১. ৰিভঙ্গৰারো

হেতুপচ্চযো

৬৩. দস্সনেন পহাতব্বহেতুকং ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা. (১)

ভাৰনায পহাতব্বহেতুকং ধম্মং সংসট্ঠো ভাৰনায পহাতব্বহেতুকো ধম্মো উপ্পজ্জতি হেতুপচ্চযা – ভাৰনায পহাতব্বহেতুকং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা. (১)

নেৰদস্সনেন নভাৰনায পহাতব্বহেতুকং ধম্মং সংসট্ঠো নেৰদস্সনেন নভাৰনায পহাতব্বহেতুকো ধম্মো উপ্পজ্জতি হেতুপচ্চযা – নেৰদস্সনেন নভাৰনায পহাতব্বহেতুকং একং খন্ধং সংসট্ঠা তযো খন্ধা…পে… পটিসন্ধিক্খণে…পে…. (১)

নেৰদস্সনেন নভাৰনায পহাতব্বহেতুকং ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং মোহং সংসট্ঠা সম্পযুত্তকা খন্ধা. (২)

নেৰদস্সনেন নভাৰনায পহাতব্বহেতুকং ধম্মং সংসট্ঠো ভাৰনায পহাতব্বহেতুকো ধম্মো উপ্পজ্জতি হেতুপচ্চযা – উদ্ধচ্চসহগতং মোহং সংসট্ঠা সম্পযুত্তকা খন্ধা. (৩)

৬৪. দস্সনেন পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৰিচিকিচ্ছাসহগতং একং খন্ধঞ্চ মোহঞ্চ সংসট্ঠা তযো খন্ধা…পে… দ্ৰে খন্ধা. (১)

ভাৰনায পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং ভাৰনায পহাতব্বহেতুকো ধম্মো উপ্পজ্জতি হেতুপচ্চযা – উদ্ধচ্চসহগতং একং খন্ধঞ্চ মোহঞ্চ সংসট্ঠা তযো খন্ধা…পে… দ্ৰে খন্ধা. (১)

আরম্মণপচ্চযো

৬৫. দস্সনেন পহাতব্বহেতুকং ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – দস্সনেন পহাতব্বহেতুকং একং খন্ধং সংসট্ঠা তযো খন্ধা…পে… দ্ৰে খন্ধা. (১)

দস্সনেন পহাতব্বহেতুকং ধম্মং সংসট্ঠো নেৰদস্সনেন নভাৰনায পহাতব্বহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতে খন্ধে সংসট্ঠো ৰিচিকিচ্ছাসহগতো মোহো. (২)

দস্সনেন পহাতব্বহেতুকং ধম্মং সংসট্ঠো দস্সনেন পহাতব্বহেতুকো চ নেৰদস্সনেন নভাৰনায পহাতব্বহেতুকো চ ধম্মা উপ্পজ্জন্তি আরম্মণপচ্চযা – ৰিচিকিচ্ছাসহগতং একং খন্ধং সংসট্ঠা তযো খন্ধা মোহো চ…পে… দ্ৰে খন্ধে…পে…. (৩)

ভাৰনায পহাতব্বহেতুকং ধম্মং সংসট্ঠো… তীণি.

৬৬. নেৰদস্সনেন নভাৰনায পহাতব্বহেতুকং ধম্মং সংসট্ঠো নেৰদস্সনেন নভাৰনায পহাতব্বহেতুকো ধম্মো উপ্পজ্জতি আরম্মণপচ্চযা – নেৰদস্সনেন নভাৰনায পহাতব্বহেতুকং একং খন্ধং সংসট্ঠা তযো খন্ধা…পে… দ্ৰে খন্ধে সংসট্ঠা দ্ৰে খন্ধা. পটিসন্ধিক্খণে…পে…. (১)

নেৰদস্সনেন নভাৰনায পহাতব্বহেতুকং ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতং মোহং সংসট্ঠা সম্পযুত্তকা খন্ধা. (২)

নেৰদস্সনেন নভাৰনায পহাতব্বহেতুকং ধম্মং সংসট্ঠো ভাৰনায পহাতব্বহেতুকো ধম্মো উপ্পজ্জতি আরম্মণপচ্চযা – উদ্ধচ্চসহগতং মোহং সংসট্ঠা সম্পযুত্তকা খন্ধা. (৩)

দস্সনেন পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি আরম্মণপচ্চযা – ৰিচিকিচ্ছাসহগতং একং খন্ধঞ্চ মোহঞ্চ সংসট্ঠা তযো খন্ধা…পে… দ্ৰে খন্ধে চ মোহঞ্চ সংসট্ঠা দ্ৰে খন্ধা. (১)

ভাৰনায পহাতব্বহেতুকঞ্চ নেৰদস্সনেন নভাৰনায পহাতব্বহেতুকঞ্চ ধম্মং সংসট্ঠো ভাৰনায পহাতব্বহেতুকো ধম্মো উপ্পজ্জতি আরম্মণপচ্চযা – উদ্ধচ্চসহগতং একং খন্ধঞ্চ মোহঞ্চ সংসট্ঠা তযো খন্ধা…পে… দ্ৰে খন্ধা. (১)

অধিপতিপচ্চযাদি

৬৭. দস্সনেন পহাতব্বহেতুকং ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি অধিপতিপচ্চযা – দস্সনেন পহাতব্বহেতুকং একং খন্ধং সংসট্ঠা তযো খন্ধা…পে… দ্ৰে খন্ধা. (১)

ভাৰনায পহাতব্বহেতুকং ধম্মং সংসট্ঠো… একং.

নেৰদস্সনেন নভাৰনায পহাতব্বহেতুকং ধম্মং সংসট্ঠো নেৰদস্সনেন নভাৰনায পহাতব্বহেতুকো ধম্মো উপ্পজ্জতি অধিপতিপচ্চযা – নেৰদস্সনেন নভাৰনায পহাতব্বহেতুকং একং খন্ধং সংসট্ঠা তযো খন্ধা…পে… দ্ৰে খন্ধা; অনন্তরপচ্চযা… সমনন্তরপচ্চযা.

সহজাতপচ্চযাদি

৬৮. দস্সনেন পহাতব্বহেতুকং ধম্মং সংসট্ঠো দস্সনেন পহাতব্বহেতুকো ধম্মো উপ্পজ্জতি সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা… আসেৰনপচ্চযা… কম্মপচ্চযা… ৰিপাকপচ্চযা… আহারপচ্চযা… ইন্দ্রিযপচ্চযা … ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা….