং ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি সহজাতপচ্চযা – ভাৰনায পহাতব্বহেতুকে খন্ধে পটিচ্চ চিত্তসমুট্ঠানং রূপং; উদ্ধচ্চসহগতে খন্ধে পটিচ্চ মোহো চ চিত্তসমুট্ঠানঞ্চ রূপং. (২)

ভাৰনায পহাতব্বহেতুকং ধম্মং পটিচ্চ ভাৰনায পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা উপ্পজ্জন্তি সহজাতপচ্চযা – ভাৰনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; উদ্ধচ্চসহগতং একং খন্ধং পটিচ্চ তযো খন্ধা মোহো চ চিত্তসমুট্ঠানঞ্চ রূপং…পে…. (৩)

১৪. নেৰদস্সনেন নভাৰনায পহাতব্বহেতুকং ধম্মং পটিচ্চ নেৰদস্সনেন নভাৰনায পহাতব্বহেতুকো ধম্মো উপ্পজ্জতি সহজাতপচ্চযা – নেৰদস্সনেন নভাৰনায পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে…পে… ৰিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং রূপং. পটিসন্ধিক্খণে…পে… খন্ধে পটিচ্চ ৰত্থু, ৰত্থুং পটিচ্চ খন্ধা; একং মহাভূতং পটিচ্চ তযো মহাভূতা…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং…পে…. (১)

নেৰদস্সনেন নভাৰনায পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি সহজাতপচ্চযা – ৰিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

নেৰদস্সনেন নভাৰনায পহাতব্বহেতুকং ধম্মং পটিচ্চ ভাৰনায পহাতব্বহেতুকো ধম্মো উপ্পজ্জতি সহজাতপচ্চযা (সংখিত্তং. হেতুসদিসং কাতব্বং). (৩)

অঞ্ঞমঞ্ঞপচ্চযাদি

১৫. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি অঞ্ঞমঞ্ঞপচ্চযা, নিস্সযপচ্চযা, উপনিস্সযপচ্চযা, পুরেজাতপচ্চযা, আসেৰনপচ্চযা, কম্মপচ্চযা, ৰিপাকপচ্চযা, আহারপচ্চযা, ইন্দ্রিযপচ্চযা, ঝানপচ্চযা, মগ্গপচ্চযা, সম্পযুত্তপচ্চযা, ৰিপ্পযুত্তপচ্চযা, অত্থিপচ্চযা, নত্থিপচ্চযা, ৰিগতপচ্চযা, অৰিগতপচ্চযা.